Éxodo 10:3 - Bible in Tzeltal Bachajón

³ Ha yu'un te Moisés soc Aarón bahtic ta stojol faraón, hich la yalbeyic: Te Jehová te Dios yu'un te hebreohetic, hich la yal: ¿Bin to ora yac apehc'an aba ta jtojol? Ac'a loq'uel te pueblo cu'un, yu'un ya xbaht sch'uhuntayonic.

Bible in Tzeltal de Oxchuc y Tenejapa

³ Te Moisés soc Aarón ba sc'oponic te faraón, jich la yalbeyic: —Jich la yal te Cajwal te Dios cu'untic te hebreootique: “¿Bi ora ya apejc'an aba ta jtojol? Ac'a loq'uel te lum cu'une. Ya xba yich'onic ta muc'.

Éxodo 10:3 Referans Kwoze

1 Pedro 5:6

Ha yu'un pehc'ana me abahic ta stojol sc'ab Dios te bayel yu'el, scuenta yu'un ha ya stoybeyex ac'oblalic te c'alal ya sta yorahil yu'une.

Santiago 4:10

Pehc'ana abahic ta stojol te Cajwaltic, ha me ya stohytesbeyex ac'oblalic.

1 Reyes 21:29

¿La bal awilix te Acab te la spehc'anix sba ta jtojol? Te bin ut'il bic'tajix ta jtojol, ma ba ya cac' taluc wocol te jayeb c'ahc'al cuxul, ha to ya xc'oht ta scuenta te snich'ane, xchi.

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

Romanos 2:4

¿O ma bal ayuc sc'oblal awu'un te yutsil slequil yo'tan Dios, te ya xcuhch yu'un soc te ya xmahliwan, te ma ba yac ana' te ya stojobtesat bahel te slequil yo'tan Dios yu'un yac asuhtes awo'tan?

Jeremías 13:18

Halbeya te ajwalil soc te ajwalil-ants: Huclanic ta banti peq'uel, como ch'ayemix cohel ta ajol te t'ujbil corona awu'unic, xchihat me.

Ezequiel 5:6

Pero la stoy sbahic ta stojol te bintic halbil cu'un soc te mandariletic cu'une, c'ax hich schopolil a te bin ut'il te nacionetic soc te yantic pueblohetic ta sjoyobal; como la sp'ajbonic te bintic halbil cu'un soc te mandariletic cu'un, ma ba la st'unic.

Jeremías 13:10

Te chopol pueblo ini, te ma sc'an ya ya'iybon jc'op, te ya st'unic bahel te stulanil yo'tanic soc ya st'unic bahel yantic diosetic yu'un ya yac' sbahic ta a'batinel yu'unic soc ya sch'uhuntayic, hich ya xc'ohtic te bin ut'il te chuquil ch'uhtul ini, te jc'axel ma xtuhune.

Isaías 2:11

Ya xpehc'anot te stoybahil te sit te ants-winic, te stoybahil te ants-winic ya me yich' pehc'anel. Ha nax ya xtoybot sc'oblal te Jehová ta hich ora.

Isaías 1:5

¿Bin yu'un te yac ac'an yac awich'ic xan castigo? ¿Ya to bal atoy abahic? Ay ta chamel swohlol ajol, ay ta wocol spisil awo'tan.

Proverbios 18:12

Stoyoj sba te winic te c'alal ma to ba pehc'ambil, pero nahil ay te peq'uel-o'tanil, patil te ich'el ta muc'.

Proverbios 1:24

Ho'on la jquiq'uex tal, pero ma ba la ac'an la awa'iyic; la jach jc'ab pero mayuc mach'a la yich'bon ta cuenta.

Proverbios 1:22

Ha'ex te ma xana'ic q'uinal, ¿bin to ora te yac amulanic te mayuc bin yac ana'ic? ¿Bin to ora ya smulanic labanwanej te jlabanwanejetic soc te mach'atic mayuc sp'ijil yo'tanic te ya sp'ajic bin ay ta na'el?

Job 42:6

Ha yu'un ya quihlay jba soc ya jsuhtes co'tan ta ts'u'lum soc ta tan, xchi te Job.

