Ester 4:14 - Bible in Tzeltal Bachajón

¹⁴ Como teme jc'axel ma ba ya xc'opojat yo'tic, yan banti ya xtal te scolel te judiohetic, pero te ha'at soc te mach'atic ay yu'un te atat ya me xlajex. Ha wan scuentahil te ochematix ta ajwalil-ants ta hich ora, xchi.

Bible in Tzeltal de Oxchuc y Tenejapa

¹⁴ Teme ma ba ya xc'opojat yo'tic, teme ma'yuc bi ya awale, te scoltayel te judioetic ya me xtal ta yan parte, pero te ja'at soc te mach'atic ay yu'un te atate ya me xlajex. Repente ja' swentail te ochat ta antsil-ajwalil yu'un te ya acoltayotic ta wocole”, xi'.

Ester 4:14 Referans Kwoze

1 Samuel 12:22

Te Jehová, ta scuenta te smuc'ul sbihil, ma ba ya spihtes te pueblo yu'une; como la sc'an te Jehová te ha'ex pueblohex ya xc'ohex yu'un.

Isaías 54:17

Mayuc a'tejibal yu'un guerra te ya xhu' ya stsalat, soc ya xhu' awu'un scomel te mach'a ya slehat ta c'op. Ha ini te bin ya yich'ic te a'batetic yu'un Jehová, ha ini te tsalaw te ya c'abe, xchi te Jehová.

Deuteronomio 32:36

Te Jehová ya me schahpan te pueblo yu'un, soc ya me sna'be yo'bolil sbahic te a'batetic yu'un c'alal ya yil te lajix yipic, soc te mayuquix hilem a'bat o te mach'a libre aye.

San Mateo 16:18

Soc ho'on ya calbat te ha'at Pedrohat, ta sba ha'i muc'ul ton ini ya jpas te iglesia cu'un, soc te ochibaletic yu'un te tsobojibal mach'atic chamenic ma xhu' stsalbel.

Jeremías 30:11

Como ho'on joquinejat yu'un ya jcoltayat, xchi te Jehová. Ya jlajinlan spisil te nacionetic te banti la jpucticlanex bahele, yan te ha'ate ma ba ya jlajinat atuquel, aunque stojil ya ca'bat castigo; ma yu'unuc ma ba ya ca'bat castigo, xchi.

Jeremías 46:28

Ha'at, Jacob, a'bat cu'un, ma xiwat, como joquinejat, xchi te Jehová. Ya jinticlan spisil te nacionetic te banti la jpuquex bahele. Pero te ha'ate ma ba jc'axel ya jinat; stojil ya ca'bat castigo, ma me hichuc nax ya quihquitayat, ya me ca'bat castigo, xchi te Jehová.

Esdras 9:9

Aunque ayotcotic ta mosohil, ma ba spihtesejotic ta yo'tan te Dios cu'uncotic ta banti ayotic ta mosohil, ha la yac' te sc'uxul yo'tan ta jtojolcotic ta stojol te ajwaliletic yu'un Persia; la ya'botcotic xan yip co'tancotic ta scha'pasel xan te sna te Dios cu'uncotic soc ta scha'pasel te banti jihnem soc la scoltayotcotic yu'un jcontracotic ta Judá soc ta Jerusalén.

Ester 2:15

Te c'alal c'oht yorahil te ic'ot tal ta stojol ajwalil te Ester, te yantsil-nich'an Abihail, stajun Mardoqueo te coltesot yu'un, ha nax la yich' bahel te bin halbot yu'un te Hegai, te eunuco yu'un te ajwalil te ya scanantay te antsetique. Te Ester lec c'oht ta o'tanil yu'un spisil te mach'atic ilotic yu'un.

San Mateo 24:22

Te manchuc ya xpehc'ambot sc'ahc'alel, mayuc mach'a ya xcol te hichuque. Pero ta scaj te mach'atic tsahbilic ya xpehc'ambot sc'ahc'alel.

Isaías 49:23

Te ajwaliletic hich ya xc'ohtic te bin ut'il atatic, soc te ajwalil-antsetic yu'unic ha jcanan-alal ya xc'oht awu'unic. Ya me spahcan sbahic ta lum ta atojolic, soc ya me sleq'uic te stanul awoquic. Hich yac ana'ic a te ho'on Jehovahon; soc ma ba ya xq'uexawic te mach'atic smuc'ulinejon yo'tanic, xchi te Jehová.

Ester 2:7

Te Mardoqueo la scoltes te Hadasa, ha te Ester te yantsil-nich'an stajun, como me'ba'. Buen t'ujbil ach'ix soc buen lec ta ilel. C'alal cham te sme'stat, te Mardoqueo la yic' scuenta yal-snich'an.

Génesis 22:14

Te Abraham la ya'be sbihil te lugar: Jehová ya ya'botic, xchi. Ha yu'un hich ay ta halel c'alal ora ini: Ta wits yu'un Jehová ya x'a'bot, xchi.

Nehemías 6:11

Pero hich la jcalbe: Te jtuhl winic hich te bin ut'il ho'on ¿ya bal xloc' ta ahnel? Soc ¿mach'a a, te pajal soc ho'on, te ya x'och ta Templo ta scoltayel scuxlejal? Ma ba ya x'ochon, xchihon.

2 Reyes 19:3

yu'un hich ya yalbeyic: Hich yaloj te Ezequías: Ha sc'ahc'alel wocol, tulan halel soc q'uexlal, hich te bin ut'il alaletic te yorahilix ya x'ayinic pero mayuquix yip yu'un ya x'ayinic.

1 Samuel 17:29

La sjac' te David: ¿Bin jpasoj? ¿Ma bal ha'uc nax yacon ta c'op? xchi.

Jueces 15:6

Te filisteohetic la sjoc'oyic: ¿Mach'a la spas ini? xchihic. Ha te Sansón te snihal te timnat-winic, yu'un pojbot yihnam, ha a'bot yic' te mach'a sjoquinej te Sansón, xchihic. Ha yu'un te filisteohetic tal schiq'uic te ants soc te state.

Job 9:18

ma ba ya ya'bon quich' ic', ha ya ya'bon xut'ul q'uinal ya ca'iy.

Levítico 26:42

hich ya jna' a te jc'op la jchahp soc Jacob, soc te jc'op la jchahp soc Isaac, soc te jc'op la jchahp soc Abraham, soc ya jna' te lumq'uinale.

2 Reyes 13:5

Te Jehová la ya'be jtuhl jcoltaywanej yu'un te Israel, hich colic ta sc'ab te siriahetique. Hich nahinic ta snahic hich te bin ut'il ta nahil to.

Ester 4:13

hich la sticon ta halbeyel te Ester: Ma xacuy te atuquel cuxul ya xhilat ta sna ajwalil, te ma ba pajal ya xlajat soc te yantic judiohetique.

Ester 4:15

Te Ester hich la sutbe sc'op te Mardoqueo:

Ester 2:17

Te Asuero c'ax hich c'ux la ya'iy ta yo'tan a te Ester te bin ut'il te yantic antsetic, c'ax hich lec c'oht a ta stojol te ajwalil te bin ut'il spisil te yantic ach'ixetique. La ya'be ta sjol te scorona ajwalil, la ya'be sjelolin ta ajwalil-ants te Vasti.

Eclesiastés 3:7

ay yorahil ta jatsel, ay yorahil ta ts'isel; ay yorahil ch'abal ta c'op, ay yorahil ya xc'opoj;