Éxodo 12:17 - Bible in Tzeltal Bachajón

¹⁷ Ya me apasulanic te Q'uin yu'un Pan te ma ba yich'oj levadura, como ha nix sc'ahc'alel a te la jloq'uesex tal apisilic ta Egipto; ha yu'un ta cajalcaj bahel ats'umbalic ya me awich'ic ta muc' te c'ahc'al ini scuenta mandaril te ma xlaj sc'oblal.

Bible in Tzeltal de Oxchuc y Tenejapa

¹⁷ Te bi c'aalil ya yich' we'el te waj te ma ba yich'oj levadura, jich me xapasulayic. Ja' me sna'jibal te jich c'aalil la jloq'uesex ta Egipto. Jich me xapasulayic, mandalil me sbajt'el q'uinal. Bebe jilel me ta stojol te alnich'anetic awu'unique.

Éxodo 12:17 Referans Kwoze

Éxodo 13:8

Ta yorahil te q'uin hich me yac awalbeyic te awal-anich'anic: Hich ya yich' pasel ta scaj te bin la spasbon te Jehová te c'alal la sloq'ueson tal ta Egipto, xchihan me.

Éxodo 13:3

Te Moisés hich la yalbe te pueblo: Na'ahic me te c'ahc'al ini, ha te bin ora loq'uex tal ta Egipto te banti ayex ta mosohil, como te Jehová la sloq'uesex tal ta scuenta smuc'ul yu'el sc'ab; ha yu'un ma me xawe'ic te bin yich'oj levadura.

Éxodo 12:41

Ta mero sc'ahc'alel te ts'acay te jbahc' soc lajuneb scha'winic (430) ha'bil spisil te pueblo yu'un Jehová loq'uic bahel ta sq'uinal Egipto.

Éxodo 7:5

Ya me sna'ic te egipciohetic te ho'on Jehovahon, te c'alal ya hach jc'ab ta stojol Egipto soc ya jloq'ues bahel ta yohlilic te snich'nab Israel, xchi.

Números 20:16

Ha yu'un awonotcotic ta stojol Jehová, la ya'iy jc'opcotic, la sticon tal jtuhl ch'ul a'bat, la sloq'uesotcotic tal ta Egipto. Yo'tic li' ayotcotic ta Cades, te pueblo ay ta sti'il te aq'uinale.

Éxodo 6:26

Ha'ic ini te Aarón soc te Moisés te halbotic yu'un Jehová: Loq'uesahic ta Egipto te snich'nab Israel ta jujuchahp, te xchihe.

Éxodo 12:6

Ya me acanantayic ha to c'alal ta schanlajunebal (14) c'ahc'al te u ini, ha yorahil a te spisil te pueblo Israel ya smilic te chambahlam ta stibiltayel q'uinal.

Éxodo 12:14

Te c'ahc'al ini ha sna'ojibal awu'unic ya xc'oht, ya me apasic scuenta q'uin ta stojol Jehová ta cajalcaj ats'umbalic bahel; ha mandaril te ma xlaj sc'oblal.

Éxodo 12:24

Ya me apasulanic soc te cajalcaj bahel ats'umbalic scuenta mandaril te ma xlaj sc'oblal.

Éxodo 13:10

Ha yu'un ya me apasulan bahel ta jujun ha'bil ta mero sc'ahc'alel.

Éxodo 34:18

Ya me apas te Q'uin yu'un Pan te ma ba yich'oj levadura. Huqueb c'ahc'al yac awe' pan te ma ba yich'oj levadura, hich te bin ut'il la jcalbat, ta sc'ahc'alel ta u Abib, como ha ta u Abib te loq'uex tal ta Egipto.

Deuteronomio 16:3

Ma me xawe' soc pan te yich'oj levadura. Huqueb c'ahc'al yac awe' soc pan te ma ba yich'oj levadura, ha te pan scuenta wocolijel, como ahnimal loc'at tal ta sq'uinal Egipto; scuenta yu'un te jayeb c'ahc'al cuxulat ya me ana' te bin c'ahc'alil loc'at tal ta Egipto.