Ester 9:15 - Bible in Tzeltal Bachajón

¹⁵ Te judiohetic te ayic ta Susa la stsob xan sbahic ta schanlajunebal (14) c'ahc'al yu'un te u Adar, la smilic ho'lajunwinic (300) ta tuhl winiquetic ta Susa, pero ma ba la yich'beyic te biluquetic yu'unique.

Bible in Tzeltal de Oxchuc y Tenejapa

¹⁵ Te judioetic nainemic ta Susa, la xcha'tsob xan sbaic ta xchanlajunebal te c'aal yu'un te u Adar. La smilic xan jo'lajunwinic (300) winiquetic tey a, pero ma ba la spicbeyic te bila ay yu'unique.

Ester 9:15 Referans Kwoze

Ester 9:10

ha te lajuntuhl snich'nab Amán snich'an Hamedata, te scontra te judiohetique. Pero ma ba la yich'beyic te biluquetic yu'unique.

Ester 8:11

Ta cartahetic la yal te ajwalil te ya xhu' ya stsob sbahic te judiohetic ta spisil pueblohetic ta scoltayel scuxlejalic; te ya sjinic, ya smilic soc jc'axel ya slajinic spisil mach'atic ay ya'tejibic yu'un guerra ta pueblo o jsehp q'uinal te ya xtal scontrahinic, soc ya smilic te alaletic soc antsetic yu'unic soc ya spojbeyic te biluquetic yu'unique.

Hebreos 13:5

Ma me xbaht ta awo'tanic sbic'sitayel taq'uin, junuc me awo'tanic yu'un te bin ay awu'unic, como hich yaloj te Diose: Ma jaymehl ya jpihtesat; mayuc bin ora ya quihquitayat, xchi.

1 Tesalonicenses 5:22

Coma abahic yu'un spisil bintic chopol.

Ester 9:16

Te yantic judiohetic te ayic ta jujusehp q'uinal yu'un te ajwalil ha nix hich la stsob sbahic yu'un ya scoltay scuxlejalic, soc yu'un ya scontrahinic te scontrahique; la smilic balunpic soc j'ohlil swaxacbahc' (75,000) ta tuhl scontrahic, pero ma ba la yich'beyic te biluquetic yu'unique.

Ester 9:13

La sjac' te Ester: Teme lec ya ya'iy te ajwalil, hich ac'a spasic pajel te judiohetic ta Susa te bin ut'il la spasic nax ta scuenta te ley. Soc ac'a yich'ic jihpanel ta te' te sbaq'uetalic te lajuntuhl snich'nab Amán, xchi.

Ester 9:2

Te judiohetic la stsob sbahic ta pueblohetic ta spisil ta jsehp q'uinal yu'un te ajwalil Asuero, yu'un ya ya'beyic guerra te mach'atic chapalic ya xlanijotic yu'unic. Mayuc mach'a la scomic, como spisil te pueblohetic u'untayotic yu'un xiwel.

Ester 9:12

Te ajwalil hich la yalbe te ajwalil-ants Ester: Te judiohetic la smiliquix ho'winic scha'bahc' (500) winiquetic soc te lajuntuhl snich'nab Amán ta Susa te capital. ¿Bintic wan la spasic ta yantic jsehp q'uinaletic yu'un te ajwalil? ¿Bin a te yac ac'an? ya me x'a'botat ¿Bintic xan ya sc'an awo'tan? ya me yich' pasel, xchi.

Ester 9:14

Te ajwalil la yal mandar te hich ya yich' pasele. La yich' halel ta mandar ta Susa, hich la sjihpambeyic sbaq'uetalic te lajuntuhl snich'nab Amán.