Ester 5:14 - Bible in Tzeltal Bachajón

¹⁴ Te Zeres te yihnam soc spisil te yamigotac hich la yalbeyic: Ac'a yich' pasel ts'apbil te' te ha lajuneb yoxwinic (50) xuhc'ubil stoyolil, pajel yac ac'ambe te ajwalil te ya yich' jihpanel tey a te Mardoqueo. Hich me tse'el awo'tan ya x'ochat ta we'el soc a te ajwalil, xchihic. Lec la ya'iy te Amán, hich la yac' ta chahpanel.

Bible in Tzeltal de Oxchuc y Tenejapa

¹⁴ Jich te yinam soc ta spisil te yamigotac jich albot yu'un: —Ticuna ta pasel junuc te', te ay cheb xcha'winic (22) metro snajt'ile. Pajel ta sab ya ac'anbey te muc' ajwalil te ya yich' jijp'anel moel a te Mardoqueo. Jich me jun awo'tan ya xbaat ta we'el swenta q'uin soc a te muc' ajwalil —xiic. Te c'op in to la smulan te Amán, jich la sticun ta pasel te te'e.

Ester 5:14 Referans Kwoze

Ester 6:4

Ha yu'un te ajwalil la sjoc'oy: ¿Mach'a ay ta amac'? xchi. Ha yorahil a te yac ta ochel tal te Amán ta amac' te ay ta spat sna te ajwalil yu'un ya sjoc'obe te ajwalil te yacuc yich' jihpanel te Mardoqueo ta te' te pasbil yu'une.

Salmos 37:32

Te mach'a chopol yo'tan ya smacliy te mach'a toj yo'tan, ya sle bin ut'il ya smil;

Salmos 37:14

Te mach'atic chopol yo'tanic ya sloq'ues te espada yu'unic soc ya snit st'ihmalte'ic yu'un ya slajinic te pobre soc te mach'a mayuc bin ay yu'un, scuenta yu'un ya smilic te mach'atic toj te stalelique.

1 Reyes 21:7

Te Jezabel te yihnam la yalbe: ¿Ma bal ha'ucat ajwalilat yu'un Israel? Hahchan, we'an, tse'eluc me awo'tan. Ho'on ya ca'bat te sts'usubil Nabot ta Jezreel, xchi.

Apocalipsis 11:10

Te mach'atic nahinemic ta bahlumilal tse'el yo'tanic yu'un, ya spasic q'uin soc ya smahtantes sbahic yu'un, como te cheb jalwanejetic bayel la yuts'inic te mach'atic nahinemic ta bahlumilale.

Romanos 3:15

Te yoquic ya suj sba ta smalel ch'ich';

Romanos 1:32

Aunque sna'ojic te yaloj ta jamal te Dios te ya x'ac'otic ta lajel yu'un te mach'atic hich ya spasic, ma ha'uc nax ya spasic, ha lec yo'tanic yu'un te mach'atic hich ya spasique.

Proverbios 4:16

Como ma xwayic ha to teme la spasic te bin chopole; ma ba ya xtal swayelic teme mayuc mach'a la syahltesic.

Proverbios 1:18

Pero te winiquetic ini ha'ic nix ya smacliyic sch'ich'elic, ha'ic nix ya smil sbahic.

Salmos 9:15

Te nacionetic ch'ayic cohel ta ch'en te ha nix spasojic; te yaquil te snac'ojic, tsacbot yoquic yu'un.

1 Reyes 21:25

(Ta melel mayuc mach'a yan hich te bin ut'il Acab te la yac' sba ta spasel te bin chopol ta stojol Jehová, como ha jucot yu'un te Jezabel te yihname.

2 Samuel 16:21

Te Ahitofel la yalbe te Absalón: Wayan soc te antsetic yu'un te atat te yihquitayej hilel ta canan-na, hich me ya ya'iy spisil Israel te jc'axel la awac' aba ta p'ajel yu'un te atat, hich ya yich' xan yip yo'tanic a spisil te mach'atic sjoquinejat, xchi.