Éxodo 10:25 - Bible in Tzeltal Bachajón

²⁵ Hich la sjac' te Moisés: Ya me awa'botcotic te chambahlametic yu'un milbil mahtaniletic soc scohtol chic'bil mahtaniletic te ya ca'becotic Jehová te Dios cu'uncotique.

Bible in Tzeltal de Oxchuc y Tenejapa

²⁵ Te Moisés la sjac': —Ma jichuc. Asta ja'at ya sc'an ya awac'botic te chambalam te ya jmilbeytic ya jchic'beytic ta swenta yich'jibal ta muc' te Cajwal te Dios cu'une.

Éxodo 10:25 Referans Kwoze

Levítico 16:9

Te Aarón ya yic' tal te tentsun te c'oht ta scuenta te seña ta na'el yu'un Jehová, ha ya yac' scuenta mahtanil yu'un mulil.

Levítico 9:22

Patil te Aarón la stoy sc'ab ta stojol te pueblo, la ya'be bendición. Te c'alal laj yac'bel a te mahtanil yu'un mulil, te scohtol chic'bil mahtanil soc te milbil mahtanil scuenta lamal q'uinal, co tal te Aarón.

Génesis 8:20

Te Noé la spasbe scajtajib ta chiq'uel mahtanil te Jehová, la stsa te chambahlametic soc mutetic te lec sc'oblalic, la yac' scohtol chic'bil mahtanil ta scajtajib.

Éxodo 10:24

Ha yu'un te faraón la yac' ta iq'uel tal te Moisés, hich la yalbe: Bahan, ch'uhuntayahic te Jehová; soc ic'ahic bahel te alaletic awu'unic, pero ya xhil te tuminchijetic, tentsunetic soc te wacaxetic awu'unic, xchi.

Éxodo 10:26

Ya quic'cotic bahel te chambahlametic cu'uncotic, ma ba ya xhil jcohtuc, yu'un ya xtuhun cu'uncotic scuenta sch'uhuntayel Jehová te Dios cu'uncotic, yu'un ma to jna'cotic bin ya ca'becotic ta sch'uhuntayel te Jehová ha to c'alal ya xc'ohotcotic tey a, xchi.

Éxodo 20:24

Ya me apasbon ta puro lum te scajtajib ta chiq'uel mahtanil, tey yac awac' a te scohtol chic'bil mahtaniletic, te mahtaniletic scuenta lamal q'uinal, te tuminchijetic soc wacaxetic awu'unique. Ta spisil lugar banti ya cac' te sna'ojibal te jbihile, tey ya xtalon ta atojol soc tey ya ca'bat bendición a.