Éxodo 12:29 - Bible in Tzeltal Bachajón

²⁹ Ta ohlil ahc'abal te Jehová la yehchentes scuenta lajel spisil te ba-alaletic ta sq'uinal Egipto, te ba-alal yu'un faraón te hucul ta shuctajib c'alal ta ba-alal yu'un te mach'a ay ta cárcel, soc spisil sba-al chambahlametic.

Bible in Tzeltal de Oxchuc y Tenejapa

²⁹ Ta olil ajc'ubal a te Cajwaltic la yejch'entes ta lajel sba snich'anic ta juju-jchajp sna te egipcioetique. Spisilic soc te sba snich'an faraón te ya xnajc'aj ta smuc'ul nactijibe, asta te mach'a ay ta chucjibale. Soc uuc te sba yalatac te xchamsbalamique.

Éxodo 12:29 Referans Kwoze

Salmos 78:51

La yac'ticlan ta lajel spisil te ba-alaletic yu'un Egipto, ha te sba sit te yipic ta snahilpaq'uic yu'un Cam.

Éxodo 4:23

La jcalbatix te ac'a loc'uc bahel te jnich'an scuenta yu'un ya sch'uhuntayon; pero ma la ac'an la awac' bahel, ha yu'un ya jmilbat te ba-alal awu'un, xchi.

Salmos 135:8

Ha la yac' lajuc te ba-alaletic yu'un Egipto, yu'un ants-winiquetic soc yu'un chambahlametic.

Salmos 105:36

La slajinlan spisil te ba alaletic ta slumalic, te sba sit te yipique.

Salmos 136:10

Ha te mach'a la yehchentes te ba-alaletic yu'un Egipto, como sbahtel q'uinal ay sc'uxul yo'tan;

Números 8:17

Como ho'on cu'un spisil ba-alaletic yu'un te snich'nab Israel, teme winic o chambahlam. C'alal la jcac' lajuc te ba-alaletic ta sq'uinal Egipto tey ch'ultesbil c'ohtic cu'un a.

Éxodo 12:12

Ha nix ta ahc'abal a ya xc'axon ta sq'uinal Egipto soc ya jmil spisil ba-alaletic soc sba-al chambahlametic ta sq'uinal Egipto; soc ya ca'be castigo spisil te diosetic yu'un Egipto. Ho'on Jehovahon.

Hebreos 11:28

Ta scuenta sch'uhunel yo'tan la spas te Q'uin Pascua soc la stsihtsin ta ch'ich' te puertahetic, scuenta yu'un ma ba ya xtahotic yu'un te mach'a ya smil te ba-alaletique.

Números 33:4

te c'alal yac smucbelic a te ba-alaletic yu'unic te milotic yu'un Jehová. Te Jehová ha nix hich ya'beyej castigo te diosetic yu'unique.

Éxodo 13:15

soc te c'alal tulanub yo'tan te faraón te ma ba la yac'otic loq'uel, te Jehová la yac' ta milel spisil te ba-alaletic ta sq'uinal Egipto, ha te ba-alal querem yu'un ants-winiquetic soc sba-quelmal chambahlametic. Ha scuentahil te ya ca'be milbil smahtanin Jehová te sba-quelmal te chambahlam soc te ya ca'be sjelol te jba-nich'an, xchihat.

Hebreos 12:23

ta banti stsoboj sbahic te ba-nich'aniletic te ts'ihbabil sbihilic ta ch'ulchan. Nohpojemex ta stojol Dios, te Jchahpanwanej yu'un spisilic, ta stojol te espírituhetic yu'un te mach'atic toj bin la spasic te ts'acal pasotic ta toj,

Zacarías 9:11

Ha nix hichat, ta scuenta te ch'ich' yu'un te chapbil-c'op cu'un ta atojolic, ya jloq'uesbat te jchuqueletic awu'un ta yawil ha' te mayuc ya'lel.

Jeremías 38:13

Hich te winiquetic la sloq'uesic mohel ta lazohetic ta hotbil ch'en. Te Jeremías hil ta yamaq'uil te cárcel.

Jeremías 38:6

Ha yu'un la stsaquic te Jeremías, la yotsesic ta hotbil ch'en yu'un Malquías snich'an te ajwalil, te ay ta yamaq'uil te cárcel. La scohtesic ta lazo. Mayuc ya'lel te hotbil ch'en, ha nax ahch'al; te Jeremías co bahel ta ahch'al.

Isaías 51:14

Ya xcol ta libre ta ora te mach'a chucul te ay swocol; ma ba ya xlaj ta banti chucbil, soc ma ba ya spas falta te swe'ele.

Isaías 24:22

Ya me yich'ic tsobel hich te bin ut'il ya yich'ic tsobel te jchuqueletic ta hotbil ch'en; tey macal ya xhilic a; c'alal c'axix bayel c'ahc'al a, ya me yich'ic castigo.

Job 34:20

Jts'ihn nax ya xchamic, ta ohlil ahc'abal; ya yehchentes, ya xch'ayic bahel, te mach'a ay yip ya'tel ma ta scuentahuc c'abal ya yich' loq'uesel.

Números 3:13

como ho'on cu'un spisil te ba-alaletique. C'alal la jlajin spisil te ba-alal queremetic ta sq'uinal Egipto, ch'ultesbil c'ohtic cu'un spisil te ba-alaletic yu'un te snich'nab Israel soc sba-al schansbahlamic. Ho'on cu'un. Ho'on Jehovahon, xchi.

Éxodo 9:6

Ta yan c'ahc'al hich la spas te Jehová; cham spisil te chambahlametic yu'un Egipto. Yan te schansbahlamic te snich'nab Israel ni jcohtuc cham stuquel.

Éxodo 12:28

Patil te snich'nab Israel baht spasic ta ora hich te bin ut'il halbotic ta mandar yu'un Jehová te Moisés soc Aarón.

Salmos 78:50

La schahpambe sbehlal te yilimba; ma ba la scoltaybe scuxlejalic ta lajel, ha la yac'ticlan ta jlajinwanej.

Habacuc 3:5

Te jmilawal-chamel ya xnahilij bahel ta stojol, soc ta spat te yoc ya xloc' c'ahc'.

Génesis 15:14

Pero ho'on ya ca'be stoj te nación te ya xmosohinotic yu'une; patil ya xloq'uic tal soc bayel sc'ulejalic.

Éxodo 11:1

Te Jehová la yalbe te Moisés: Ya cac' tal jun xan castigo ta stojol faraón soc Egipto, ha to ya yaq'uex bahel a; ya stenex loq'uel soc spisil bintic ay awu'unic.

Isaías 41:11

Ilawil, spisil te mach'atic ya yilintayat ya me xq'uexawic soc ya xpehc'ajic; te mach'atic ya scontrahinat mayuc sc'oblal ya xc'oht soc ya xch'ayic bahel.