Éxodo 12:33 - Bible in Tzeltal Bachajón

³³ Te egipciohetic la sujic loq'uel te pueblo Israel te yacuc xloq'uic bahel ta ora ta sq'uinalic, yu'un hich la yalic: Ya xchamotcotic ta jpisilcotic, xchihic.

Bible in Tzeltal de Oxchuc y Tenejapa

³³ Te egipcioetic jajch'ic ta sujel loq'uel te israeletic te yacuc loc'uquic bael ta ora ta bay slumal, yu'un la scuyic teme ya xlajic ta spisilique.

Éxodo 12:33 Referans Kwoze

Salmos 105:38

Te Egipto tse'el yo'tan yu'un te loq'uic bahel, como tal xiwel ta stojolic.

Éxodo 11:1

Te Jehová la yalbe te Moisés: Ya cac' tal jun xan castigo ta stojol faraón soc Egipto, ha to ya yaq'uex bahel a; ya stenex loq'uel soc spisil bintic ay awu'unic.

Génesis 20:3

Pero ta ahc'abal c'oponot yu'un Dios ta swayich te Abimelec, hich halbot: Ya me xlajat ta scaj te ants awic'oje, yu'un nuhpunem, ay smamalal, xchi sc'oblal.

Éxodo 6:1

Te Jehová la sjac'be sc'op te Moisés: Ya me awil yo'tic bin ya jpasbe te faraón, yu'un ta scuenta yip jc'ab ya me yac'ticlan bahel, ta scuenta yip jc'ab ya me stenticlan loq'uel ta sq'uinal, xchi.

Éxodo 10:7

Ha yu'un te a'batetic yu'un faraón hich la yalbeyic: ¿Ban c'alal ya ya'botic jwocoltic te winic ini? Ac'a bahel te winiquetic scuenta yu'un ya sch'uhuntayic te Jehová te Dios yu'unique. ¿Yu'un bal ma to xana' te jihnemix te Egipto? xchihic.

Éxodo 12:39

Te wots'bil harina te la yich'ic loq'uel tal ta Egipto la spasic ta pan te ma ba yich'oj levadura. Ma ba yich'oj levadura como te c'alal tenotic loq'uel yu'un te egipciohetic mayuc tiempo yu'unic ta schahpanel te swe'elique.

Isaías 52:12

Como ma ba ahnimal ya xloq'uex bahel, ma ba ya xloq'uex bahel ta ahnel; como te Jehová ya xnahilij bahel awu'unic, ya scanantayex bahel ta apatic te Dios yu'un Israel.

Daniel 3:22

Te bin ut'il ora la sc'an pasel te mandar yu'un te ajwalil soc te c'ax c'ahc'ubenix te horno, milotic ta yat c'ahc' te mach'atic la schuquic te Sadrac, Mesac soc Abed-nego.