Éxodo 14:12 - Bible in Tzeltal Bachajón

¹² ¿Ma bal hichuc la jcalbatcotic ta Egipto: Ac'a cac' jbahcotic ta a'batinel yu'un te egipciohetic, ma bal xchihucotic? Yu'un ha lec xan a te ayotcotic ta mosohil yu'un te egipciohetic te ya xlajotcotic ta jochol taquin q'uinal, la yutic.

Bible in Tzeltal de Oxchuc y Tenejapa

¹² Ja' swentail te jich la caltic ta atojol ta Egipto: “Ac'a at'ejucotic ta swentaic te egipcioetique”, xootic. Melel ja' lec xan a te mozoinele, te talotic ta lajel ta muc'ul jochol taquin q'uinale —xiic.

Éxodo 14:12 Referans Kwoze

Jonás 4:3

Ha yu'un, Jehová, awocoluc lajimbonix te jcuxlejal, como ha lec te ya xchamon te bin ut'il cuxulone, xchi.

Éxodo 6:9

Te Moisés hich la yalbe te snich'nab Israel, pero ma ba la ya'iybeyic sc'op te Moisés ta scaj te pehc'ajem yo'tanic yu'un te mosohile.

Jonás 4:8

C'alal loc' tal te c'ahc'ale, Dios la yac' taluc q'uixin ic' ta stojol banti ya xloc' tal c'ahc'al. Chic'bot sjol te Jonás yu'un te c'ahc'ale, laj yip yu'un. Ya sc'an ya xcham, hich la yal: Ha lec te yacuc xchamon te bin ut'il cuxulon, xchi.

Éxodo 5:21

hich la yalbeyic: Te Jehová ac'a yilex soc ac'a yich'ex ta c'op, yu'un la awac' bohlobuquix jc'oblalcotic ta stojol faraón soc ta stojol te a'batetic yu'une; soc la awa'beyic espada ta sc'ab yu'un ya smilotcotic a, la yutic.

Éxodo 3:9

Te yawic te snich'nab Israel c'ohtix ta jtojol, soc quilojix te swocolic a'botic yu'un te egipciohetique.

San Marcos 5:7

Tulan c'opoj, hich la yal: ¿Bin awochelon a, Jesús, Snich'anat Dios te mero toyol ay? ¡Hala ta jamal ta stojol Dios te ma ba yac awuts'inon! xchi,

San Marcos 1:24

¿Bin awochelotcotic a, Jesús te talemat ta Nazaret? ¿Yu'un bal tal alajinotcotic? Ya jna'bat aba, ha'at Sch'ul-nich'anat Dios, xchi ta aw.

Oseas 4:17

Te Efraín yac'oj sba ta sch'uhunel loc'ombahetic, ¡ihquitaya!

Éxodo 13:17

Te c'alal faraón la yaq'uix loq'uel te pueblo, te Dios ma ba la yic'ticlan bahel ta sbehlal te sq'uinal filisteohetic, te ha nopol stuquel. Yu'un hich la yal te Diose: Ya wan xchebaj yo'tanic te c'alal ya yilic guerra, hich ya suhtic bahel ta Egipto, xchi.

Salmos 106:7

Te c'alal ayic ta Egipto a te jme'jtatcotic, mayuc sc'oblal c'oht ta yo'tanic te yutsil awa'tel; ma ba la sna'ic te bayel sc'uxul awo'tan, la stoy sbahic ta sti'il te Mar Rojo.