Éxodo 14:13 - Bible in Tzeltal Bachajón

¹³ Te Moisés hich la yalbe te pueblo: Ma xiwex, ayuc me yip awo'tanic, ya me awilic te colel te ya ya'botic yo'tic te Jehová; como te egipciohetic te yac awilique mayuc bin ora yac awilic xan.

Bible in Tzeltal de Oxchuc y Tenejapa

¹³ Te Moisés la sjac': —Ma me xiwex, junuc me awo'tanic. Ya me awilic yo'tic te bit'il ya scoltayotic te Cajwaltique. Ma me ayuc bi ora ya awilic xan te egipcioetic te ya awilic yo'tique.

Éxodo 14:13 Referans Kwoze

2 Crónicas 20:17

Ma ba yac awa'beyic guerra ha'ex. Lahmana abahic ta tec'lej, ya me awilic te colel yu'un Jehová ta atojolic. Judá soc Jerusalén, ma me xiwex soc ma me xpehc'aj awo'tanic; bahan, tahahic pajel, como te Jehová ya me sjoquinex, xchi.

2 Crónicas 20:15

hich la yal: A'iya awa'iyic spisil Judá soc Jerusalén, soc ha'at, ajwalil Josafat. Hich ya yalbeyex te Jehová: Ma me xiwex soc ma me xnihc awo'tanic ta stojol te ipal soldadohetic, como ma awu'unicuc te guerra, ha yu'un Dios.

Éxodo 14:30

Ta hich ora te Jehová la scoltay loq'uel te Israel ta sc'ab te egipciohetique. Te Israel la yil te chamen egipciohetic ta sti'il te mar.

2 Reyes 6:16

La sjac' te Eliseo: Ma xiwat, yu'un c'ax hich a te mach'atic sjoquinejotic te bin ut'il te mach'atic sjoquinejic stuquelic, xchi.

Isaías 35:4

Hich xawalbeyic te mach'atic ya xiw yo'tanic: ¡Ayuc me yip awo'tanic, ma me xiwex! Te Dios awu'unic ya xtal ya'be spacol; ha nix Dios ya xtal scoltayex, xchihan me.

Lamentaciones 3:26

Ha lec ch'abuc ta smahliyel te coltayel yu'un te Jehová.

Oseas 13:4

Pero Ho'on Jehovahon te Dios awu'un c'alal ayat to ta sq'uinal Egipto; mayuc yan dios te yac ana'be sba, mayuc yan jcoltaywanej, ho'on nax jtuquel.

Habacuc 3:13

Loc'at tal ta scoltayel te pueblo awu'un, ta scoltayel te mach'a tsahbil awu'une. La ajimbe te jolal yu'un te sna te mach'a chopol, la achicnajtesbe te yich'o-ip c'alal ta ton.

Isaías 43:11

Ho'on, ho'on nax jtuquel te Jehová, mayuc yan mach'a ya xcoltaywan.

Deuteronomio 20:3

hich me ya yal: A'iya awa'iyic, Israel, la atsobix abahic ta ya'beyel guerra te acontrahique; ma me xpehc'aj awo'tanic, ma xiwex, ma xamel awo'tanic, ma me tulanuc xawa'iy xiwel ta stojolic,

Números 14:9

Ha yu'un ma me xatoy abahic ta scontrahinel Jehová soc ma me xaxi'ic te yajwal te q'uinale, como te ho'otic ya me jwe'tic hichuc pan. Mayuquix canantayel yu'unic, yan te ho'otic sjoquinejotic te Jehová; ma me xaxi'ic, xchihic.

Génesis 49:18

Yacon ta smahliyel te coltayel awu'un, Jehová.

Jeremías 3:23

Melel jlo'loywanejetic te tsehletic soc bayel c'opetic ta sba witsiltic; melel ta scuenta Jehová te Dios cu'untic ay te colel yu'un Israel.

Nehemías 9:9

La awilbe swocol te jme'jtatcotic ta Egipto, soc la awa'iybe yawic ta Mar Rojo.

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Salmos 3:8

Yu'un Jehová te colole. ¡A'beya bendición te pueblo awu'une! Selah

Isaías 26:3

Ha'at yac awac' te lamal q'uinal ya ya'iy te mach'a spisil ora yac sna'belat, como ha smuc'ulinejat yo'tan.

San Mateo 28:5

Pero te ch'ul a'bat hich la yalbe te antsetic: Ma xiwex, jna'oj te yac alehic te Jesús te laj ta cruz.

Isaías 30:15

Como hich ya yal te Jehová te Ch'ul Dios yu'un Israel: Ta scuenta suhtesel-o'tanil soc cux-o'tanil yac ata acolelic; ta scuenta lamal-o'tanil soc smuc'ul-o'tanil yac ata awipic, xchi; pero ma ba la ac'anic.

1 Crónicas 11:14

pero te Eleazar tey la stehc'an sba ta yohlil a te q'uinal, la scoltay te q'uinal soc la stsal te filisteohetic, como coltayot yu'un Jehová ta yaq'uel muc'ul tsalaw.

Habacuc 3:8

¿Ilinemat bal, Jehová, ta stojol te muc'ul-ha'etic? ¿Acontrahinej bal te muc'ul-ha'etic ta awilimba? ¿Tihlem bal sc'ahc'al awo'tan ta stojol te mar c'alal mohat ta cawuhetic awu'un, ta carretahetic awu'un te ya xtsalwanic?

Oseas 13:9

Ch'ayatix, Israel, pero ay ta jcuenta te coltayel awu'une.

Génesis 46:3

La yal te Diose: Ho'on Dioson, te Dioson yu'un te atate. Ma me xaxi' te ya xcohat bahel ta Egipto, yu'un tey ya cac' a te muc'ul nación ya xc'ohat.

Éxodo 20:20

Te Moisés hich la yalbe te pueblo: Ma xiwex. Ha tal ya'iybeyex awo'tanic te Diose, scuenta yu'un ma sch'ay te xiwel yu'un ta atojolic soc te ma ba yac ale amulic a, xchi.

1 Samuel 11:13

Pero la yal te Saúl: Mayuc mach'a ya xlaj yo'tic, como te Jehová la scoltayix yo'tic te Israel, xchi.

1 Samuel 12:16

Ha yu'un mahliyahic yo'tic soc ila me awilic te muc'ul seña ya spasbeyex awilic te Jehová.

Isaías 7:4

hich me xawalbe: Tsahtaya aba soc lamaluc q'uinal yac awa'iy; ma me xiwat, ma me xnihc awo'tan yu'un te cheb xutunte' ini te xtomet sch'ahilel, yu'un te sc'ahc'al yilimba te Rezín soc te Siria soc te snich'an Remalías.

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Salmos 68:21

Dios ya me yehchentesbe sjol te scontratac, te sjolic te naht stsotsel te mach'atic yaquic to ta spasel te smulique.

Salmos 78:53

Buen cuentahimbil bahel yu'un, hich ma ba xiwic; pero mucotic ta mar te scontrataque.

Salmos 91:8

Yac awil ta asit, yac awil ya x'a'bot stojic te mach'atic chopolic.

Oseas 1:7

Pero ya jna'be yo'bolil sba te sna Judá: ya jcoltay ta scuenta Jehová te Dios yu'une, ma ha'uc ta scuenta t'ihmalte', o espada, guerra, cawuhetic, o mach'atic cajajtic tey a, xchi.