Ester 6:6 - Bible in Tzeltal Bachajón

⁶ Hich och tal te Amán, soc hich joc'obot yu'un te ajwalil: ¿Bin ya sc'an ya yich' pasbeyel te mach'a ya sc'an te ajwalil te ya yac' ta ich'el ta muc'? xchi. Te Amán la yal ta yo'tan: ¿Mach'a a te ya sc'an te c'ax hich ya yac' ta ich'el ta muc' a te ajwalil te bin ut'il te ho'one? xchi.

Bible in Tzeltal de Oxchuc y Tenejapa

⁶ Och bael te Amán, jojc'obot yu'un te muc' ajwalile: —¿Bi ya sc'an ya yich' pasel te mach'a ya yac' ta ich'el ta muc' te muc' ajwalile? —la yut. Te Amán la yal ta yo'tan: “¿Mach'a yan te ya yac' ta ich'el ta muc'? Jo'on abi”, xi'.

Ester 6:6 Referans Kwoze

Abdías 1:3

Ha la slo'loyat te stoybahil awo'tan, ha'at te nahinemat ta jamajtic tontiquil, te nahinemat ta toyol, te hich yac awal ta awo'tan: ¿Mach'a ya sjinon cohel ta lum? xchihat.

Proverbios 16:18

Ha nahil te toybahil, patil te jinele, ha nahil te toybahil, patil te yahlele.

San Juan 5:23

scuenta yu'un spisil ya me yich'ic ta muc' te Nich'anil, hich te bin ut'il ya yich'ic ta muc' te Tatile. Te mach'a ma ba ya yich' ta muc' te Nich'anil, ma ba yich'oj ta muc' te Tatil te ticonot tal yu'une.

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

Jeremías 32:41

Bayel yutsil co'tan te ya ca'be te bintic lec, soc ta spisil co'tan soc ta spisil jch'uhlel ya cac' te ya xnahinic li' ta q'uinal ini, xchi.

Isaías 42:1

Ha ini te a'bat cu'un, te jtsacoj ta jc'ab, te mach'a tsahbil cu'un te lec co'tan yu'une. Cac'oj ta stojol te espíritu cu'un, ha ya yac' c'ohtuc ta pasel ta stojol te nacionetic te bin toj ta pasele.

Proverbios 18:12

Stoyoj sba te winic te c'alal ma to ba pehc'ambil, pero nahil ay te peq'uel-o'tanil, patil te ich'el ta muc'.

Proverbios 1:32

Como te mach'atic mayuc bin sna'ojic ya xmilotic yu'un te mayuc bin sna'ojic; soc te mach'atic ma sna'ic q'uinal ya xlajinotic yu'un te scuyoj te lec ayic.

Salmos 35:27

C'ayojinanic soc tse'eluc me yo'tanic te mach'atic hich yo'tanic te ya xchicnaj te mayuc jmul; hich ac'a yahluquic spisil ora: Ac'a yich' toybeyel sc'oblal te Jehová, te lec yo'tan yu'un te bin ut'il lec ay te ya'bate, ac'a xchihuquic.

Ester 6:11

Hich te Amán la stsac te nahtil-c'u'ul soc te cawu, la ya'be slap te Mardoqueo, la snitbe bahel te cawu ta plaza yu'un te pueblo, hich yac yalbel ta aw ta stojol: Hich ya yich' pasbeyel te winic te ya x'ac'ot ta ich'el ta muc' yu'un te ajwalil, xchi ta aw.

Ester 6:9

patil ac'a ya'beyic te nahtil-c'u'ul soc te cawu ta sc'ab jtuhl príncipal te mero muc' sc'oblal yu'un te ajwalil, ac'a ya'beyic slap sc'u' te mach'a ya sc'an ya x'ac'ot ta ich'el ta muc' yu'un te ajwalil, ac'a yac' behenuc ta cawu ta plaza yu'un te pueblo soc hich ac'a yich' halel ta stojol: ¡Hich ya yich' pasbeyel te winic te ya x'ac'ot ta ich'el ta muc' yu'un te ajwalil! xchi te Amán.

Ester 6:7

Ha yu'un te Amán la sjac'be te ajwalil: Te winic te ya sc'an ya x'ac'ot ta ich'el ta muc' yu'un te ajwalil,

Ester 5:11

la yalbe ya'iyic sc'oblal te yutsil sc'ulejal, te bayel ta tuhl te snich'nab, soc spisil te bin ut'il tohytesbot sc'oblal yu'un te ajwalil, soc bin ut'il c'ax hich ac'ot ta ich'el ta muc' a yu'un te príncipaletic soc te a'batetic yu'un te ajwalil.

Proverbios 30:13

Ay mach'atic scuyoj sbahic ta muc' sc'oblalic, soc toyol yac'oj sbahic ta sitic ta yilel te yantique.

Ester 6:5

Te a'batetic yu'un te ajwalil hich la sjaq'uic: Ha te Amán te ay ta amac', xchihic. Ac'a ochuc tal, xchi te ajwalil.

Ester 1:15

Te ajwalil la sjoc'obeyic: ¿Bin ya yal te ley te ya sc'an pasel ta stojol te ajwalil-ants Vasti, te bin ut'il ma ba la sch'uhumbe smandar te ajwalil te c'alal ic'ot tal yu'un te eunucohetique? xchi.

San Lucas 14:9

ya xtal te mach'a la yic'at ta we'el soc, hich ya yalbat: Ha xawac' huhcajuc tey a ha'i winic ini, teme xchihe, hich yacat ta q'uexlal a yac ahuhcan aba ta slajibal huctajibal.