Éxodo 12:14 - Bible in Tzeltal Bachajón

¹⁴ Te c'ahc'al ini ha sna'ojibal awu'unic ya xc'oht, ya me apasic scuenta q'uin ta stojol Jehová ta cajalcaj ats'umbalic bahel; ha mandaril te ma xlaj sc'oblal.

Bible in Tzeltal de Oxchuc y Tenejapa

¹⁴ Ja' in c'aal to ya me sc'an ya ana'ulayic, ya me apasic muc'ul q'uin jujun ja'wil, yu'un quich'jibal ta muc', jo'on te Ajwalilone. Ja' mandalil sbajt'el q'uinal te ya xc'ax ta stojol ta cajalcaj alnich'anetic.

Éxodo 12:14 Referans Kwoze

2 Reyes 23:21

Te ajwalil hich la spas ta mandar spisil te pueblo: Pasahic te Q'uin Pascua yu'un Jehová te Dios awu'unic, hich te bin ut'il ts'ihbabil ta libro yu'un te chapbil-c'op ini, xchi.

Éxodo 12:24

Ya me apasulanic soc te cajalcaj bahel ats'umbalic scuenta mandaril te ma xlaj sc'oblal.

Éxodo 12:17

Ya me apasulanic te Q'uin yu'un Pan te ma ba yich'oj levadura, como ha nix sc'ahc'alel a te la jloq'uesex tal apisilic ta Egipto; ha yu'un ta cajalcaj bahel ats'umbalic ya me awich'ic ta muc' te c'ahc'al ini scuenta mandaril te ma xlaj sc'oblal.

Éxodo 12:43

Te Jehová hich la yalbe te Moisés soc te Aarón: Ha te ley ini scuenta te Pascua: Mayuc jtuhluc jyanlum te ya swe'.

San Mateo 26:13

Jamal ya calbeyex, ta bayuc ya yich' halel ta swohlol bahlumilal te lec yach'il c'op, ya me yich' halel te bin la spasbon ha'i ants ini scuenta sna'ojibal, xchi sc'oblal.

Salmos 135:13

¡Jehová, sbahtel q'uinal ay te abihile; ta cajalcaj ts'umbalil ayat ta na'el!

Salmos 111:4

La yac' te ma xch'ay ta o'tanil te yutsil ya'tel; lec yo'tan te Jehová soc ya sna' c'uxultaywanej.

Deuteronomio 16:11

Tse'eluc me awo'tan ta stojol Jehová te Dios awu'un, ha'at, awal-anich'nab, awa'bat, acriada, te levita ya xnahin ta pueblohetic awu'un, te jyanlum, me'ba' soc me'ba' ants ay ta awohlil, tey ta lugar banti stsahoj Jehová te Dios awu'un te ya yac' ayinuc te sbihile.

Deuteronomio 16:1

Ya me acanantay te u Abib, ya me apas te Q'uin Pascua yu'un Jehová te Dios awu'un, como ta u Abib, ta ahc'abal, la yic'at loq'uel tal ta sq'uinal Egipto te Jehová te Dios awu'une.

Éxodo 5:1

Patil te Moisés soc te Aarón ochic bahel ta stojol te faraón, hich la yalbeyic: Hich ya yal te Jehová te Dios yu'un Israel: Ac'a bahel te pueblo cu'un scuenta yu'un ya spasbonic q'uin ta jochol taquin q'uinal, xchihic.

San Lucas 22:19

Ha nix hich la stsac te pan, la yalbe wocol Dios yu'un, la xet' soc la spucticlambe, hich la yal: Ha jbaq'uetal ini te ac'bil ta acuentahic; pasahic ta scuenta jna'ojibal, xchi.

Zacarías 6:14

Te coronahetic ya xhilic ta templo yu'un Jehová scuenta sna'ojibal yu'un te Heldai, Tobías, Jedaías soc Josías snich'an Sofonías.

Ezequiel 46:14

Ta jujun sahb ya me awa'be sjoquin jun ta swaquebal efa harina soc jun ta yoxebal hin aceite te ya yich' wots'el soc te lequil harina. Ha te mahtanil te spisil ora ya yich' a'beyel te Jehová, ha mandaril te stalel ay.

1 Samuel 30:25

(Ta hich ora ha mandar c'oht soc hich c'ahyemic ta spasel ta Israel c'alal ora ini.)

Josué 4:7

hich me xawalbeyic: Te ya'lel te muc'ul-ha' Jordán la sjat sba ta stojol te scaxahul te chapbil-c'op yu'un Jehová; c'alal c'axic bahel ta Jordán, la sjat sba te ya'lele. Te tonetic ini ya xtuhunic scuenta sna'ojibal yu'un te snich'nab Israel sbahtel q'uinal, xchi.

Números 18:8

Te Jehová la yalbe xan te Aarón: La jca'batix acuentahin te mahtaniletic cu'un. Spisil te ch'ul mahtaniletic ya ya'bonic te snich'nab Israel la jca'bat soc anich'nab, ha te bin yac awich'ic hilel, ha mandaril te ma xlaj sc'oblal.

Números 16:40

scuenta shultesojibal yo'tanic te snich'nab Israel te ma me ayuc mach'a yan ya xhu' ya xnohpoj tal ta stojol Jehová ta yaq'uel pom teme ma ha'uc sts'umbal Aarón, scuenta yu'un ma ba ya xc'oht ta scuenta te bin c'oht ta scuenta te Coré soc te smohloltac, hich te bin ut'il yaloj Jehová ta scuenta Moisés.

Números 10:8

Te sts'umbal Aarón, ha te sacerdotehetic, ya yoq'uesinic te cornetahetique. Ha mandar awu'unic te ma xlaj sc'oblal ta cajalcaj ats'umbalic.

Éxodo 12:6

Ya me acanantayic ha to c'alal ta schanlajunebal (14) c'ahc'al te u ini, ha yorahil a te spisil te pueblo Israel ya smilic te chambahlam ta stibiltayel q'uinal.

Éxodo 23:15

Ya me apas te Q'uin yu'un Pan te ma ba yich'oj levadura. Hich te bin ut'il la jcalbat, huqueb c'ahc'al yac awe' pan te ma ba yich'oj levadura, ta yorahil te u yu'un Abib, como ha yorahil te loq'uex tal ta Egipto. Ma me ayuc mach'a jochol sc'ab ya xtal ta jtojol.

Levítico 23:6

Ta yo'lajunebal c'ahc'al ta u ini ha te q'uin yu'un Jehová scuenta Pan te ma ba yich'oj levadura; huqueb c'ahc'al yac awe'ic pan te ma ba yich'oj levadura.

Deuteronomio 6:8

Ya me achuc ta ac'ab soc ta ati'ba scuenta seña;

Éxodo 27:21

Tey ta Nahilpac' Templo yu'un tahojibal, ta spat te tsalul pac' te ay ta stojol te Testigo-c'op, te Aarón soc te snich'nab ya me scuentahinic schahpanel te c'ahc' ta stojol Jehová ta xtibiltay c'alal ta sab. Ha mandaril te ma xlaj sc'oblal yu'un jujucaj sts'umbal te snich'nab Israel.

Números 15:15

Junax mandaril awu'unic soc te jyanlum te ya sjoquinex ta nahinel. Ha mandaril te ma xlaj sc'oblal ta cajalcaj ats'umbal bahel; hich te bin ut'il ayex, hich nix ay te jyanlum ta stojol te Jehová.