Ester 9:29 - Bible in Tzeltal Bachajón

²⁹ Te ajwalil-ants Ester yantsil-nich'an Abihail, soc te judio Mardoqueo, ta scuenta te tulan a'tel yich'ojic, la sts'ihbayic te schebal carta ini sc'oblal Purim.

Bible in Tzeltal de Oxchuc y Tenejapa

²⁹ Te bit'il ay yat'elique, te antsil-ajwalil Ester te yantsil-nich'an Abihail soc te Mardoqueo te judio-winic la sts'ibubeyic yan xan carta; mero tulan xan sc'oplal la yalbey te q'uin Purim sbiile, ja' nix la xcha'albeyic xan sc'oplal te bila la yalic ta sbabial carta.

Ester 9:29 Referans Kwoze

Ester 9:20

Te Mardoqueo la sts'ihbay ta hun te bin c'oht ta pasel soc la sticonlambe cartahetic spisil te judiohetic te ayic ta spisil ta jsehp q'uinal yu'un te ajwalil Asuero, te nopol soc te namal ayique.

Ester 2:15

Te c'alal c'oht yorahil te ic'ot tal ta stojol ajwalil te Ester, te yantsil-nich'an Abihail, stajun Mardoqueo te coltesot yu'un, ha nax la yich' bahel te bin halbot yu'un te Hegai, te eunuco yu'un te ajwalil te ya scanantay te antsetique. Te Ester lec c'oht ta o'tanil yu'un spisil te mach'atic ilotic yu'un.

Ester 8:10

La sts'ihbay ta scuenta sbihil te ajwalil Asuero, la ya'be yich' sellohil ta sch'ocow te ajwalil, la sticonlan bahel te cartahetic ta scuenta winiquetic te mohemic ta cawu te mero ya xbehenic, te ha nix cawuhetic yu'un te ajwalil.

Ester 3:15

Te mach'atic yich'ojic te cartahetic loq'uic bahel ta scuenta smandar te ajwalil, soc la yich' aq'uel te mandaril ta Susa banti nahinem te ajwalil. Te ajwalil soc te Amán hucajtic ta uch'bajel, pero ta Susa ma ba la sna'ic bin ya spasic.

Ester 9:21

La spasticlan ta mandar te jujunuc ha'bil ya spasic q'uin ta schanlajunebal (14) soc ta yo'lajunebal (15) c'ahc'al ta u Adar,

Ester 9:28

La yalic te ay ta na'el te c'ahc'aletic ini soc ya me spasic q'uin ta cajalcaj sts'umbalic, ta jujuchahp sna, ta jujusehp q'uinal soc ta jujun pueblo; te c'ahc'aletic ini yu'un Purim ma ba ya ch'ay ta yo'tanic scanantayel, soc te sts'umbalic ma me ayuc bin ora ya xch'ay ta yo'tanic.