Éxodo 12:37 - Bible in Tzeltal Bachajón

³⁷ Te snich'nab Israel loq'uic bahel ta Ramsés, bahtic ta Sucot. Ay lajunwinic scha'bahc' ta mil (600,000) winiquetic te ya xbehenic ta yoquic, ma ba ahtaybilic stuquel te alaletique.

Bible in Tzeltal de Oxchuc y Tenejapa

³⁷ Te israeletic loq'uic bael ta Ramsés, bajt'ic ta Sucot. Ta spisilic lajunwinic xcha'bajc' ta jmil (600,000) te winiquetic te staojix ya'wilalic ta soldadoile. Ma ba ajtaybil stuquel te antsetic soc te alaletique.

Éxodo 12:37 Referans Kwoze

Números 1:46

ay ho'lajuneb schanwinic ta pic soc lajuneb swaxacwinic sbalunbahc' (603,550).

Éxodo 38:26

j'ohlil siclo la yac' jujutuhl, hich te bin ut'il te siclo yu'un te ch'ul awilal, spisilic te ochic ta censo te stahojic jtahb ya'bilal bahel, ay ho'lajuneb schanwinic ta pic soc lajuneb yoxwinic sbalunbahc' (603,550) ta tuhl.

Números 33:5

Te snich'nab Israel loq'uic bahel ta Ramesés, c'oht spas scampamentohic ta Sucot.

Números 33:3

Loq'uic bahel ta Ramesés ta yo'lajunebal (15) c'ahc'al yu'un te shahchibal u yu'un te ha'bile. Ta schebal c'ahc'al yu'un te Q'uin Pascua, bayel yip yo'tanic a loq'uic bahel te snich'nab Israel ta sitic spisil te egipciohetic

Números 11:21

Pero hich la sjac' te Moisés: Te pueblo te ayon ta yohlilic, ha ho'lajuneb schanwinic ta pic (600,000) winiquetic te ya xbehenic, ¡yac awal ha'at te yac awa'be swe'ic ti'bal ta sjunal u!

Génesis 47:11

Hich te José la yac' nahinuc te stat soc te sbanquiltac ta banti ay te mero lequil q'uinal ta Egipto, ha te q'uinal ta Ramesés, hich te bin ut'il la yal ta mandar te faraón.

Éxodo 1:11

Ha yu'un la yac' jpasawetic ta mandar ta stojol te israeletic scuenta yu'un ya ya'beyic swocolic ta tulan a'tel. La spasbeyic pueblohetic yu'un faraón scuenta sq'uejojibal we'elil, ha te Pitón soc Ramesés.

Números 26:51

Ha ini te snich'nab Israel te la yich'ic ahtayel, ay ho'lajuneb schanwinic ta pic soc ho'winic yo'bahc' (601,700) ta tuhl ta spisil.

Números 2:32

Ha'ic ini te snich'nab Israel te la yich'ic ahtayel ta scuenta te jujuchahp sna te statique; ta spisil te ahtaybilic ta jujun campamento, ta scuenta jujuchahp, ha ho'lajuneb schanwinic ta pic soc lajuneb swaxacwinic sbalunbahc' (603, 550).

Génesis 46:3

La yal te Diose: Ho'on Dioson, te Dioson yu'un te atate. Ma me xaxi' te ya xcohat bahel ta Egipto, yu'un tey ya cac' a te muc'ul nación ya xc'ohat.

Génesis 15:5

Hich la yic' loq'uel ta fuera soc la yalbe: Ilawil te ch'ulchan, ahtaya te eq'uetic teme ya xhu' awu'une, xchi. Soc la yalbe xan: Hich yipal ats'umbal ya xc'oht, xchi.

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

Éxodo 10:9

La sjac' te Moisés: Ya xbohotcotic soc te alaletic, me'el-mamaletic soc ach'ix-queremetic cu'uncotic, soc te tuminchijetic, tentsunetic soc wacaxetic cu'uncotic, yu'un ha q'uin cu'uncotic ta stojol Jehová, xchi.

Éxodo 13:20

Loq'uic bahel ta Sucot, c'oht spas scampamentohic ta Etam ta sti'il te jochol taquin q'uinal.

Números 1:2

Ahtaya spisil te pueblo yu'un te snich'nab Israel ta jujuchahp sts'umbal, ta jujuchahp sna static, otsesa ta hun te sbihil jujutuhl winic.