Éxodo 10:26 - Bible in Tzeltal Bachajón

²⁶ Ya quic'cotic bahel te chambahlametic cu'uncotic, ma ba ya xhil jcohtuc, yu'un ya xtuhun cu'uncotic scuenta sch'uhuntayel Jehová te Dios cu'uncotic, yu'un ma to jna'cotic bin ya ca'becotic ta sch'uhuntayel te Jehová ha to c'alal ya xc'ohotcotic tey a, xchi.

Bible in Tzeltal de Oxchuc y Tenejapa

²⁶ Jich yu'un te chambalametic cu'untique ya me xbootic soc, ma me bay ya xjil jcojt'uc chambalam. Melel tey ya xc'o jtsatic a te ya cac'beytic smajt'anin te Cajwaltique. Te bit'il ma to bay ya xc'ootic tey a, ma jna'tic te bila ya cac'beytic te ya quich'tic ta muc' a te Cajwaltique —xi' te Moisese.

Éxodo 10:26 Referans Kwoze

Hebreos 11:8

Ta scuenta sch'uhunel yo'tan te Abraham, c'alal ic'ot yu'un Dios, la sch'uhun mandar te ya xbaht ta yan lugar te ya x'a'bot yich'; hich loc' bahel, ma ba sna'oj te banti yac ta bahele.

2 Corintios 8:5

C'ax hich la yaq'uic a te bin ut'il la jcuycotic te ya xhu' yu'unic yaq'uele, pero nahil la yac' sbahic ta stojol te Cajwaltic, patil ta jtojolcotic, hich te bin ut'il ya sc'an yo'tan te Diose.

Zacarías 14:20

Ta hich ora hich ya yich' ts'ihbayel ochel ta campanahetic yu'un te cawuhetic: Ch'ultesbil ta stojol Jehová, xchi. Soc te oxometic yu'un te sna Jehová hich ya xc'ohtic te bin ut'il te muc'ul tazahetic yu'un te scajtajib ta chiq'uel mahtanil.

Oseas 5:6

Ya xbahtic soc te tuminchijetic soc wacaxetic yu'unic ta slehel te Jehová, pero ma ba ya stahic, ¡como ihquitayotic yu'un!

Isaías 23:18

Pero te stojol ya'tel ya x'ac'ot ta stojol Jehová. Ma ba ya yich' q'uejel, ma ba ya yich' tsobel, como te stojol ya'tel ha yu'un ya xc'oht te mach'atic ayic ta stojol Jehová, scuenta yu'un ya xnoj sch'uhtic soc ya slap t'ujbil sc'u' spaq'uic a.

Proverbios 3:9

Ich'a ta muc' Jehová soc te bintic ay awu'un soc te sba sit spisil ats'unub awawal;

Éxodo 12:32

Soc ic'ahic bahel te atuminchijic soc awacaxic, hich te bin ut'il la awalique, bahanic ta ora; soc a'bon hilel bendición, xchi.

Éxodo 10:9

La sjac' te Moisés: Ya xbohotcotic soc te alaletic, me'el-mamaletic soc ach'ix-queremetic cu'uncotic, soc te tuminchijetic, tentsunetic soc wacaxetic cu'uncotic, yu'un ha q'uin cu'uncotic ta stojol Jehová, xchi.

Éxodo 10:25

Hich la sjac' te Moisés: Ya me awa'botcotic te chambahlametic yu'un milbil mahtaniletic soc scohtol chic'bil mahtaniletic te ya ca'becotic Jehová te Dios cu'uncotique.

Éxodo 8:27

Ya xbehenotcotic bahel oxeb c'ahc'al ta jochol taq'uin q'uinal, tey ya ca'becotic milbil smahtan a te Jehová te Dios cu'uncotic, hich te bin ut'il ya yalbotcotique, xchi.