Éxodo 13:18 - Bible in Tzeltal Bachajón

¹⁸ Pero la ya'be sjoyic bahel ta sbehlal jochol taquin q'uinal ta stojol bahel Mar Rojo. Te snich'nab Israel loq'uic bahel ta Egipto chapalic soc ya'tejibic yu'un guerra.

Bible in Tzeltal de Oxchuc y Tenejapa

¹⁸ Ja' swentail te la yac'bey spas buelta ta sbelal muc'ul jochol taquin q'uinal te stojol bael Mar Rojo. Te c'alal loq'uic bael israeletic ta Egipto, xtiq'uet nax loq'uel ta spisilic.

Éxodo 13:18 Referans Kwoze

Deuteronomio 32:10

La sta ta jochol taquin q'uinal, ta mero taquin q'uinal te majbil ta tulan ic'. La sjoyobtay, la sp'ijubtes, hich la scanantay te bin ut'il sch'uhlel sit.

Éxodo 14:2

Halbeya te snich'nab Israel te ac'a yaq'uic buelta soc ac'a spas scampamentohic ta stojol Pi-hahirot, ta ohlil yu'un Migdol soc te mar, ta stojol Baal-Zefón. Ya me apas acampamentohic ta ti'mar, te snuhp'usitayej sba soc Baal-Zefón.

Éxodo 12:51

Ha nix sc'ahc'alel a te Jehová la sloq'ues tal ta sq'uinal Egipto ta jujuchahp te snich'nab Israel.

Salmos 107:7

La stojobteslan bahel ta toj be ta sbehlal jun pueblo te banti ya xhu' ya xnahinique.

Josué 1:14

Te awihnamic, anich'nabic soc awacaxic ya xhilic ta q'uinal la ya'beyex te Moisés li' ta jehch Jordán; yan te ha'exe, apisilic te ay yip awo'tanic soc te ay awipic, awich'oj awa'tejibic yu'un guerra a ya me xnahilijex bahel yu'un te awermanotac soc ya me acoltayic,

Deuteronomio 17:16

Pero te ajwalil ma sc'an te ay bayel cawuhetic yu'un, soc ma me xyac' suhtel te pueblo ta Egipto yu'un ya yich'be xan tal cawuhetic; como hich yalbeyejex te Jehová: Ma jaymehl xan ya suhtex bahel ta be ini, xchi.

Josué 4:12

Soc te sts'umbal Rubén, Gad, soc j'ohlil sts'umbal Manasés nahilijic bahel soc ya'tejibic yu'un guerra ta stojol te snich'nab Israel, hich te bin ut'il halbotic hilel yu'un Moisés.

Josué 4:13

Ay wan ho'pic (40,000) winiquetic chapalic soc ya'tejibic ta yaq'uel guerra te c'axic bahel ta stojol Jehová ta spamlej yu'un Jericó.

Salmos 136:16

Te mach'a la yic' bahel ta jochol taquin q'uinal te pueblo yu'un, como sbahtel q'uinal ay sc'uxul yo'tan;

Génesis 50:25

Te José hich la yac'ticlan ta yalel ta jamal te snich'nab Israel: Dios me ya xtal scoltayex, ha yu'un ya me awich'bonic bahel te jbaquele, xchi.

Éxodo 14:9

Te egipciohetic la snutsic bahel ta cawuhetic soc carretahetic yu'un faraón, te mach'atic cajajtic ta cawu, soc spisil te soldadohetic yu'une. C'oht stahic ta scampamentohic ta ti'mar, nopol ta Pi-hahirot, ta stojol Baal-Zefón.

Salmos 68:8

la syuq'uilan sba te q'uinal, yahl cohel tal ha'al ta ch'ulchan; la syuq'uilan sba te wits Sinaí ta stojol Dios, ha te Dios yu'un Israel.