2 Crónicas 34:27

te nihc awo'tan yu'un soc te la apehc'an aba ta stojol Dios te c'alal la awa'iy te bin ya yalbe sc'oblal te lugar ini soc te mach'atic nahinemic tey a, soc te la apehc'an aba ta jtojol, la ach'i' ac'u' yu'un soc oc'at ta jtojol, ha nix hichon la jca'iybat ac'op, xchi te Jehová.

2 Crónicas 33:19

Te bin la yal ta sc'oponel Dios soc te bin ut'il a'iybot sc'op yu'un, spisil te smul soc te ma junuc yo'tan, soc te bantic la spasticlan te toyol awilaletic soc te la stehc'an loc'ombahetic yu'un Asera soc yantic loc'ombahetic, te c'alal ma to ba spehc'anej sba a, ha ts'ihbabil hilel ta hun yu'un te jalwanejetique.

2 Crónicas 33:12

Pero te c'alal ay ta wocol, la sc'opon te Jehová te Dios yu'un, mero peq'uel la yac' sba ta stojol te Dios yu'un te sme'state.

1 Reyes 18:21

Te Elías nohpoj tal ta stojol te pueblo, hich la yal: ¿Jayeb xan ora te xyahl xmo awo'tanic te cheb bin anopojic? Teme ha Dios te Jehová, t'unahic; teme ha te Baal, t'unahic bahel hiche, xchi. Ma ba la sjaq'uic te pueblo.

Números 14:27

¿Jayeb xan tiempo ya xcuhch cu'un te chopol pueblo ini te ya scontrac'optayonic? La jca'iybeyix te spartehic te snich'nab Israel te la yalbonique.

Éxodo 16:28

Te Jehová hich la yalbe te Moisés: ¿Bin to ora yac ach'uhumbonic te mandariletic cu'un?

Éxodo 9:17

Pero ya to atoy xan aba ta scontrahinel te pueblo cu'un te ma xawac' loq'uele.

2 Crónicas 7:14

teme ya spehc'an sbahic te pueblo cu'un te yich'beyejonic te jbihil, teme ya sc'oponon soc ya slehbon te jsit quelaw, teme ya suhtes yo'tanic yu'un te bintic chopol spasojique, hich ya ca'iybe sc'opic c'alal ta ch'ulchan, ya jpasbe perdón yu'un smulic, soc ya cac' lecubuc te sq'uinalique.

Éxodo 4:23

La jcalbatix te ac'a loc'uc bahel te jnich'an scuenta yu'un ya sch'uhuntayon; pero ma la ac'an la awac' bahel, ha yu'un ya jmilbat te ba-alal awu'un, xchi.

Éxodo 10:4

Teme ma xawac' loq'uele, pajel ya jticon tal c'ulubetic ta aq'uinal;

2 Reyes 22:19

soc te la stijbat awo'tan yu'un soc la apehc'an aba ta stojol Jehová te c'alal la awa'iy te bin la jcal ta scontrahinel te lugar ini soc te mach'atic nahinemic tey a, ha te ya xtal tulan wocol ta stojolic soc c'ax bohloben sc'oblalic ya xc'ohtic, soc te la ach'i'ticlan ac'u' soc oc'at ta jtojol, la jca'iybat te ac'ope, xchi te Jehová.

Jeremías 50:29

Ic'ahic tal ta scontrahinel Babilonia j'ac'-t'ihmalte'etic, spisil mach'atic ya yaq'uic t'imalte'; joytayahic ta sjoyobal, ma me ayuc mach'a ya xcol loq'uel. A'beyahic stoj chican bin yilel te ya'telic; ha chican bin la spas, hich me yac apasbe, como la shachbe yo'tan te Jehová, te Ch'ul Dios yu'un Israel.

Daniel 5:22

Pero ha'at, Belsasar te snich'anat, ma ba la apehc'an aba aunque ana'oj spisil ini.

Éxodo 5:1

Patil te Moisés soc te Aarón ochic bahel ta stojol te faraón, hich la yalbeyic: Hich ya yal te Jehová te Dios yu'un Israel: Ac'a bahel te pueblo cu'un scuenta yu'un ya spasbonic q'uin ta jochol taquin q'uinal, xchihic.