Éxodo 10:19 - Bible in Tzeltal Bachajón

¹⁹ Ha yu'un te Jehová la yac' tal mero tulan ic' ta stojol banti ya xmahl c'ahc'al te la yic' bahel te c'ulubetic, la yac'ticlan ochel ta Mar Rojo; ma ba hil jcohtuc c'ulub ta spahmal sq'uinal Egipto.

Bible in Tzeltal de Oxchuc y Tenejapa

¹⁹ Jich te Cajwaltic la sjelbey bael sbe te iq'ue. Tulan jajch' te ic' ta smalib c'aal, la yic' bael te c'ulubetique. La yac' bael ta Mar Rojo, ma'yuc jcojt'uc c'ulub jil ta Egipto.

Éxodo 10:19 Referans Kwoze

Joel 2:20

Ya cac' namijuc bahel ta atojolic te soldadohetic talemic ta norte, ya jticon bahel ta jochol taquin q'uinal: te nahil ay yu'unic ya x'ochic bahel ta mar ta stojol sloq'uib c'ahc'al, te patil ay yu'unic ya x'ochic ta mar ta stojol smahlib c'ahc'al. Ya xc'a'ic soc ya xmo stuhil, muc' bintic spasticlanejic.

Hebreos 11:29

Ta scuenta sch'uhunel yo'tanic te israeletic c'axic ta Mar Rojo, sjel ta taquin lum; pero te c'alal hich nix c'an spasic te egipciohetic, tey la sjiq'uic ha' spisilic a.

Éxodo 15:4

La sch'oj ochel ta mar te carretahetic soc soldadohetic yu'un faraón. Te tsahbil capitanetic yu'un, mulotic ta Mar Rojo.

Éxodo 13:18

Pero la ya'be sjoyic bahel ta sbehlal jochol taquin q'uinal ta stojol bahel Mar Rojo. Te snich'nab Israel loq'uic bahel ta Egipto chapalic soc ya'tejibic yu'un guerra.

Éxodo 10:18

Loc' bahel te Moisés ta stojol faraón, la sc'opon te Jehová.

Éxodo 10:20

Pero te Jehová la stulanubtesbe yo'tan te faraón, hich ma ba la yac' bahel te snich'nab Israel.

Salmos 109:23

Hich ya xch'ayon bahel te bin ut'il axinal c'alal ya xmahl c'ahc'al; ¡ya quich' yuq'uilanel hich te bin ut'il c'ulub!