Éxodo 14:22 - Bible in Tzeltal Bachajón

²² Ha yu'un te snich'nab Israel taquin slumil a c'axic bahel ta yohlil mar. Hich c'oht te ha' te bin ut'il ts'ahc ta wa'el soc ta q'uexam.

Bible in Tzeltal de Oxchuc y Tenejapa

²² Tey c'axic bael a te israeletic ta bay taquine. Te bit'il la sjam sba soc la stselan sba te ja'e, jejch' c'ot ta swa'el soc jejch' ta xq'uexen.

Éxodo 14:22 Referans Kwoze

Hebreos 11:29

Ta scuenta sch'uhunel yo'tanic te israeletic c'axic ta Mar Rojo, sjel ta taquin lum; pero te c'alal hich nix c'an spasic te egipciohetic, tey la sjiq'uic ha' spisilic a.

Salmos 66:6

La sc'atp'un ta taquin lum te mar, ta yoquic sohlic bahel ta jehch ha'. Tey buen tse'el co'tantic ta stojol a.

Salmos 78:13

La sjam te mar soc la yac' c'axuquic bahel tey a; la yac' te ya stehc'an sba te ha' hich te bin ut'il ts'ahc.

Éxodo 15:19

C'alal ochic ta mar te carretahetic yu'un faraón soc te cawuhetic soc te mach'atic cajajtic tey a, te Jehová la yac' suhtuc tal ta sbahic te ya'lel te mar; yan te snich'nab Israel taquin slumil a c'axic bahel ta yohlil mar.

Éxodo 14:29

Yan stuquel te snich'nab Israel, taquin slumil a sohlic bahel ta yohlil mar. Hich c'oht te ha' te bin ut'il ts'ahc ta swa'elic soc ta sq'uexamic.

1 Corintios 10:1

Quermanotac, ya jc'an te yac ana'ic te spisil te jme'jtatic axintesotic ta tocal soc c'axic ta Mar;

Isaías 63:13

¿Banti ay te mach'a la yac' c'axel ta sc'ubulil te mar, hich te bin ut'il cawu ta jochol taquin q'uinal, te ma ba la sc'ohchin yoquic?

Nehemías 9:11

La awa'be sjam sba te mar ta stojolic, hich c'axic bahel ta taquin lum. Yan te jnutsawetic yu'unic, la awac' cohuc bahel ta sc'ubulil ha', hich te bin ut'il ton ta ye'tal ha'.

Éxodo 15:8

C'alal la ahu'xiy, la stsob sba te ha'e, te ha' te behen la stsob sba; te sc'ubulil te ha' tulanub ta yohlil mar.

Números 33:8

Loq'uic bahel ta Pi-hahirot, sohlic bahel ta mar, c'ohtic ta jochol taquin q'uinal; behenic bahel oxeb c'ahc'al ta jochol taquin q'uinal Etam, la spas scampamentohic ta Mara.

Zacarías 2:5

Ho'on sts'ahcul c'ahc' ya xc'ohon ta sjoyobal, xchi te Jehová, soc ya cac' ta ilel cutsilal ta yohlil, xchi.

Josué 3:17

Yan te sacerdotehetic te sq'uechojic te scaxahul te chapbil-c'op yu'un Jehová, teq'uelic ta staquin lumil ta yohlil te Jordán ha to c'alal sohlic bahel ta Jordán spisil te pueblo. Spisil Israel sohlic bahel ta staquin lumil.

Josué 4:22

hich me xawalbeyic: Te Israel taquin a sohlic ta Jordán,

1 Samuel 25:16

Ta c'ahc'al ahc'abal hich c'ohemic te bin ut'il ts'ahc ta jtojolcotic te jayeb ch'ahc'al la joquincotic ta scanantayel te tuminchijetique.

2 Reyes 2:8

Te Elías la stsac te smehyil-pac', la spac, la smaj a te ha'e. La sjam sba te ha' ta jujujehch; ta schebalic sohlic bahel ta taquin lum.

Salmos 74:15

La ajam sloq'uib-ha' soc muc'ul-ha'etic, la awac' taquijuc te muc'ul-ha'etic te stalel ya x'oquinic.

Salmos 136:14

soc la yac' sohluc tey a te Israel, como sbahtel q'uinal ay sc'uxul yo'tan;

Isaías 43:16

Hich ya yal te Jehová, ha te mach'a ya sjam be ta yohlil mar, te ya sjam be ta yohlil ha'etic te c'ax bayel yip;

Isaías 63:12

te la stojobtes bahel ta swa'el-c'ab Moisés ta scuenta yutsil yu'el, te la sjam te ha' ta stojolic, yu'un hich ay ta na'beyel sbihil sbahtel q'uinal?

Josué 3:16

quehchaj te ha' te ya x'oquin tal ta ahc'ol, namal to la stsob hilel sba ta pueblo Adam nopol ta Saretán, yan te yoc te ya x'oquin bahel ta mar yu'un Arabá, ha te Mar Salado, taquij bahel. Hich sohlic bahel te pueblo ta stojol Jericó.

2 Reyes 2:14

La stsac te smehyil-pac' Elías te hil yu'un, la smaj a te ha'e, hich la yal: ¿Banti ay te Jehová, te Dios yu'un Elías? xchi. C'alal la smaj te ha', la sjam sba ta jujujehch, sohl bahel te Eliseo.

Salmos 106:9

La yalbe tulan mandar te Mar Rojo, hich taquij; la yac' te hich c'axic ta sc'ubulil te mar te bin ut'il ta jochol taquin q'uinal.

Salmos 136:13

te la ya'be sjam sba te Mar Rojo, como sbahtel q'uinal ay te sc'uxul yo'tan,

Isaías 11:15

Te Jehová ya me staquijtes te mar te ochem bahel ta nopol Egipto, soc ya me stij sc'ab ta stojol te muc'ul-ha' Éufrates, ya yac' bahel te q'uixin ic' yu'un, ya yac' te huqueb ya xjetin a, hich ya xhu' ya xc'axic bahel soc stepic a.

Isaías 11:16

Ay me muc'ul be yu'un te pueblo yu'un te hilemic ta Asiria, hich te bin ut'il ay yu'un Israel c'alal loq'uic tal ta sq'uinal Egipto.

Isaías 51:10

¿Ma bal ha'ucat te la ataquijtes te mar, te ha'etic yu'un te muc'ul xahab, te la ac'atp'un ta be te sc'ubulil te mar scuenta yu'un ya xc'axic bahel te mach'atic ac'bilic ta libre?