Ester 9:22 - Bible in Tzeltal Bachajón

²² como ha sc'ahc'alel te judiohetic lahmajix q'uinal yu'un te scontratac, como ha yuhil te c'atp'uj ta tse'el-o'tanil te mel-o'tan, te oq'uel c'atp'uj ta yutsil q'uinal. La yal te ya me spasic q'uin soc yutsil me q'uinal ya ya'iyic, soc talel c'axel ya ya'be sbahic smahtanic soc ya ya'beyic smahtanic te pobrehetique.

Bible in Tzeltal de Oxchuc y Tenejapa

²² Melel ja' sc'aalelal te la smilic te scontroic, soc ja' yuil te bi ora te jelon ta sbujts' yo'tanic te smel-o'tanic soc jelon ta q'uin te yawic swenta xc'uxul te mel-o'tane. Ja' in c'aaletic to ya me yich'ic pasel q'uin soc we'elil soc sbujts' q'uinal yaiyic, soc talel c'axel me ya smajt'antes sbaic a, soc ya me yaq'uic majt'anil yu'un me'baetic, xi' te smandale.

Ester 9:22 Referans Kwoze

Salmos 30:11

Te oq'uel cu'un la ajelbonix ta ahc'ot; la aloq'uesbonix te pac' yu'un mel-o'tan, la awa'bon jlap te tse'el-o'tanil.

Gálatas 2:10

Ha nax la yalbotic wocol te yacuc jna'cotic te pobrehetic, te hich nix ay sc'oblal ta co'tan te ya jpase.

Isaías 14:3

Te bin ora te Jehová ya ya'beyex acux awo'tanic yu'un awocolic, yu'un c'ux obol abahic soc yu'un tulan mosohinel la awich'ic,

Ester 9:19

Ha scuentahil te judiohetic te ayic ta tut pueblohetic te mayuc sts'ahcul ya spasic q'uin soc yutsil yo'tanic ta schanlajunebal (14) c'ahc'al ta u Adar, soc talel c'axel ya ya'be sbahic smahtanic.

San Lucas 11:41

Q'uebembeya te pobrehetic te bin ay awu'un, hich pocbil ya xc'oht awu'unic spisil a.

San Mateo 5:4

Bayel me yutsilic te mach'atic ya x'oq'uic, como ya xmuc'ubtesbot q'uinal ya'iyic.

Salmos 103:2

Jch'uhlel, halbeya yutsil sc'oblal te Jehová, ma me xch'ay ta awo'tan junuc te bendición yu'une;

Apocalipsis 11:10

Te mach'atic nahinemic ta bahlumilal tse'el yo'tanic yu'un, ya spasic q'uin soc ya smahtantes sbahic yu'un, como te cheb jalwanejetic bayel la yuts'inic te mach'atic nahinemic ta bahlumilale.

1 Samuel 25:8

Joc'obeya te a'batetic awu'un, hich me ya yalbat. Ha yu'un lecuc me sc'oblalic awu'un te jcolel winiquetic cu'un ini como talemotcotic ta yorahil q'uin. Awocoluc, a'beya te a'batetic awu'un soc te anich'an David biluc a te ay awu'un, xchi.

Ester 9:21

La spasticlan ta mandar te jujunuc ha'bil ya spasic q'uin ta schanlajunebal (14) soc ta yo'lajunebal (15) c'ahc'al ta u Adar,

Ester 9:23

Te judiohetic la sch'uhunic spasel, te ha nix hahchemiquix ta spasel, hich te bin ts'ihbabil yu'un te Mardoqueo.

Deuteronomio 15:7

Teme ay pobre ta yohlil te awermanotac ta jpahm pueblo awu'un ta q'uinal te ya ya'bat te Jehová te Dios awu'un, ma me xtulanij awo'tan soc ma me xanop' ta tulan ac'ab ta stojol te awermano te pobre ay,

Deuteronomio 16:14

Tse'eluc me awo'tan xapas te q'uinetic, ha'at, awal-anich'nab, awa'bat, acriada, te levita, jyanlum, me'ba' soc me'ba' ants te ya xnahin ta pueblohetic awu'un.

Deuteronomio 16:15

Huqueb c'ahc'al yac apasbe sq'uin te Jehová te Dios awu'un tey ta lugar tsahbil yu'un, como te Jehová te Dios awu'un ya ya'bat bendición ta spisil sit ats'unub awawal soc ta spisil awa'tel, buen tse'el me awo'tan yu'un.

Salmos 30:12

Ha yu'un ya jc'ayojtayat, ha'at cutsilalat, ma ba ya xch'abon. Jehová, Dios cu'un, ¡ya jc'ayojtaybat awutsilal sbahtel q'uinal!

Salmos 37:15

Ha nix ya yich'ic lowbeyel yo'tanic a te ta espada yu'unic, soc ya yich'ic wac'beyel st'ihmalte'ic.

Salmos 149:7

scuenta ya'beyel spacol ta stojol te nacionetic soc ya'beyel castigo te pueblohetic,

Zacarías 8:19

Hich yaloj te Jehová te scuentahinej spisil: Te scomel we'elil ta schanebal u, ta yo'ebal, shuquebal soc ta slajunebal u, ya xc'atp'uj ta tse'el-o'tanil soc yutsil-o'tanil, soc ta muc'ul q'uinetic yu'un te sna Judá. Ha yu'un c'uxuc ta awo'tanic te bin smelelil soc te lamal q'uinale.