Ester 9:25 - Bible in Tzeltal Bachajón

²⁵ Pero c'alal c'oht ta stojol ajwalil te Ester, la yal mandar ta carta te ajwalil te ac'a suhtuc ta stojol Amán te bin chopol schapoj ta scontrahinel te judiohetic; soc ac'a yich' jihpanel ta te' soc te snich'nabe.

Bible in Tzeltal de Oxchuc y Tenejapa

²⁵ Pero c'alal c'ot ta stojol muc' ajwalil te Ester, te muc' ajwalil la yal mandal ta jun te spisil te bila chapal yu'un te Amán ta swenta swocol te judioetic, ja' nix ac'a sujt'uc ta stojol stuquel. Jich nix c'ot a. Te Amán soc te snich'nabe la yich'iquix jijp'anel ta te'.

Ester 9:25 Referans Kwoze

Salmos 7:16

¡Te bin chopol spasoj ya me suht tal ta stojol, te uts'inel yu'un ya suht tal ta sjol!

San Mateo 21:44

Te mach'a ya xyahl ta sba te ton ini, ya me xwuy, soc te mach'a ya xtenot yu'une, jc'axel juch'bil ya xhil yu'un, xchi te Jesús.

Salmos 141:10

Ac'a yahluquic ta syaquic te mach'atic chopolic, te c'alal ya xc'axon bahel te ho'one.

Salmos 140:9

Te mach'atic sjoytayejonic ac'a c'ohtuc ta sjolic te bintic chopol yalojique.

Ester 7:5

Te Asuero la sjoc'obe te ajwalil-ants Ester: ¿Mach'a a soc banti ay te mach'a la ya'bat amel awo'tan yu'un te hich ya spase? xchi.

Ester 3:6

Ma tic'uc ya ya'iy a teme ya smil stuquel te Mardoqueo; te bin ut'il halbilix te banti slumal te Mardoqueo, te Amán la snop bin ut'il ya slajin spisil te judiohetic te ayic ta ban c'alal scuentahinej te Asuero.

Ester 7:4

Como te ho'on soc te pueblo cu'un quich'ojcotiquix chonel scuenta lajinel ta jc'axel. Te ha'uc la jquich'cotic chonel scuenta mosohil, mayuc bin ya cal yu'un te hichuque; pero te lajel cu'uncotic ma xhu' ta suhtbeyel te bin ya xch'ay yu'un te ajwalil, xchi.

Salmos 140:8

Jehová, ma me xawa'be te bin ya sc'an yo'tan te mach'a chopol; ma me xawac' te lec ya xc'oht te bintic snopoj, scuenta yu'un ma ba ya stoy sba a. Selah

Isaías 22:25

Ta hich ora, xchi te Jehová te scuentahinej spisil, te ts'apbil clavo te ay ta tulan yawil ya me yich' loq'uesel; ya xwac' soc ya xch'ay cohel. Soc te ihcatsil te tey jipil a ya xch'ay cohel; hich yaloj te Jehová, xchi.

1 Samuel 25:39

C'alal la ya'iy te David te chamix te Nabal, hich la yal: Bayel yutsil te Jehová te la spacbon jc'abal yu'un te la yac'on ta q'uexlal te Nabal, soc la scom te ya'bat ta spasel te bin chopole. Te Jehová la yac' c'ohtuc ta stojol Nabal te schopolile, xchi. Patil te David la sticon ta halbeyel te Abigail te ya sc'an ya yic' yihnamin.

1 Reyes 8:32

a'iybeya awa'iy c'alal ta ch'ulchan, pasa te bin ya sc'an pasele. Chahpana te a'batetic awu'un, a'beya stoj smul te mach'a ay smul, ac'a c'ohtuc ta stojol te castigo yu'un te bin spasoj, soc ya me awal te mayuc smul te mach'a toj soc a'beya stojol ha chican bin yilel te ya'tele.

Ester 7:10

Hich la sjihpanic te Amán ta ts'apbil te' te ha nix la schahpan te ha yu'un sc'oblal te Mardoqueo. Hich lahmaj yilimba te ajwalil.

Salmos 7:17

Ya calbe yutsil sc'oblal te Jehová yu'un toj te yo'tane, ya jc'ayojtaybe sbihil te Jehová te mero toyol ay.

Salmos 94:23

Ha ya ya'be stoj smulic soc ya slajinlan ta scaj te schopolilic; te Jehová Dios cu'untic ya me slajinlan.

Proverbios 5:22

Te mach'a chopol ha nix ya stsacot yu'un te sbohlile; ha nix ya xchucot yu'un te slazohil te smule.

Proverbios 26:27

Te mach'a ya sjoc' c'ubul ch'en, ha nix ya xch'ay cohel tey a; te mach'a ya sbalch'un ton, ha nix ya xp'e'ot yu'un.

Abdías 1:15

Como nopolix te sc'ahc'alel yu'un Jehová ta stojol spisil te nacionetique. Hich te bin ut'il la apas, hich nix ya spasbotat; ha nix ya suht ta atojol te bintic la apase.