Ester 8:17 - Bible in Tzeltal Bachajón

¹⁷ Ta jujusehp q'uinal soc ta jujun pueblo te banti c'oht te smandar ajwalil, te judiohetic bayel yutsil q'uinal soc tse'el yo'tanic yu'un, ay q'uin soc ha yorahil spasel te bin mulantic sba yu'unic. Bayelic ta yantic pueblohetic ta q'uinal la scuy sbahic ta judiohil, como la xi'ic te judiohetique.

Bible in Tzeltal de Oxchuc y Tenejapa

¹⁷ Ta spisil ta jpam q'uinal, lumetic, soc te banti c'ot te c'op chapal yu'un te muc' ajwalile, te judioetic tal bayal sbujts' yo'tanic soc sbujts' q'uinal la yaiyic yu'un. La stsob sbaic ta we'el swenta q'uin. Te yajwal te lumq'uinal tsobol la yac' sbaic ta judioil, ta scaj te u'uninotic yu'un xiwel te bit'il la xi'ic te judioetique.

Ester 8:17 Referans Kwoze

Ester 9:19

Ha scuentahil te judiohetic te ayic ta tut pueblohetic te mayuc sts'ahcul ya spasic q'uin soc yutsil yo'tanic ta schanlajunebal (14) c'ahc'al ta u Adar, soc talel c'axel ya ya'be sbahic smahtanic.

Salmos 18:43

La awac'on ta libre yu'un te tsaltamba c'op yu'un te pueblo; la awac'on ta jolal yu'un te nacionetic; la yac' sbahic ta a'batinel cu'un te ants-winiquetic te ma ba la jna'be sba.

1 Samuel 25:8

Joc'obeya te a'batetic awu'un, hich me ya yalbat. Ha yu'un lecuc me sc'oblalic awu'un te jcolel winiquetic cu'un ini como talemotcotic ta yorahil q'uin. Awocoluc, a'beya te a'batetic awu'un soc te anich'an David biluc a te ay awu'un, xchi.

Deuteronomio 11:25

Mayuc mach'a ya xhu' ya scomex. Te Jehová te Dios awu'unic ya me yac' te ya xi'ex ta spisil te q'uinal banti ya xbehenex, hich te bin ut'il la yalbeyex.

Ester 9:27

te judiohetic la yalic te ha costumbre ya xhil yu'unic soc sts'umbalic, soc spisil mach'atic te jun c'oht soc, te mayuc bin ora ya yihquitayic spasel te cheb c'ahc'al ini ta jujun ha'bil, hich te bin ut'il ts'ihbabil hilel.

Ester 9:22

como ha sc'ahc'alel te judiohetic lahmajix q'uinal yu'un te scontratac, como ha yuhil te c'atp'uj ta tse'el-o'tanil te mel-o'tan, te oq'uel c'atp'uj ta yutsil q'uinal. La yal te ya me spasic q'uin soc yutsil me q'uinal ya ya'iyic, soc talel c'axel ya ya'be sbahic smahtanic soc ya ya'beyic smahtanic te pobrehetique.

Ester 9:2

Te judiohetic la stsob sbahic ta pueblohetic ta spisil ta jsehp q'uinal yu'un te ajwalil Asuero, yu'un ya ya'beyic guerra te mach'atic chapalic ya xlanijotic yu'unic. Mayuc mach'a la scomic, como spisil te pueblohetic u'untayotic yu'un xiwel.

Deuteronomio 2:25

Yo'tic ya cac' xi'at spisil te pueblohetic ayic ta ye'tal ch'ulchan. Te c'alal ya ya'iybat ac'oblal ya me xnihquic soc ya me x'u'untaybot yo'tanic yu'un mel-o'tan ta acuentahic, xchi.

Éxodo 15:16

ya xc'oht nihquel soc xiwel ta stojolic. Ta stojol te smuc'ul yip ac'ab ya x'uma'ubic hich te bin ut'il ton, ha to c'alal c'axemix bahel a te pueblo awu'un, Jehová, ha to c'alal c'axemix bahel a te pueblo te la acoltay ta libre.

Génesis 35:5

C'alal hahchic ta behel, tal tulan xiwel yu'un Dios ta stojol te pueblohetic ta sjoyobalic, hich ma ba la snutsic te snich'nab Jacob.

Ester 9:17

Hich c'oht ta pasel ta yoxlajunebal (13) c'ahc'al ta u Adar, ta schanlajunebal (14) c'ahc'al ta u nix la scux yo'tanic, la spasic q'uin soc tse'el yo'tanic yu'un.

Nehemías 8:10

Patil la yalbeyic: Bahanic, we'anic lequil we'elil, uch'anic chi'il vino soc ticombeya swe'el te mach'atic mayuc bin chahpambil yu'unic; como ha ch'ul c'ahc'al yu'un te Cajwaltique. Ma me xamel awo'tanic, como ha awipic te stse'elil yo'tan te Jehová, xchi.

Josué 2:9

Ya jna' te Jehová la ya'beyex te q'uinal ini, como tal bayel xiwel ta jtojolcotic awu'unic, soc spisil te yajwal te q'uinal lajemiquix ya ya'iyic yu'un xiwel ta acuentahic.

Josué 2:11

Te c'alal hich la jca'iycotic, laj yip co'tancotic yu'un; mayuc jtuhl winic te ay yip yo'tan yu'un ya scomex, como te Jehová te Dios awu'unic, ha Dios ta ch'ulchan ta toyol soc ta bahlumilal ta ye'tal.

Ester 9:3

Soc spisil te príncipaletic, te schebal ajwaliletic, gobernadoretic soc te mach'atic ay ya'telic ta stojol te ajwalil la scoltayic te judiohetic, como la xi'ic te Mardoqueo.

Salmos 105:38

Te Egipto tse'el yo'tan yu'un te loq'uic bahel, como tal xiwel ta stojolic.