Éxodo 11:5 - Bible in Tzeltal Bachajón

⁵ ya xcham spisil ba-alaletic ta sq'uinal Egipto, ha te sba-nich'an faraón te hucul ta smuc'ul huctajib c'alal ta sba-al te a'bat te ya x'a'tej ta cha', soc spisil te sba-al te chambahlametique.

Bible in Tzeltal de Oxchuc y Tenejapa

⁵ Te juju-jchajp na ya me xlaj te sba snich'anic te alumal te egipcioetique, jich me uuc te sba anich'ane te ya xnajc'aj ta muc'ul nactijibale, soc me uuc te sba yal te criada te ya x'at'ej ta cha'e. Ya xlajic uuc te sba yalatac te chambalametique.

Éxodo 11:5 Referans Kwoze

Salmos 78:51

La yac'ticlan ta lajel spisil te ba-alaletic yu'un Egipto, ha te sba sit te yipic ta snahilpaq'uic yu'un Cam.

San Mateo 24:41

Ay cha'tuhl antsetic te sjoc sbahic ta juch', jtuhl ya x'ic'ot, jtuhl ya xhil.

Salmos 136:10

Ha te mach'a la yehchentes te ba-alaletic yu'un Egipto, como sbahtel q'uinal ay sc'uxul yo'tan;

Salmos 135:8

Ha la yac' lajuc te ba-alaletic yu'un Egipto, yu'un ants-winiquetic soc yu'un chambahlametic.

Salmos 105:36

La slajinlan spisil te ba alaletic ta slumalic, te sba sit te yipique.

Éxodo 13:15

soc te c'alal tulanub yo'tan te faraón te ma ba la yac'otic loq'uel, te Jehová la yac' ta milel spisil te ba-alaletic ta sq'uinal Egipto, ha te ba-alal querem yu'un ants-winiquetic soc sba-quelmal chambahlametic. Ha scuentahil te ya ca'be milbil smahtanin Jehová te sba-quelmal te chambahlam soc te ya ca'be sjelol te jba-nich'an, xchihat.

Éxodo 12:29

Ta ohlil ahc'abal te Jehová la yehchentes scuenta lajel spisil te ba-alaletic ta sq'uinal Egipto, te ba-alal yu'un faraón te hucul ta shuctajib c'alal ta ba-alal yu'un te mach'a ay ta cárcel, soc spisil sba-al chambahlametic.

Éxodo 12:12

Ha nix ta ahc'abal a ya xc'axon ta sq'uinal Egipto soc ya jmil spisil ba-alaletic soc sba-al chambahlametic ta sq'uinal Egipto; soc ya ca'be castigo spisil te diosetic yu'un Egipto. Ho'on Jehovahon.

Éxodo 4:23

La jcalbatix te ac'a loc'uc bahel te jnich'an scuenta yu'un ya sch'uhuntayon; pero ma la ac'an la awac' bahel, ha yu'un ya jmilbat te ba-alal awu'un, xchi.

Hebreos 11:28

Ta scuenta sch'uhunel yo'tan la spas te Q'uin Pascua soc la stsihtsin ta ch'ich' te puertahetic, scuenta yu'un ma ba ya xtahotic yu'un te mach'a ya smil te ba-alaletique.

Lamentaciones 5:13

Te jcolel winiquetic la yaq'uic ta juch', te queremetic laj yipic yu'un yalal si'.

Isaías 47:2

Tsaca te molino, juch'a harina; loq'uesa te smuhquil ajol; nita mohel ac'u', chicnajuc awa', c'axan ta muc'ul-ha'etic.

Jueces 16:21

Te filisteohetic la stsaquic, la sloq'uesbeyic sit, la yiq'uic bahel ta Gaza, soc la schuquic ta cadenahetic pasbilic ta bronce scuenta yu'un ya sbehentes molino ay ta cárcel.