Ester 8:15 - Bible in Tzeltal Bachajón

¹⁵ Te Mardoqueo loc' bahel ta stojol te ajwalil, slapoj yax soc sac sc'u' scuenta ajwalil, soc muc'ul corona pasbil ta oro soc chi'in-yaxal smehyil-pac' pasbil ta lino fino. Te pueblo Susa awonic yu'un yutsil q'uinal;

Bible in Tzeltal de Oxchuc y Tenejapa

¹⁵ Te Mardoqueo loc' jajch'el ta spalacio te muc' ajwalil, slapoj najt'il c'u'il te ay syaxal soc te ay saquil swenta sc'u' muc' ajwalil, soc jun muc'ul corona pasbil ta oro soc jun smeyil pac' pasbil ta lino soc púrpura. Spisil te yajwal te lum Susa jajch'ic ta aw swenta sbujts' q'uinal la yaiyic.

Ester 8:15 Referans Kwoze

Ester 3:15

Te mach'atic yich'ojic te cartahetic loq'uic bahel ta scuenta smandar te ajwalil, soc la yich' aq'uel te mandaril ta Susa banti nahinem te ajwalil. Te ajwalil soc te Amán hucajtic ta uch'bajel, pero ta Susa ma ba la sna'ic bin ya spasic.

Génesis 41:42

Ha yu'un la sloq'ues te sch'ocow ay ta sc'ab, la ya'be ta sc'ab te José, la ya'be slap t'ujbil c'u'ul pasbil ta lino, la ya'be yuhan t'ujbil uhalil pasbil ta oro;

San Lucas 16:19

Ay jtuhl jc'uhlej winic te ya slap chi'in yaxal pac' soc fino-pac', soc jujun c'ahc'al ya spas q'uin.

Proverbios 29:2

Te c'alal ya yich' yipic te mach'atic toj yo'tanic, ha tse'el yo'tan yu'un te pueblo; yan te c'alal ya yich' yipic te mach'atic chopol yo'tanic, ya x'ahcanaj te pueblohe.

Ester 6:8

ac'a yich'ic tal te snahtil-c'u' ajwalil soc te cawu te banti ya xmo te ajwalil, soc ac'a ya'beyic ta sjol te scorona te ajwalil;

Ester 1:6

Te amac' yich'oj ch'alel ta sac soc yaxal lino, jipajtic ta sacal lino soc chi'in-yaxal pac' te jipajtic ta xotbil plata te chucticlambil ta oyetic pasbilic ta mármol-ton. Te huctajibaletic pasbilic ta oro soc ta plata, te piso yich'oj limbeyel ta pórfido, mármol, alabastro, soc yantic t'ujbil tonetic.

San Mateo 11:8

¿Bin tal awilic, ha bal jtuhl winic te slapoj buen fino pac'? Te mach'atic slapojic buen fino pac', ayic ta sna ajwaliletic stuquelic.

San Mateo 6:29

pero ya calbeyex, spisil te yutsilal te Salomón ma ba la sta hich yutsil sc'u' spac' a te bin ut'il junuc te nichime.

Ester 6:11

Hich te Amán la stsac te nahtil-c'u'ul soc te cawu, la ya'be slap te Mardoqueo, la snitbe bahel te cawu ta plaza yu'un te pueblo, hich yac yalbel ta aw ta stojol: Hich ya yich' pasbeyel te winic te ya x'ac'ot ta ich'el ta muc' yu'un te ajwalil, xchi ta aw.

Ester 5:1

Ta yoxebal c'ahc'al te Ester la slap te sc'u' scuenta ajwalil-ants, tal stehc'an sba ta yutil yamaq'uil te sna ajwalil, ta stojol te jtsahl yu'un ajwalil. Hucul ta shuctajib a te ajwalil ta stsalul sna ajwalil, ta stojol te yochibal.

Ester 5:11

la yalbe ya'iyic sc'oblal te yutsil sc'ulejal, te bayel ta tuhl te snich'nab, soc spisil te bin ut'il tohytesbot sc'oblal yu'un te ajwalil, soc bin ut'il c'ax hich ac'ot ta ich'el ta muc' a yu'un te príncipaletic soc te a'batetic yu'un te ajwalil.

Ester 8:14

Te winiquetic te mohemic ta cawuhetic te mero ya xbehenic, ora loq'uic bahel ta scuenta smandar te ajwalil; soc la yich' puhquel te mandar ta Susa te capital.

Ester 10:2

Spisil te bintic la spas soc te yip ya'tel, soc te muc' sc'oblal te Mardoqueo te tohytesbot yu'un te ajwalil, ts'ihbabil ta libro yu'un te ya'telic te ajwaliletic yu'un Media soc Persia.

Proverbios 11:10

Te c'alal ay bin ay yu'un te mach'atic toj yo'tanic, tse'el yo'tan yu'un te pueblo; pero te c'alal ya xlaj te mach'atic chopol yo'tanic, ya spasic q'uin yu'un.

Proverbios 28:12

C'alal ya ya'iyic tsalaw te mach'atic toj yo'tanic, ay bayel yutsil; yan te c'alal ya yich' yipic te mach'atic chopolic, ya snac' sbahic te winiquetique.