Éxodo 12:51 - Bible in Tzeltal Bachajón

⁵¹ Ha nix sc'ahc'alel a te Jehová la sloq'ues tal ta sq'uinal Egipto ta jujuchahp te snich'nab Israel.

Bible in Tzeltal de Oxchuc y Tenejapa

⁵¹ Ja' me jich c'aalil a te loq'uesot ta Egipto yu'un Cajwaltic ta stsojbol te israeletique.

Éxodo 12:51 Referans Kwoze

Éxodo 12:41

Ta mero sc'ahc'alel te ts'acay te jbahc' soc lajuneb scha'winic (430) ha'bil spisil te pueblo yu'un Jehová loq'uic bahel ta sq'uinal Egipto.

Éxodo 6:26

Ha'ic ini te Aarón soc te Moisés te halbotic yu'un Jehová: Loq'uesahic ta Egipto te snich'nab Israel ta jujuchahp, te xchihe.

Hechos 13:17

Te Dios yu'un ha'i pueblo Israel ini la stsa te jme'jtatic, soc la yac' muc'ubuc te pueblo aunque ha jyanlumetic ta sq'uinal Egipto, soc la shach sc'ab, la sloq'ues tal tey a.

Judas 1:5

Ya jc'an ya ca'beyex xan ana'ic, aunque ana'ojic nix a, te Cajwaltic te c'alal la scoltayix loq'uel ta Egipto a te pueblo yu'un, patil la slajin te mach'atic ma ba ch'uhunot yu'une.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

Éxodo 6:6

Ha yu'un hich me xawalbe te snich'nab Israel: Ho'on Jehovahon; ya jcoltayex loq'uel ta tulan a'tel ta Egipto; ya caq'uex ta libre yu'un te mosohil, soc ya jloq'uesex ta scuenta yu'el jc'ab soc ta scuenta tulan castigo.

Éxodo 7:4

Te faraón ma ba ya ya'iybeyex ac'opic; pero ya cac' jc'ab ta stojol Egipto soc ya jloq'ues te jujuchahp cu'un, ha te pueblo cu'un, ha te snich'nab Israel, ta sq'uinal Egipto ta scuenta tulan castigohetic.

Éxodo 12:50

Hich la spasic spisil te snich'nab Israel te bin ut'il pasotic ta mandar yu'un Jehová te Moisés soc Aarón.

Éxodo 13:1

Te Jehová la sc'opon te Moisés, hich la yalbe:

Éxodo 16:1

Loq'uic bahel ta Elim spisil te pueblo yu'un te snich'nab Israel, c'ohtic ta jochol taquin q'uinal Sin te ohlil yu'un Elim soc Sinaí; jun u soc ho'lajuneb (15) c'ahc'al sloq'uelic tal ta sq'uinal Egipto a.

Éxodo 19:1

Ta yoxebal u sloq'uelic bahel ta sq'uinal Egipto a te snich'nab Israel, ta sc'ahc'alel nix, c'ohtic ta jochol taquin q'uinal Sinaí.

Salmos 114:1

Te c'alal loc' tal ta Egipto te Israel, ha te sna Jacob ta pueblo te yan te sc'opique,

Salmos 136:11

te la sloq'ues ta Egipto te Israel, como sbahtel q'uinal ay te sc'uxul yo'tan,

Amós 2:10

La jloq'uesex tal ta sq'uinal Egipto, soc la jquiq'uex bahel cha'winic (40) ha'bil ta jochol taquin q'uinal, yu'un yac awu'untaybe sq'uinal te amorreohe.

Miqueas 6:4

La jloq'uesat tal ta sq'uinal Egipto, la jcac'at ta libre yu'un mosohil; la jticon bahel ta atojol te Moisés, te Aarón soc te María.

Génesis 50:24

Te José hich la yalbe ya'iyic te yermanotac: Te ho'one ya xchamonix; pero Dios me ya xtal scoltayex, ya me yiq'uex loq'uel li' ta q'uinal ini, ya me yiq'uex bahel tey ta q'uinal te yaloj ta jamal te ya ya'be te Abraham, te Isaac soc te Jacob, xchi.

Levítico 23:43

scuenta yu'un ya sna'ic a te ats'umbalic te la jcac' ta nahinel ta yaxnahetic te snich'nab Israel te c'alal la jloq'ues tal ta sq'uinal Egipto. Ho'on, Jehovahon, te Dioson awu'unique, xchi.

Números 23:22

Te Dios te la sloq'ueslan tal ta Egipto, hich ay te bin ut'il xulub ha'mal toro ta stojolic.

Números 26:4

Ahtayahic te mach'atic ayix jtahb ya'bilal, hich te bin ut'il halbot yu'un Jehová te Moisés, xchihic. Ha'ic ini te snich'nab Israel te loq'uic tal ta sq'uinal Egipto:

Números 33:1

Hich ay te banti behenic c'axel te snich'nab Israel c'alal loq'uic tal ta Egipto ta jujuchahp, ta scuenta j'ic'aw Moisés soc Aarón.

Deuteronomio 4:37

Te bin ut'il c'ux la ya'iy ta yo'tan te ame'atatic, la stsahbe te patil al-nich'anetic yu'unic, la sloq'uesat tal ta Egipto ta scuenta te sjoquinejat soc ta scuenta te smuc'ul yu'el,

Deuteronomio 16:1

Ya me acanantay te u Abib, ya me apas te Q'uin Pascua yu'un Jehová te Dios awu'un, como ta u Abib, ta ahc'abal, la yic'at loq'uel tal ta sq'uinal Egipto te Jehová te Dios awu'une.

Josué 24:5

La jticon bahel Moisés soc Aarón, soc la jca'be swocol te Egipto ta scuenta te bin la jpas ta yohlilic, patil la jloq'uesex talel.

1 Reyes 6:1

Ayix jbahc' soc chanwinic (480) ha'bil sloq'uelic tal ta Egipto a te snich'nab Israel, ta schanebal ha'bil soc cheb u yochel ta ajwalil yu'un Israel a te Salomón, ha te u Ziv, te Salomón hahch ta spasel te Na yu'un Jehová.

2 Crónicas 14:12

Te Jehová la sjinticlan te etiopiahetic ta stojol Asa soc Judá, hich loq'uic ta ahnel te etiopiahetic.