Ester 8:10 - Bible in Tzeltal Bachajón

¹⁰ La sts'ihbay ta scuenta sbihil te ajwalil Asuero, la ya'be yich' sellohil ta sch'ocow te ajwalil, la sticonlan bahel te cartahetic ta scuenta winiquetic te mohemic ta cawu te mero ya xbehenic, te ha nix cawuhetic yu'un te ajwalil.

Bible in Tzeltal de Oxchuc y Tenejapa

¹⁰ Te cartaetic ja' la yich' pasel ta swenta te muc' ajwalil Asuero, soc ac'bot yich' te sello yu'une. Jich la yich' ticunel ta correoetic te moemic ta caballoetic te mero ya x'animajique, te ja' nix te caballoetic yu'un te muc' ajwalile.

Ester 8:10 Referans Kwoze

Daniel 4:1

Ho'on, ajwalil Nabucodonosor, ta stojol spisil te pueblohetic, nacionetic soc c'opiletic te nahinemic ta spisil te q'uinal: Ayuc me bayel lamal q'uinal yac awa'iyic.

Jeremías 51:21

Ha'at ta acuenta ya jlajinlan cawuhetic soc te jmoheletic yu'unique, ha'at ta acuenta ya jlajinlan carretahetic soc te mach'atic ya xmohic a.

Jeremías 2:23

¿Bin ut'il ay a te hich yac awal: Ma ba bohloben jc'oblal, mayuc bin ora la jt'un bahel te baaletic, te xchihate? Ilawil bin ut'il ayat ta spamlej, na'a me te bin apasoj, yantsilel camellohat te bayuc nax ya x'ahnimajat,

Isaías 66:20

Ya me yiq'uic tal spisil te awermanotac ta bayuc ta nacionetic scuenta mahtanil ta stojol Jehová ta ch'ul wits cu'un; ya xtalic ta cawuhetic, carretahetic, sillahetic te q'uechbilic, ta mula soc camellohetic, xchi te Jehová. Ya me yiq'uic tal hich te bin ut'il te israeletic ya yich'ic tal mahtaniletic yu'un harina ta pocticlambil yawiletic ta sna te Jehová.

Isaías 60:6

Ya xnoj aq'uinal yu'un bayel camellohetic, ha jcolel camellohetic yu'un Madián soc Efa. Ya xtal spisil mach'atic ayic ta Sabá, ya yich'ic tal oro soc pom, soc yac yalbeyic yutsil sc'oblal te Jehová.

Eclesiastés 8:4

Ha toyol te sc'op te ajwalile, mayuc mach'a ya xhu' ya yalbe: ¿Bin yac apas? te xchihe.

Job 9:25

C'ax hich ahnimal c'oht te c'ahc'aletic cu'un te bin ut'il te mach'a ya x'ahnimaj; ahnic bahel, ma ba la yilic te bin leque.

2 Crónicas 30:6

Hich loq'uic bahel jpuc-c'opetic ta spisil sq'uinal Israel soc Judá ta spuquel te cartahetic yu'un te ajwalil soc te príncipaletic yu'unic, hich te bin ut'il yaloj ta mandar te ajwalil, te hich la yal ta carta: Snich'nab Israel, suhtanic tal ta stojol Jehová, te Dios yu'un Abraham, Isaac soc Israel, hich te Jehová ya suht tal ta stojol te mach'atic colic hilel ta sc'ab te ajwaliletic yu'un Asiria.

1 Reyes 21:8

Ha yu'un te Jezabel la spas cartahetic ta scuenta sbihil Acab, la ya'be te sello yu'un, la sticombe te mamaletic soc te príncipaletic te nahinemic ta pueblo yu'un Nabot.

1 Reyes 4:28

Soc la yich'ic tal cebada soc ac yu'un te cawuhetic soc te yantic cawuhetic yu'un ihc'atsijel, chican te banti lugaril ya xhalbot; hich xmelmon la spasic ta tuhlultuhl.

Ester 8:8

Ts'ihbayahic hiche ta stojol te judiohetic ta scuenta sbihil te ajwalil te bin lec yac awa'iyic, soc a'beyahic sellohin ta sch'ocow te ajwalil, xchi. (Como te mandaril te ts'ihbabil ta scuenta sbihil ajwalil soc te yich'oj sellohil ta sch'ocow te ajwalil, ma xhu' ta lajimbeyel sc'oblal.)

Daniel 6:8

Yo'tic, ajwalil, pasa ta mandar soc pasa firmar scuenta yu'un ma xhu' ya yich' yanijtesel, hich te bin ut'il ay te ley yu'un Media soc Persia, te ma xhu' ta lajimbeyel sc'oblal, xchihic.