Ester 9:18 - Bible in Tzeltal Bachajón

¹⁸ Pero te judiohetic te ayic ta Susa la stsob sbahic ta yoxlajunebal (13) soc ta schanlajunebal (14) c'ahc'al yu'un te u, la scux yo'tanic ta yo'lajunebal (15) c'ahc'al, la spasic q'uin soc tse'el yo'tanic yu'un.

Bible in Tzeltal de Oxchuc y Tenejapa

¹⁸ Melel ta yoxlajunebal ajtal soc ta xchanlajunebal la stsob sbaic stuquelic te judioetic ayic ta Susa, la xcux yo'tanic ta yo'lajunebal ajtal stuquelic, ja' nix jichic uuc bin nax yo'tanic la spasic q'uin swenta we'el.

Ester 9:18 Referans Kwoze

Ester 9:21

La spasticlan ta mandar te jujunuc ha'bil ya spasic q'uin ta schanlajunebal (14) soc ta yo'lajunebal (15) c'ahc'al ta u Adar,

Ester 9:15

Te judiohetic te ayic ta Susa la stsob xan sbahic ta schanlajunebal (14) c'ahc'al yu'un te u Adar, la smilic ho'lajunwinic (300) ta tuhl winiquetic ta Susa, pero ma ba la yich'beyic te biluquetic yu'unique.

Ester 9:13

La sjac' te Ester: Teme lec ya ya'iy te ajwalil, hich ac'a spasic pajel te judiohetic ta Susa te bin ut'il la spasic nax ta scuenta te ley. Soc ac'a yich'ic jihpanel ta te' te sbaq'uetalic te lajuntuhl snich'nab Amán, xchi.

Ester 9:1

Ta yoxlajunebal (13) c'ahc'al yu'un te slahchayebal (12) u, ha te u Adar, te ha sc'ahc'alel te sc'oblal ya yich' pasel te mandaril yu'un te ajwalil, ha nix sc'ahc'alel te scontratac te judiohetic yac smahliybelic te ya stsalic te judiohetic, pero ma hichuc c'oht ta pasel; te judiohetic la stsalic te mach'atic p'ajotic yu'unique.

Ester 9:11

Ta sc'ahc'alel nix a, la ya'iy te ajwalil te jaytuhl lajemic ta Susa banti nahinem te ajwalil.

Ester 8:11

Ta cartahetic la yal te ajwalil te ya xhu' ya stsob sbahic te judiohetic ta spisil pueblohetic ta scoltayel scuxlejalic; te ya sjinic, ya smilic soc jc'axel ya slajinic spisil mach'atic ay ya'tejibic yu'un guerra ta pueblo o jsehp q'uinal te ya xtal scontrahinic, soc ya smilic te alaletic soc antsetic yu'unic soc ya spojbeyic te biluquetic yu'unique.

Ester 9:2

Te judiohetic la stsob sbahic ta pueblohetic ta spisil ta jsehp q'uinal yu'un te ajwalil Asuero, yu'un ya ya'beyic guerra te mach'atic chapalic ya xlanijotic yu'unic. Mayuc mach'a la scomic, como spisil te pueblohetic u'untayotic yu'un xiwel.