Ester 9:27 - Bible in Tzeltal Bachajón

²⁷ te judiohetic la yalic te ha costumbre ya xhil yu'unic soc sts'umbalic, soc spisil mach'atic te jun c'oht soc, te mayuc bin ora ya yihquitayic spasel te cheb c'ahc'al ini ta jujun ha'bil, hich te bin ut'il ts'ihbabil hilel.

Bible in Tzeltal de Oxchuc y Tenejapa

²⁷ te judioetic la stsaquic te costumbre yu'unique, soc la stsaquic jilel uuc te patil alnich'anetic yu'unique, soc te mach'atic ochic ta judioile: ja' costumbre yu'unic te ya spasic q'uin ta jujun ja'wil, ma'yuc ya spas falta, ay me q'uin yu'un ta xchebal te c'aale, jich nix te bit'il albil sc'oplale, soc jich nix te bit'il chapale.

Ester 9:27 Referans Kwoze

Zacarías 2:11

Ta hich ora bayel nacionetic jun ya xc'ohtic soc te Jehová, ha pueblo cu'un ya xc'ohtic, soc ya xnahinon ta awohlil, xchi. Hich yac ana'ic a te ticombilon yu'un te Jehová te scuentahinej spisil.

Isaías 56:6

Soc te jyanlumetic te ya yac' sbahic ta stojol te Jehová yu'un ya yac' sbahic ta a'batinel yu'un, te c'ux ta yo'tanic te sbihil te Jehová, soc te ha a'batetic ya xc'ohtic yu'une, spisil te mach'atic ya scanantayic te sc'ahc'alel cux-o'tan te ma ba ya sbohlobtesbe sc'oblal soc te ya yich'ic ta cuenta te chapbil c'op cu'une,

Isaías 56:3

Te jyanlum te yac'oj sba ta stojol Jehová ma me hichuc ya yal: Te Jehová ya me sloq'ueson ta yohlil te pueblo yu'une, ma me xchihuc. Soc ma me hichuc ya yal te eunuco: Ho'on taquin te'on, ma me xchihuc.

Ester 8:17

Ta jujusehp q'uinal soc ta jujun pueblo te banti c'oht te smandar ajwalil, te judiohetic bayel yutsil q'uinal soc tse'el yo'tanic yu'un, ay q'uin soc ha yorahil spasel te bin mulantic sba yu'unic. Bayelic ta yantic pueblohetic ta q'uinal la scuy sbahic ta judiohil, como la xi'ic te judiohetique.

Zacarías 8:23

Hich yaloj te Jehová te scuentahinej spisil: Ta hich ora, ay lajuntuhl jyanlumetic te bayel ta chahp sc'opic, ya stsacbe sti'il sc'u' jtuhl judio, hich ya yalbeyic: Ac'a jt'unatcotic bahel te ha'exe, como la jca'iycotic te sjoquinejex te Diose, xchihic.

Ester 9:21

La spasticlan ta mandar te jujunuc ha'bil ya spasic q'uin ta schanlajunebal (14) soc ta yo'lajunebal (15) c'ahc'al ta u Adar,

1 Samuel 30:25

(Ta hich ora ha mandar c'oht soc hich c'ahyemic ta spasel ta Israel c'alal ora ini.)

Josué 9:15

Te Josué la yac' te lamal yo'tan ya xc'oht soc; soc la schap sc'op soc te cuxul ya xhilic; hich nix jc'axel la yalic ta jamal te príncipaletic yu'un te pueblohe.

Deuteronomio 5:3

Ma ha'uc la schap sc'opic soc te jme'jtatic, ha la schap soc ho'otic, jpisiltic te cuxulotic to ta ora ini.

Ester 9:20

Te Mardoqueo la sts'ihbay ta hun te bin c'oht ta pasel soc la sticonlambe cartahetic spisil te judiohetic te ayic ta spisil ta jsehp q'uinal yu'un te ajwalil Asuero, te nopol soc te namal ayique.

Ester 9:28

La yalic te ay ta na'el te c'ahc'aletic ini soc ya me spasic q'uin ta cajalcaj sts'umbalic, ta jujuchahp sna, ta jujusehp q'uinal soc ta jujun pueblo; te c'ahc'aletic ini yu'un Purim ma ba ya ch'ay ta yo'tanic scanantayel, soc te sts'umbalic ma me ayuc bin ora ya xch'ay ta yo'tanic.

Números 15:15

Junax mandaril awu'unic soc te jyanlum te ya sjoquinex ta nahinel. Ha mandaril te ma xlaj sc'oblal ta cajalcaj ats'umbal bahel; hich te bin ut'il ayex, hich nix ay te jyanlum ta stojol te Jehová.

Jueces 11:40

Ha yu'un ha costumbre c'oht ta Israel te chaneb c'ahc'al ta jujun ha'bil ya xbahtic te ach'ixetic ta yoq'uetayel te yantsil-nich'an Jefté, te galaad-ach'ixe.

Salmos 78:7

scuenta yu'un ha ya smuc'ulin yo'tanic te Dios soc ma ba ya xch'ay ta yo'tanic te bin spasoje, te ha ya sch'uhunic spasel te mandariletic yu'un,

Isaías 2:3

Ya xtalic bayel pueblohetic soc hich me ya yalic: La'ic, mohucotic ta wits yu'un Jehová, ta sna te Dios yu'un Jacob. Ha ya ya'botic jnoptic te behetic yu'un, hich ya xbehenotic ta tut behetic yu'un, xchihic. Como ya xloc' tal ta Sión te Ley, ta Jerusalén ya xloc' tal te sc'op te Jehová.

Ezequiel 16:61

Hich me yac ana' a bintic la apas soc ya me xq'uexawat c'alal ya ca'bat scuenta awantsil-alatac te awihts'inab soc awixiltac, pero ma ha'uc ta scuenta te chapbil-c'op awu'un,