Éxodo 1:17 - Bible in Tzeltal Bachajón

¹⁷ Pero te jtam-alaletic la xi'ic te Diose, ma ba la spasic te bin pasotic ta mandar yu'un te ajwalil yu'un Egipto, la yac' cuxajuc te tut queremetique.

Bible in Tzeltal de Oxchuc y Tenejapa

¹⁷ Ja'uc me to, te jtam-alaletic la xi'ic te Diose. Jich ma ba la spasic te bila mandal la yal te ajwalil ta Egipto, la yac' cuxinuc te ch'in queremetique.

Éxodo 1:17 Referans Kwoze

Hechos 5:29

Hich la sjac' te Pedro soc te yantic jpuc-c'opetic: Ha bayel xan sc'oblal te ya jch'uhumbetic smandar Dios te bin ut'il te smandar winiquetique.

Éxodo 1:21

Te bin ut'il la xi'ic Dios te jtam-alaletic, la yac' p'ohluc te mach'atic ay yu'unique.

San Lucas 12:5

Pero ya ca'beyex ana'ic mach'a a te ya sc'an yac axi'ic: Ha me xaxi'ic te mach'a ya xhu' ya slajimbat acuxlejal soc te ya xhu' ya sticonat bahel ta infierno. Ya calbeyex, ha me xaxi'ic stuquel.

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

Eclesiastés 12:13

Te slajibal spisil te bin ay ta a'iyel, ha ini: Ich'a ta muc' te Diose soc ch'uhumbeya te mandariletic yu'une, como hich ay spisil te ay ta scuenta spasel te ants-winiquetique.

Daniel 6:13

Hich la sjac'beyic te ajwalil: Te Daniel, te jtuhl te ic'ot loq'uel tal ta chuquel ta Judá, ma ba ya yich'at ta cuenta, ajwalil, o te mandaril te la awac' afirma a, oxeb buelta jujun c'ahc'al ya sc'opon te Dios yu'une, xchihic.

Proverbios 16:6

Ta scuenta sc'uxul-o'tanil soc smelelil ay ta pasel perdón yu'un mulil; soc ta scuenta xi'el te Jehová ya sq'uej sba te winic ta stojol te bin chopole.

Eclesiastés 8:12

Aunque te jmulawil ya sta smul ho'winic (100) buelta, soc ya xnahtij scuxlejal, pero jna'oj te lec ya xc'oht te mach'atic ya yich'ic ta muc' te Diose, te mach'atic ya xiwic ta stojol;

Salmos 31:19

Mero muc' te yutsil awo'tan, te ha q'uejbil awu'un yu'un te mach'atic ya yich'at ta muc', te ha la awa'be yilic ta stojol te ants-winiquetic te mach'atic smuc'ulinejat yo'tanique.

Génesis 42:18

Ta yoxebal c'ahc'al te José hich la yalbe: Pasahic ini, hich ya xcuxajex a, yu'un te ho'one jxi'oj te Diose:

Oseas 5:11

Uts'imbil te Efraín, tembil ta castigo, como la sc'an la st'un bahel te bintic tojol ayic.

Proverbios 8:13

Te xi'el te Jehová, ha te sp'ajel te bin chopol; ya quihlay te toybahil soc te muc' ya scuy sba, te chopol be soc te chopol c'op.

Nehemías 5:15

Pero te yantic gobernadoretic te nahil ay cu'un la ya'beyic swocol te pueblo, la sc'ambeyic cha'winic (40) ta sehp plata yu'un pan soc vino, soc te a'batetic yu'unic la ya'beyic swocol te pueblo. Pero te ho'one, ma hichuc la jpas, ta scaj la jxi' te Diose.

Miqueas 6:16

Como ach'uhunej spasel te mandariletic yu'un Omri soc spisil bintic la spasic te mach'atic ay yu'un Acab, la at'unic te bintic la yalique; ha yu'un ya cac'at ta jinel soc ya cac' ta labanel te mach'atic nahinemic ta awohlilique. Ha yu'un yac awich'ic labanel yu'un te pueblo cu'une.

Génesis 20:11

La sjac' te Abraham: La jcal ta co'tan: Melel li' ta lugar ini mayuc ta xi'el te Diose, ya me smilonic ta scaj quihnam.

Éxodo 1:18

Ha yu'un te ajwalil yu'un Egipto la sticon ta iq'uel tal te jtam-alaletic, hich la yalbe: ¿Bin yu'un hich la apasic, te la awac' cuxajuc te queremetique? la yut.

1 Samuel 22:17

Hich te ajwalil la yalbe te jcananetic yu'un te ayic ta sts'ehl: Milahic te sacerdotehetic yu'un Jehová, yu'un ha nix hich jun yo'tanic soc David. Sna'ojic te yac ta ahnel ta jtojol, pero ma ba la yalbonic, xchi. Pero te a'batetic yu'un te ajwalil ma ba la sc'an la smilic te sacerdotehetic yu'un Jehová.

2 Samuel 24:4

Pero te bin la yal te ajwalil ha ich'bil ta cuenta c'oht, ha mayuc ta cuenta c'oht te bin la yal te Joab soc te capitanetic yu'un te soldadohetique. Hich loc' bahel ta stojol te ajwalil te Joab soc te capitanetic yu'un te soldadohetic ta yahtayel te pueblo yu'un Israel.

Ester 3:3

Te a'batetic yu'un te ajwalil te ayic ta ti'nahil la sjoc'obeyic te Mardoqueo: ¿Bin yu'un yac ac'axuntaybe smandar te ajwalil? xchihic.