Éxodo 13:17 - Bible in Tzeltal Bachajón

¹⁷ Te c'alal faraón la yaq'uix loq'uel te pueblo, te Dios ma ba la yic'ticlan bahel ta sbehlal te sq'uinal filisteohetic, te ha nopol stuquel. Yu'un hich la yal te Diose: Ya wan xchebaj yo'tanic te c'alal ya yilic guerra, hich ya suhtic bahel ta Egipto, xchi.

Bible in Tzeltal de Oxchuc y Tenejapa

¹⁷ C'alal te faraón la yaq'uix loq'uel a te israeletique, ma teyuc la yic' bael Dios a ta bay be ya xc'ax bael ta slumal te filisteoetique, te ja' toj nax bael te jichuque. Ja' la sna' Dios teme ya xchebaj yo'tanic yu'un teme ya yilic ya xjajch' guerra, ya niwan sujt'ic bael ta Egipto yu'un.

Éxodo 13:17 Referans Kwoze

Nehemías 9:17

Ma ba la sc'an la ya'iyic soc ma ba la sna'ic te jchahp a'teliletic te la apasticlan ta yohlilic. Tulan la yac' sbahic, soc ta scuenta stoybahilic la snopic ya yotsesic mach'a ya yic'ticlan suhtel ta mosohil. Pero te ha'at Diosat te yac apas perdón, lec awo'tan soc sts'ujet awo'tan, ma orahuc ya x'ilinat, soc muc' te sc'uxul awo'tan, ha yu'un te ma ba la apihteslan.

1 Reyes 8:47

teme tey ta q'uinal ta banti ayic ta chuquel ya suhtes yo'tanic, ya suhtic tal ta atojol soc ya sc'oponat tey ta sq'uinal te mach'atic ic'otic bahel ta chuquel yu'un, teme hich ya yalic: La jta jmulcotic, la jpascotic te bin chopol, ma lecuc te bin la jpascotic, teme xchihique,

Hechos 7:39

Pero te jme'jtatic ma ba la sc'an la sch'uhunic te Moisés, la sp'ajic soc la sc'an yo'tanic te ya suhtic xan bahel ta Egipto.

Deuteronomio 20:8

Te jcuentahinwanejetic ya me sc'oponic xan te soldadohetic, hich ya yalic: ¿Mach'a a te ya xiw soc te mayuc yip yo'tan? Ac'a suhtuc ta sna scuenta yu'un hich ma sjuc ta xiwel a te yantic yermanotac, xchihic me.

Hechos 15:38

pero te Pablo ma ba lec la ya'iy te ya yic' bahel te mach'a ch'ayotic hilel yu'un ta Panfilia, te ma ba la sjoquin ta a'tel.

Deuteronomio 17:16

Pero te ajwalil ma sc'an te ay bayel cawuhetic yu'un, soc ma me xyac' suhtel te pueblo ta Egipto yu'un ya yich'be xan tal cawuhetic; como hich yalbeyejex te Jehová: Ma jaymehl xan ya suhtex bahel ta be ini, xchi.

Jueces 7:3

Ha yu'un halbeya te pueblo: Te mach'a ya xiw soc ya xnihc yo'tan ac'a yihquitay hilel te wits Galaad, ac'a suhtuc bahel ta sna, xchi. Hich suhtic bahel cha'pic soc ho'lajunbahc' (22,000) winiquetic, pero hil xan jpic soc ho'bahc' (10,000) ta tuhl.

Hebreos 11:27

Ta scuenta sch'uhunel yo'tan la yihquitay hilel te Egipto, ma ba la xi' te yilimba te ajwalil, como la yich' yip yo'tan yu'un te yac yilbel ya'iyel te Mach'a ma chicanuc ta ilele.

Éxodo 14:10

C'alal nopol ay te faraón, la shach sitic te snich'nab Israel, la yilic te yac ta talel ta spatic te egipciohetique. Ha yu'un bayel xiw yo'tanic yu'un soc tulan la yawtayic te Jehová.

Deuteronomio 28:68

Te Jehová ya me yac' suhtat bahel ta barcohetic ta Egipto, tey nix ta be te hich la yalbe sc'oblal: Ma jaymehl ya suhtat xan bahel tey a, te xchihe. Tey yac awac' abahic ta chonel ta stojol a te acontrahic scuenta mosohil winiquetic antsetic, pero mayuc mach'a ya smanex, xchi te Moisés.