Éxodo 12:36 - Bible in Tzeltal Bachajón

³⁶ Te Jehová la yac' te lecuc c'ohtic ta stojol te egipciohetic, hich la ya'beyic te bin c'ambotic bahele. Hich te israeletic la spojbeyic loq'uel te biluquetic yu'un te egipciohetique.

Bible in Tzeltal de Oxchuc y Tenejapa

³⁶ Te Cajwaltic la yac'bey ta yo'tanic te egipcioetic te spasemal yo'tanic ya yac'beyic bael israeletic te bila ya sc'anbeyic baele. Jich ay bayal te bila la spojbeyic loq'uel te egipcioetique.

Éxodo 12:36 Referans Kwoze

Hechos 7:10

la scoltay ta spisil swocol, la ya'be sp'ijil yo'tan soc la yac' te lec yo'tan yu'un te faraón ajwalil yu'un Egipto, te la yotses ta gobernadoril yu'un Egipto soc ta scuentahinel spisil sna.

Génesis 15:14

Pero ho'on ya ca'be stoj te nación te ya xmosohinotic yu'une; patil ya xloq'uic tal soc bayel sc'ulejalic.

Daniel 1:9

Te Dios la yac' te lec yo'tan ta stojol Daniel te jtsobaw yu'un te eunucohetic;

Salmos 105:37

La yic' loq'uel te Israel soc plata soc oro, ta spisil ta chahp mach'atic ay yu'unic mayuc mach'a la sta falta.

Éxodo 11:3

Te Jehová la yac' te lec sc'oblal c'oht te pueblo ta stojol te egipciohetique. Soc te Moisés bayel sc'oblal c'oht ta sq'uinal Egipto, ta stojol te a'batetic yu'un faraón soc ta stojol te pueblo.

Génesis 39:21

Pero joquimbil yu'un Jehová te José, la ya'be yil sc'uxul yo'tan soc la yac' te lec ilot yu'un te jcuentahinwanej yu'un te cárcel.

Hechos 2:47

la yalbeyic yutsilal te Diose, soc lec sc'oblalic yu'un spisil yantic. Te Cajwaltic jujun c'ahc'al la yic'ticlan tal ta iglesia te mach'atic ya xcolique.

Proverbios 16:7

Te c'alal lec yo'tan Jehová yu'un te behetic yu'un te winic, ya yac' te ya xlahmaj yo'tanic te scontratac ta stojol.

Éxodo 11:2

Halbeya te pueblo, te jujutuhl ac'a sc'ambe spat-xuhc te bintic ay yu'unic te pasbil ta oro soc ta plata, xchi.

Esdras 1:6

Spisil te spat-xuhquic la scoltayic ta plata, oro soc spisil biluc, chambahlametic soc biluquetic te t'ujbilic te bayel stojol, soc yantic mahtaniletic te la yaq'uic scuenta sc'anojel yo'tanic.