Ester 5:9 - Bible in Tzeltal Bachajón

⁹ Te Amán buen tse'el yo'tan a loc' bahel. Pero te c'alal la yil te Mardoqueo te ay ta yochibal sna te ajwalil, te ma ba la stehc'an sba ni lajuc snihc sba te banti ay, mero ilin ta stojol te Mardoqueo.

Bible in Tzeltal de Oxchuc y Tenejapa

⁹ Te Amán loc' jajch'el tey ta banti we'-uch'ique, bin nax yo'tan soc buen nojel xch'ujt'. Pero c'alal la yil te Mardoqueo te ay ta yochibal spalacio te muc' ajwalile, soc te ma ba la stejc'an sba, soc ma ba la stij sba ta ilel yu'un te c'alal c'ax tey ae, mero ilin yo'tan yu'un.

Ester 5:9 Referans Kwoze

Ester 3:5

Te c'alal la yil te Amán te ma ba ya squejan sba soc ma ba ya spehc'an sba ta stojol, mero ilin yu'un.

San Mateo 2:16

Te Herodes, c'alal la sna' te tse'layot yu'un te p'ijil winiquetic, bayel ilin yu'un, hich la sticon ta milel spisil te bic'tal alaletic ta Belén soc ta sjoyobal te ma to stahojic cheb ya'bilalic, hich te bin ut'il jayeb ha'bil halbot yu'un te p'ijil winiquetique.

Santiago 4:9

Mela awo'tanic, oq'uetaya abahic. Ac'a sutp'ijuc ta oq'uel te atse'ejic, soc ac'a sutp'ijuc ta mel-o'tan te stse'elil awo'tanique.

San Juan 16:20

Jamal ya calbeyex, ya me x'oq'uex soc yac amel awo'tanic, yan te mach'atic ayic ta scuenta bahlumilal tse'el yo'tanic; pero aunque ayex ta mel-o'tan, ta patil ya me sutp'ij ta tse'el-o'tanil.

San Lucas 6:25

¡Ay me awocolic ha'ex te nojel ach'uhtic ta ora ini! como ya me xwi'najex. ¡Ay me awocolic ha'ex te yacalex ta tse'ej ta ora ini! como ya me amel-awo'tanic soc ya me x'oq'uex.

Daniel 3:13

Ha yu'un te Nabucodonosor soc yilimba soc sc'ahc'al yo'tan la yal te ya x'ic'bot tal te Sadrac, Mesac soc Abed-nego. Ha yu'un ic'otic tal ta stojol ta ora.

Salmos 27:3

Aunque bayel soldadohetic ya sjoytayonic, ma ba ya xiw co'tan; aunque ya ya'bonic guerra, ay me smuc'ul co'tan.

Salmos 15:4

ha te ya yihlay te mach'a chopol, pero ya yich' ta muc' te mach'atic ya yich'ic ta muc' te Jehová; ha te mach'a ya xc'oht ta pasel yu'un te bin yaloj ta jamal, aunque ya sta swocol yu'un;

Job 31:31

teme ma hichuc yalojic te a'batetic cu'un: ¿Mach'a a te ma ba nojem sch'uht yu'un te sti'bal? te xchihique,

Job 20:5

te com nax te stse'elil yo'tan te mach'a chopol yo'tan, te jts'ihn nax ay yutsil yo'tan te mach'a ma ba sch'uhunej Dios?

Ester 3:2

Spisil te a'batetic yu'un te ajwalil te ayic ta ti'nahil yu'un te sna ajwalil ya squejan sbahic soc ya snijan sbahic ta stojol Amán, como hich yaloj ta mandar te ajwalil. Pero te Mardoqueo ma ba la squejan sba soc ma ba la spehc'an sba ta stojol.

Ester 2:19

Te c'alal la yich'ic tsobel scuenta schebal buelta te ach'ixetic, te Mardoqueo hucul ta yochibal sna a te ajwalil.

1 Reyes 21:4

Te Acab baht ta sna, smeloj yo'tan a soc ilinem yu'un te hich halbot yu'un Nabot talem ta Jezreel: Ma ba ya ca'bat te bin a'bibilon hilel yu'un jme'jtat, te xchihe. La smehtsan sba ta swayib, la sut bahel sit ta pahc', ma ba we'.

Hechos 7:54

C'alal hich la ya'iyic, bayel ilin yo'tanic yu'un, la sc'uxuxan yehic yu'un scontrahimbelic.

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

Ester 5:13

Pero spisil ini, mayuc stuc c'ohem ya ca'iy te c'alal ya quil te judio Mardoqueo te hucul ta yochibal sna te ajwalil, xchi.

1 Reyes 21:6

La sjac': Como la jc'opon te Nabot ta Jezreel, la jcalbe te yacuc schombon te sts'usubil, o teme ya sc'an, ya jelbe ta yan ts'usubil, pero la yal: Ma ba ya ca'bat te ts'usubil cu'un, xchi.