Ester 8:7 - Bible in Tzeltal Bachajón

⁷ Te ajwalil Asuero la sjac'be te ajwalil-ants Ester soc te Mardoqueo te judio-winic: Te ho'on la jca'beyix Ester te sna Amán, soc la sjihpanic te Amán ta ts'apbil te' yu'un jihpanel ta scaj te la shach sc'ab ta scontrahinel te judiohetique.

Bible in Tzeltal de Oxchuc y Tenejapa

⁷ Te muc' ajwalil Asuero, la sutbey te sc'op te antsil-ajwalil Ester, soc te Mardoqueo te judio-winique, jich la yal: —Te jo'one la cac'beyix Ester te sna Amán, melel la yich'ix jijp'anel ta te' ta scaj te ya sc'an yac' ta lajel te judioetique.

Ester 8:7 Referans Kwoze

Ester 7:10

Hich la sjihpanic te Amán ta ts'apbil te' te ha nix la schahpan te ha yu'un sc'oblal te Mardoqueo. Hich lahmaj yilimba te ajwalil.

Gálatas 3:13

Cristo la scoltayotic loq'uel ta stojol te chopol c'oblalil yu'un te Ley, ha chopol sc'oblal c'oht stuquel ta jcuentatic, (yu'un hich ts'ihbabil: Chopol sc'oblalic spisil mach'atic ya yich'ic johc'anel ta te', xchi),

Proverbios 13:22

Te mach'a lec yo'tan ya yihquitaybe hilel smamatac te bin ay yu'un, yan te sc'ulejal te jmulawil, q'uejbil yu'un ha ya yich' te mach'a toj yo'tane.

Esdras 4:6

Ta shahchibal ya'tel ta ajwalil te Asuero la slehbeyic smulic te mach'atic nahinemic ta Judá soc ta Jerusalén.

Ester 8:1

Ha nix ta yorahil a, te ajwalil Asuero la ya'be te ajwalil-ants Ester te sna Amán, te scontra te judiohetique. Te Mardoqueo tal ta stojol te ajwalil, como te Ester yalbeyejix te ha stajun te Mardoqueo.

Ester 7:9

Te Harbona, te eunuco te ya x'a'tej ta stojol te ajwalil, hich la yal: Ta sna te Amán ay chapalix ts'apbil te' yu'un jihpanel te ha lajuneb yoxwinic (50) xuhc'ubil stoyolil te Amán la schahpan yu'un Mardoqueo, te mach'a lec bin la yalbe sc'oblal te ajwalil, xchi. Jihpanahic tey a, xchi te ajwalil.