Éxodo 14:17 - Bible in Tzeltal Bachajón

¹⁷ Ya jtulanubtesbe yo'tanic te egipciohetic yu'un ya snutsex; hich ya jtohytes jc'oblal ta scuenta faraón soc spisil te soldadohetic, te carretahetic soc cawuhetic yu'un.

Bible in Tzeltal de Oxchuc y Tenejapa

¹⁷ Te jo'one ya jtulantesbey yo'tanic te egipcioetique, jich me ya snutsex. Ja'uc me to, tey me ya cac'bey yil cu'el a te faraón soc spisil te soldadoetic yu'un te ayic ta carreta soc ta caballoetique.

Éxodo 14:17 Referans Kwoze

Éxodo 14:8

Te Jehová la stulanubtesbe yo'tan te faraón, ajwalil yu'un Egipto, hich la snuts bahel te snich'nab Israel. Pero te snich'nab Israel mayuc xiwel ta yo'tanic a yaquic ta loq'uel bahel.

Éxodo 14:4

Ya jtulanubtesbe yo'tan te faraón yu'un ya snutsex. Ya xtohy jc'oblal ta scuenta faraón soc spisil te soldadohetic yu'un, soc ya me sna'ic te egipciohetic te ho'on Jehovahon, xchi. Hich la spasic.

Ezequiel 34:20

Ha yu'un, hich ya xhalbotic yu'un Jehová, te Ajwalil: Ho'on nix ya jchahpan ta yohlil te juhp'en tuminchij soc te yahuben tuminchij,

Ezequiel 34:11

Como hich yaloj te Jehová, te Ajwalil: Ho'on, ho'on nix ya jle te tuminchijetic cu'un soc ya jcanantay.

Deuteronomio 32:39

Ilawilic te ho'on jtuquel ayon, mayuc yan diosetic ta jtojol. Ho'on ya cac' lajel soc ho'on ya cac' cuxlejal; ho'on ya cac' ehchen soc ho'on ya jlamajtes; mayuc mach'a ya xhu' ya xcol loq'uel ta jc'ab.

Ezequiel 6:3

hich xawalbe: ¡Witsetic yu'un Israel, a'iya awa'iyic te sc'op Jehová, te Ajwalile! Te Jehová, te Ajwalil, hich ya yalbe te witsetic, tsehletic, sjuclejetic soc te spamlejtic: Ilawil, ho'on nix ya cac' taluc te espada ta atojolic soc ya jimbeyex te toyol awilaletic awu'unique.

Ezequiel 5:8

ha yu'un hich yaloj te Jehová, te Ajwalil: Ho'on ya jcontrahinat, hich, ho'onix; soc ya ca'bat castigo ta atojol ta scomon sit te nacionetique.

Isaías 51:12

Ho'on, ho'on te ya jmuc'ubtesbat q'uinal yac awa'iyic. ¿Mach'ahat a te yac axi' te ants-winiquetic te ya xchamic, te ants-winiquetic te hich ayic te bin ut'il ac?

Isaías 48:15

Ho'on, ho'on nix c'opojon, ho'on la jquic', la jquic' talel, lec ya xc'oht ta loq'uel te bin ya spase.

Oseas 5:14

Como hichon te bin ut'il choj ta stojol Efraín, hichon te bin ut'il jcolel choj ta stojol te sna Judá; ho'on nix ya jbutsticlan, hich ya xloc'on bahel; ya jtsacticlan bahel, mayuc mach'a ya xhu' ya scoltay loq'uel ta jc'ab.

Jeremías 23:39

ha yu'un ya jch'ayex ta co'tan soc ya jbulex loq'uel ta jtojol, ha'ex soc te pueblo la jca'beyex soc te ame'atatique.

Levítico 26:28

ha nix hich ya jcontrahinex soc quilimba soc ya jtoybeyex huqueb buelta castigo yu'un te amulique.

Éxodo 7:3

Pero ya jtulantesbe yo'tan te faraón, soc ya cac' p'ohluc señahetic soc jchahp a'teliletic cu'un ta sq'uinal Egipto.

Éxodo 4:23

La jcalbatix te ac'a loc'uc bahel te jnich'an scuenta yu'un ya sch'uhuntayon; pero ma la ac'an la awac' bahel, ha yu'un ya jmilbat te ba-alal awu'un, xchi.

Génesis 9:9

Ya jchap jc'op ta atojol soc ta stojol ats'umbal te patil ya xtal,

Génesis 6:17

Ya cac' tal puhlel ta bahlumilal, ya xlaj spisil te bintic cuxajtic ta ye'tal ch'ulchan. Spisil ya xlaj bintic ay ta bahlumilal.

Romanos 9:18

Ha yu'un chican yo'tan te Dios te mach'a ya sc'an ya sc'uxultay soc te mach'a ya sc'an ya yac' tonobuc yo'tan.

Éxodo 14:23

Te egipciohetic la snutsic ochel c'alal ta yohlil mar, spisil te cawuhetic soc te mach'atic cajajtic a, soc te carretahetic yu'un faraón.

Levítico 10:3

Ha yu'un te Moisés la yalbe te Aarón: Hich ay te bin yaloj te Jehová: Te mach'atic ya xnohpojic ta jtojol, ya ca'be yil te ho'on Ch'ul Dioson; ta stojol spisil te pueblo ya me x'ich'oton ta muc', xchi. Mayuc bin la yal yu'un te Aarón.

Josué 11:20

Como ha nix Jehová te la ya'be tulanijuc yo'tanic scuenta yu'un ya ya'beyic guerra te Israel, scuenta yu'un jc'axel ya yich'ic lajinel, ma ba na'bot yo'bolil sbahic, hich te bin ut'il pasot ta mandar yu'un Jehová te Moisés.

1 Samuel 6:6

¿Bin yu'un yac atonobtes awo'tanic hich te bin ut'il la stonobtes yo'tanic te egipciohetic soc te faraón? Ta patil te ac'ticlambot swocolic yu'un, ¿ma bal la sticonlanic bahel te israeletic, hich bahtic?

Génesis 50:9

Soc joquinot yu'un carretahetic soc mach'atic cajajtic ta cawu; mero tsobol bahtic.

Éxodo 4:21

Te Jehová hich la yalbe te Moisés: Te c'alal ya xc'ohat ta Egipto, ya me apas ta stojol faraón spisil te jchahp a'teliletic te la jca'batix apas. Pero ya jtulantesbe yo'tan scuenta yu'un ma ba ya yac' bahel te pueblo.

Jueces 4:7

Ya quic' tal ta atojol ta uc'um Cisón te Sísara, te capitán yu'un te soldadohetic yu'un Jabín, soc te carretahetic soc soldadohetic yu'un, ya ca'bat ta ac'ab, xchi.

Ezequiel 28:22

Hich xawalbe: Hich yaloj te Jehová, te Ajwalil: Jcontrahinejat, Sidón, ya xhalbot yutsil jc'oblal ta awohlil. Ya me sna'ic te ho'on Jehovahon te c'alal ya ca'be castigo, soc ya cac' ta ilel tey a te ho'on Ch'ul Dioson.