Éxodo 12:43 - Bible in Tzeltal Bachajón

⁴³ Te Jehová hich la yalbe te Moisés soc te Aarón: Ha te ley ini scuenta te Pascua: Mayuc jtuhluc jyanlum te ya swe'.

Bible in Tzeltal de Oxchuc y Tenejapa

⁴³ Te Cajwaltic, jich la yalbey te Moisés soc Aarón: —Ja' me mandaliletic yu'un Pascua: Ma me ayuc jtuluc jyanlum ya sti' te milbil chambalame.

Éxodo 12:43 Referans Kwoze

Éxodo 12:48

Teme ay jyanlum te sjoquinejex te ya sc'an ya spas te Q'uin Pascua yu'un Jehová, ya me yich' circuncisión spisil te winiquetic, hich ya xhu' ya spas te Q'uin Pascua, como hich ya xc'oht te bin ut'il alumal. Pero te mach'a ma ba yich'oj circuncisión ma xhu' ya swe' stuquel.

Números 9:14

Teme ay jyanlum te nahinem ta awohlilic te ya spas te Q'uin Pascua ta stojol Jehová, hich me ya spas te bin ut'il ya sc'an pasel soc hich te bin ut'il te mandariletic yu'une. Junax mandaril awu'unic soc te jyanlum soc te mach'a ha nix slumal, xchi.

Éxodo 12:11

Hich yac awe'ic: achucojix ach'uhtic soc alapojix atepic soc atsacojix anahbate'ic a; ora nax me xawe'ic. Ha te Pascua yu'un Jehová.

Efesios 2:12

Ta hich ora mayuquex ta stojol te Cristo, ma junuc alumalic soc te Israel, ma ba ochemex tey ta chapbil-c'opetic yu'un te bin yaloj Dios, mayuc smuc'ul awo'tanic soc ma ba joquimbilex yu'un Dios ta bahlumilal.

Levítico 22:10

Ma mach'ayuc nax ya xhu' ya swe' te bin ch'ultesbile. Te yula' te sacerdote o te mach'a yac ta stojel ta a'tel ma xhu' ya swe' te bin ch'ultesbil.

1 Samuel 2:27

Tal jtuhl winic yu'un Dios ta stojol te Elí, hich la yalbe: Hich yaloj te Jehová: ¿Ma bal jamaluc la jcac' jba ta na'el ta stojol te mach'atic ay yu'un atat, te c'alal ayic to ta Egipto a te cuentahimbilic yu'un faraón?

2 Crónicas 30:18

Como bayelic te talemic ta Efraín, Manasés, Isacar soc Zabulón, ma ba la spasic hich te bin ut'il ts'ihbabil hilel, la swe'ic te pascua aunque ma ba la sch'ultes sbahic. Pero te Ezequías la sc'opombe Dios ta stojolic, hich la yal: Te Jehová, te lec yo'tan, ac'a spasbe perdón te mach'atic schahpanej yo'tanic ta slehel te Dios,

Ezequiel 44:7

La awaq'uic ochel jyanlumetic ta ch'ul awilal cu'un, ha te mach'atic ma ba yich'ojic circuncisión ta yo'tanic soc ta sbaq'uetalic, la abohlobtesbeyic sc'oblal te ch'ul awilal cu'un c'alal yac awa'bonic jmahtanin we'elil, sjuhp'el soc ch'ich', soc la ajimbonic te chapbil-c'op cu'un ta scuenta spisil te bintic ilobtic sba awu'unique.

Levítico 22:13

Yan teme hil ta me'ba' te yantsil-nich'an te sacerdote, o ihquitaybil yu'un smamalal, soc teme mayuc yalatac, teme suht xan tal ta sna stat, hich te bin ut'il c'alal ach'ix to a, ya xhu' ya swe'be te we'elil yu'un te state. Pero ma mach'ayuc nax ya xhu' ya swe'.