Ya me acanantayic ha to c'alal ta schanlajunebal (14) c'ahc'al te u ini, ha yorahil a te spisil te pueblo Israel ya smilic te chambahlam ta stibiltayel q'uinal.
Yan te mach'a lec sc'oblal soc te ma namaluc yac ta behel, teme ma ba ya spas te Q'uin Pascua, ya me yich' loq'uesel ta yohlil te slumale. Ha ya scuch smul ta scaj te ma ba la ya'be smahtan te Jehová ta yorahil.
C'opona spisil te pueblo Israel, hich me xawalbe: Ta slajunebal c'ahc'al yu'un te u ini, jujutuhl ya stsac jcoht jcolel tuminchij, ha chican jaytuhl te mach'atic ay yu'un ta sna, jujucoht ta jujun na.
Teme ay jyanlum te nahinem ta awohlilic te ya spas te Q'uin Pascua ta stojol Jehová, hich me ya spas te bin ut'il ya sc'an pasel soc hich te bin ut'il te mandariletic yu'une. Junax mandaril awu'unic soc te jyanlum soc te mach'a ha nix slumal, xchi.