Ester 6:12 - Bible in Tzeltal Bachajón

¹² Ta patil te Mardoqueo suht bahel ta yochibal sna te ajwalil, te Amán ora baht ta sna, yac ta mel-o'tan soc smacoj bahel sjol.

Bible in Tzeltal de Oxchuc y Tenejapa

¹² Te c'alal laj yo'tan ta aq'uel ta beentesel te Mardoqueo, cha'bajt' xan ta naclej ta yochibal spalacio te muc' ajwalile. Te Amán ora bajt' ta sna, ay bael ta mel-o'tan soc smacoj yelaw.

Ester 6:12 Referans Kwoze

2 Samuel 15:30

Te David mo bahel ta Wits yu'un Olivohetic; yac ta oq'uel mohel a, smucoj sjol soc mayuc step. Ha nix hich spisil te pueblo te joquimbil yu'un, smucoj sjolic jujutuhl soc yacalic ta oq'uel mohel.

Job 20:5

te com nax te stse'elil yo'tan te mach'a chopol yo'tan, te jts'ihn nax ay yutsil yo'tan te mach'a ma ba sch'uhunej Dios?

1 Reyes 21:4

Te Acab baht ta sna, smeloj yo'tan a soc ilinem yu'un te hich halbot yu'un Nabot talem ta Jezreel: Ma ba ya ca'bat te bin a'bibilon hilel yu'un jme'jtat, te xchihe. La smehtsan sba ta swayib, la sut bahel sit ta pahc', ma ba we'.

Job 9:24

Te q'uinal ya x'a'bot ta sc'abic te mach'atic chopolic, soc ha ya smacbe sit te juecetic yu'un. Teme ma ha'uc te Diose, ¿mach'a a?

Ester 7:8

Te c'alal suht tal te ajwalil ta ts'umbil nichimetic ta sna ajwalil soc och bahel ta stsahlul na banti yaquic ta we'el, te Amán nijilix a te banti metsel te Ester. Ha yu'un la yal te ajwalil: ¿Yu'un bal yac ac'an yac atsac te ajwalil-ants li' ta jna? xchi. Te c'alal hich la yal te ajwalil, la smucbeyic sit te Amán.

Ester 2:19

Te c'alal la yich'ic tsobel scuenta schebal buelta te ach'ixetic, te Mardoqueo hucul ta yochibal sna a te ajwalil.

2 Crónicas 26:20

C'alal la yil te muc'ul sacerdote Azarías soc spisil te yantic sacerdotehetic te ayix c'a'el-chamel ta sti'ba, ora la sloq'uesic bahel; soc hich nix loc' bahel ta ora, como ehchentesot yu'un Jehová.

1 Reyes 20:43

Te ajwalil yu'un Israel yac ta mel-o'tan soc ilinem a baht ta sna ta Samaria.

2 Samuel 17:23

Te Ahitofel, c'alal la yil te ma ba la spasic te bin la yal, la schahpan sburro, baht ta sna ta slumal. C'alal laj yalbel mandar ta sna, la sjihpan sba, hich laj; la yich' muquel ta banti mucul te state.

1 Samuel 3:15

Te Samuel hil ta swayib ha to ta sacubel q'uinal, patil la sjambe sti'il te sna Jehová; pero la xi' yalbeyel Elí te bin a'bot yil ta snahalsit.

Ester 6:11

Hich te Amán la stsac te nahtil-c'u'ul soc te cawu, la ya'be slap te Mardoqueo, la snitbe bahel te cawu ta plaza yu'un te pueblo, hich yac yalbel ta aw ta stojol: Hich ya yich' pasbeyel te winic te ya x'ac'ot ta ich'el ta muc' yu'un te ajwalil, xchi ta aw.

1 Reyes 21:6

La sjac': Como la jc'opon te Nabot ta Jezreel, la jcalbe te yacuc schombon te sts'usubil, o teme ya sc'an, ya jelbe ta yan ts'usubil, pero la yal: Ma ba ya ca'bat te ts'usubil cu'un, xchi.