Éxodo 10:18 - Bible in Tzeltal Bachajón

¹⁸ Loc' bahel te Moisés ta stojol faraón, la sc'opon te Jehová.

Bible in Tzeltal de Oxchuc y Tenejapa

¹⁸ Te c'alal loc' bael Moisés ta smuc'ul palacio te faraón, la sc'opon te Cajwaltique.

Éxodo 10:18 Referans Kwoze

San Lucas 6:28

lec me sc'oblal awu'unic te mach'atic chopol ac'oblalic yu'un, soc c'opombeyahic Dios te mach'atic ya yixta'c'optayex.

San Mateo 5:44

Pero ho'on ya calbeyex: C'ux me xawa'iy ta awo'tanic te acontra, lecuc me xac'oponic te mach'atic ya yixta'c'optayex, lecuc bin yac apasbeyic te mach'atic ya sp'ajex, soc c'opombeyahic Dios te mach'atic ya yuts'inex,

Éxodo 8:9

Te Moisés la yalbe te faraón: Halbon ca'iy te bin ora ya sc'an te ya jc'opombeyex Dios soc te a'batetic soc te pueblo awu'un scuenta yu'un ya xloq'uic bahel te xch'uch'etic ta atojol soc ta anahic, te ha nax ya xhilic ta ha', xchi.

Éxodo 8:12

Ha yu'un loq'uic bahel te Moisés soc Aarón ta stojol faraón. Te Moisés la sc'opon Jehová yu'un te xch'uch'etic te sticonej tal ta stojol faraón.

Éxodo 10:19

Ha yu'un te Jehová la yac' tal mero tulan ic' ta stojol banti ya xmahl c'ahc'al te la yic' bahel te c'ulubetic, la yac'ticlan ochel ta Mar Rojo; ma ba hil jcohtuc c'ulub ta spahmal sq'uinal Egipto.

Éxodo 8:8

Ha yu'un te faraón la sticon ta iq'uel te Moisés soc Aarón, hich la yalbe: C'opona te Jehová te yacuc sloq'ues bahel te xch'uch'etic ta jtojol soc ta stojol te pueblo cu'un, ya cac' loc'uc bahel te pueblo awu'un yu'un ya ya'beyic milbil smahtan te Jehová, xchi.

Números 11:2

Te pueblo awonic ta stojol Moisés, te Moisés la sc'opon te Jehová, hich tup' te c'ahq'ue.