Ester 8:1 - Bible in Tzeltal Bachajón

¹ Ha nix ta yorahil a, te ajwalil Asuero la ya'be te ajwalil-ants Ester te sna Amán, te scontra te judiohetique. Te Mardoqueo tal ta stojol te ajwalil, como te Ester yalbeyejix te ha stajun te Mardoqueo.

Bible in Tzeltal de Oxchuc y Tenejapa

¹ Ja' nix ta yorail a, te muc' ajwalil Asuero la sq'uebanbey te antsil-ajwalil Ester te sna Amán te scontro te judioetique. Te Mardoqueo ac'bot stejc'an sba ta stojol te muc' ajwalile, melel neel to yalojbey te Ester te snich'an stajun te Mardoqueo.

Ester 8:1 Referans Kwoze

Ester 2:7

Te Mardoqueo la scoltes te Hadasa, ha te Ester te yantsil-nich'an stajun, como me'ba'. Buen t'ujbil ach'ix soc buen lec ta ilel. C'alal cham te sme'stat, te Mardoqueo la yic' scuenta yal-snich'an.

Proverbios 13:22

Te mach'a lec yo'tan ya yihquitaybe hilel smamatac te bin ay yu'un, yan te sc'ulejal te jmulawil, q'uejbil yu'un ha ya yich' te mach'a toj yo'tane.

Ester 2:15

Te c'alal c'oht yorahil te ic'ot tal ta stojol ajwalil te Ester, te yantsil-nich'an Abihail, stajun Mardoqueo te coltesot yu'un, ha nax la yich' bahel te bin halbot yu'un te Hegai, te eunuco yu'un te ajwalil te ya scanantay te antsetique. Te Ester lec c'oht ta o'tanil yu'un spisil te mach'atic ilotic yu'un.

Salmos 39:6

Melel te ants-winiquetic hich ayic te bin ut'il axinal te ya xc'ax bahel; tojol ya yac' swocolic ta tulan a'tel, ya stsob sc'ulejalic, pero ma na'biluc mach'a ya yich' hilel.

San Lucas 12:20

Pero hich halbot yu'un te Diose: Ma xana' q'uinal. Yo'tic ta ahc'abal ya xtalat ta c'ambeyel ach'uhlel, ha yu'un te bin q'uejbil awu'un, ¿mach'a ya yich'bat hilel? xchi sc'oblal.

Ester 7:6

¡Te jcontra soc te jlajinwanej ha te chopol Amán ini! xchi te Ester. Ha yu'un te Amán bayel xiw ta stojol te ajwalil soc te ajwalil-ants.

Proverbios 28:8

Te mach'a ya stsob sc'ulejal ta scuenta sc'ambeyel bayel sjol te staq'uine, ha ya stsob yu'un te mach'a ya sna'be yo'bolil sba te pobrehetique.

Ester 1:14

Te mach'atic te mero nopol soc te ajwalil, ha te Carsena, Setar, Admata, Tarsis, Meres, Marsena soc Memucán, huqueb príncipaletic yu'un Persia soc yu'un Media, ha'ic te j'ac'-o'taniletic yu'un te ajwalil soc ha toyol ya'telic ta stojol te nación.

Ester 8:7

Te ajwalil Asuero la sjac'be te ajwalil-ants Ester soc te Mardoqueo te judio-winic: Te ho'on la jca'beyix Ester te sna Amán, soc la sjihpanic te Amán ta ts'apbil te' yu'un jihpanel ta scaj te la shach sc'ab ta scontrahinel te judiohetique.