Éxodo 10:24 - Bible in Tzeltal Bachajón

²⁴ Ha yu'un te faraón la yac' ta iq'uel tal te Moisés, hich la yalbe: Bahan, ch'uhuntayahic te Jehová; soc ic'ahic bahel te alaletic awu'unic, pero ya xhil te tuminchijetic, tentsunetic soc te wacaxetic awu'unic, xchi.

Bible in Tzeltal de Oxchuc y Tenejapa

²⁴ Jich yu'un te faraón la sticun ta iq'uel te Moisés, jich la yalbey: —Baan ich'aic ta muc' te Awajwalique. Ic'aic bael te alaletic awu'unique. Ja'uc me to, ijq'uitayaic jilel stuquel te chijetic soc te wacaxetic awu'unique —xi' te faraón.

Éxodo 10:24 Referans Kwoze

Éxodo 8:28

La yal te faraón: Ya caq'uex bahel yu'un yac awa'beyic milbil smahtan te Jehová te Dios awu'unic ta jochol taquin q'uinal, pero ma ba c'ax namaluc ya xbahex. C'opombonic me Dios, xchi.

Éxodo 9:28

C'opona te Jehová, yu'un tic' a te chahwuc yu'un Dios soc te bat. Ya caq'uex bahel, ma ba ya jcomexix, xchi.

Génesis 34:23

Ha cu'untic ya xc'oht te schansbahlamic, sbiluquic soc yantic schansbahlamic. Ha lec ya jchap jc'optic soc, hich ya xnahinic ta cohliltic a, xchihic.

Éxodo 8:8

Ha yu'un te faraón la sticon ta iq'uel te Moisés soc Aarón, hich la yalbe: C'opona te Jehová te yacuc sloq'ues bahel te xch'uch'etic ta jtojol soc ta stojol te pueblo cu'un, ya cac' loc'uc bahel te pueblo awu'un yu'un ya ya'beyic milbil smahtan te Jehová, xchi.

Éxodo 8:25

Ha yu'un te faraón la yic' tal te Moisés soc Aarón, hich la yalbe: Bahan, a'beyahic milbil smahtan te Dios awu'unic li' nix ta q'uinali, xchi.

Éxodo 10:25

Hich la sjac' te Moisés: Ya me awa'botcotic te chambahlametic yu'un milbil mahtaniletic soc scohtol chic'bil mahtaniletic te ya ca'becotic Jehová te Dios cu'uncotique.