Éxodo 12:16 - Bible in Tzeltal Bachajón

¹⁶ Ta sba c'ahc'alil ay me ch'ul tsoblej awu'unic a, soc ha nix hich ta shuquebal c'ahc'al ay me ch'ul tsoblej awu'unic a. Mayuc a'tel ya yich' pasel a, ha nax spasel te we'elil te yac awe'ique.

Bible in Tzeltal de Oxchuc y Tenejapa

¹⁶ Jich yu'un ta sba c'aalil soc ta sjuquebal c'aal, xchebal me c'aal ch'ul tsoblej awu'unic a. Ma me ayuc at'el a, ja' nax me teme ay chajbanel ya sc'an jtebuc te we'elile.

Éxodo 12:16 Referans Kwoze

Números 28:18

Ta sba c'ahc'alil ay me ch'ul tsoblej; ma me xapas awa'telic a.

Números 28:25

Ta shuquebal c'ahc'al ay me ch'ul tsoblej awu'unic; ma me xapas awa'telic a.

Éxodo 16:23

Hich halbotic yu'un te Moisés: Hich ay te bin yaloj te Jehová: Pajel ha'ix te sc'ahc'alel cux-o'tan te ch'ultesbil yu'un Jehová. Te bin ya sc'an yac apayic, payahic yo'tic, soc te bin ya sc'an yac abulantes, bulantesahic; soc spisil te bintic ya spas sobra, q'uejahic yu'un pajel, xchi.

Números 29:12

Ta yo'lajunebal (15) c'ahc'al ta shuquebal u, ay me ch'ul tsoblej awu'unic, ma me xapas awa'telic a, huqueb c'ahc'al yac apasic te q'uin scuenta yich'el ta muc' te Jehová.

Números 29:1

Te sba c'ahc'alil yu'un te shuquebal u, ay me ch'ul tsoblej awu'unic, ma me xapas awa'telic a; ha sc'ahc'alel te ya yich' oq'uesinel te xulubiletique.

Levítico 23:35

Ta sba c'ahc'alil ay ch'ul tsoblej awu'unic; ma me xapas awa'telic a.

Levítico 23:27

Ta slajunebal c'ahc'alil ta shuquebal u, ha me te Sc'ahc'alel Stojel Mulil; ay me ch'ul tsoblej awu'unic, ya me acom awe'elic soc ya me awa'beyic chic'bil mahtanil te Jehová.

Levítico 23:21

Ha nix ta sc'ahc'alel a ya me apasic ch'ul tsoblej, ma me xapas awa'telic a. Ha mandaril te ma xlaj sc'oblal ta cajalcaj ats'umbalic ta bayuc te ya xnahinex.

Éxodo 20:10

yan te shuquebal c'ahc'al ha me cux-o'tan yu'un Jehová te Dios awu'une; ma me x'a'tejat a, ha'at, aquerem, awantsil-nich'an, awa'bat, acriada, achanabahlam, o te jyanlum te ay ta awohlil.

Éxodo 16:29

Ilawil, te Jehová la ya'beyex te sc'ahc'alel cux-o'tan, ha scuentahil ta swaquebal c'ahc'al ya ya'beyex pan scuenta cheb c'ahc'al. Ta shuquebal c'ahc'al jujutuhl ac'a ayinuc te banti ay, ma me ayuc mach'a ya xloc' bahel tey a, xchi.

Éxodo 16:5

Yan ta swaquebal c'ahc'al ya stsobic scuenta cheb c'ahc'al, xchi.

San Juan 19:31

Te bin ut'il yorahil schahpanel te Pascua, scuenta yu'un ma ba ya xhilic ta cruz te sbaq'uetalic, (como ha sc'ahc'alel cux-o'tan te bayel sc'oblal), te judíohetic la yalbeyic wocol te Pilato te yacuc yich' wac'ticlambeyel yacanic soc te yacuc yich'ic cohtesel te sbaq'uetalic.

Éxodo 34:18

Ya me apas te Q'uin yu'un Pan te ma ba yich'oj levadura. Huqueb c'ahc'al yac awe' pan te ma ba yich'oj levadura, hich te bin ut'il la jcalbat, ta sc'ahc'alel ta u Abib, como ha ta u Abib te loq'uex tal ta Egipto.

Deuteronomio 16:8

Waqueb c'ahc'al yac awe' pan te ma ba yich'oj levadura; ta shuquebal c'ahc'al ay me ch'ul tsoblej ta stojol te Jehová te Dios awu'un; ma me x'a'tejat a.

Isaías 1:13

Ma me xawich'boniquix tal mahtanil te mayuc sc'oblal; ya quihlay te pom. Ma xcuhchix cu'un te yuhnenal u, te sc'ahc'alel cux-o'tan soc te tsoblejetic awu'unique.

Números 28:26

Ta sc'ahc'alel te sba sit, te c'alal yac awa'beyic Jehová te sba sit ta yorahil te Q'uin yu'un Semanahetic, ay me ch'ul tsoblej awu'unic; ma me xapas awa'telic a.