Ester 3:15 - Bible in Tzeltal Bachajón

¹⁵ Te mach'atic yich'ojic te cartahetic loq'uic bahel ta scuenta smandar te ajwalil, soc la yich' aq'uel te mandaril ta Susa banti nahinem te ajwalil. Te ajwalil soc te Amán hucajtic ta uch'bajel, pero ta Susa ma ba la sna'ic bin ya spasic.

Bible in Tzeltal de Oxchuc y Tenejapa

¹⁵ Te correoetic ora nax bajt'ic ta ticunel yu'un te muc' ajwalil, soc la yich' puquel ta alel ta joyob ts'ajc'ubil centro yu'un te lum Susa. Jich te muc' ajwalil soc te Amán jun yo'tan nacajtic ta uch'bajel, pero ta Susa jajch' ta woclajel te yo'tanique.

Ester 3:15 Referans Kwoze

Ester 8:15

Te Mardoqueo loc' bahel ta stojol te ajwalil, slapoj yax soc sac sc'u' scuenta ajwalil, soc muc'ul corona pasbil ta oro soc chi'in-yaxal smehyil-pac' pasbil ta lino fino. Te pueblo Susa awonic yu'un yutsil q'uinal;

San Juan 16:20

Jamal ya calbeyex, ya me x'oq'uex soc yac amel awo'tanic, yan te mach'atic ayic ta scuenta bahlumilal tse'el yo'tanic; pero aunque ayex ta mel-o'tan, ta patil ya me sutp'ij ta tse'el-o'tanil.

Apocalipsis 11:10

Te mach'atic nahinemic ta bahlumilal tse'el yo'tanic yu'un, ya spasic q'uin soc ya smahtantes sbahic yu'un, como te cheb jalwanejetic bayel la yuts'inic te mach'atic nahinemic ta bahlumilale.

Amós 6:6

yac awuch'ic vino ta muc'ul vasohetic, soc yac amal abahic ta lequil perfumehetic, pero ma ba yac amel awo'tanic yu'un te jinel yu'un José.

Oseas 7:5

Ta sc'ahc'alel te q'uinal yu'un te ajwalil cu'untic, te príncipaletic la ya'beyic chamel ta scuenta sc'ahc'al te vino; jun yac'oj sba soc te jlabanwanejetique.

Proverbios 29:2

Te c'alal ya yich' yipic te mach'atic toj yo'tanic, ha tse'el yo'tan yu'un te pueblo; yan te c'alal ya yich' yipic te mach'atic chopol yo'tanic, ya x'ahcanaj te pueblohe.

Proverbios 4:16

Como ma xwayic ha to teme la spasic te bin chopole; ma ba ya xtal swayelic teme mayuc mach'a la syahltesic.

Proverbios 1:16

como ya x'ahnimajic ta stojol bin chopol, ya suj sbahic ta smalel ch'ich'.

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

1 Reyes 14:27

Te ajwalil Roboam la spasbe scuenta sjelol mahquilaletic ta bronce, la ya'be te capitanetic yu'un te jcanantaywanej soldadohetic te ya scanantayic te yochibal te sna ajwalil.

Génesis 37:25

Patil la shuhcan sbahic ta we'el. La yilic yacalic ta talel ismaeletic hahchemic tal ta Galaad, te scamellohic scuchojic bin sumet yic', bálsamo-te', soc mirra, te yac yich'belic bahel ta Egipto.

Ester 1:10

Ta shuquebal c'ahc'al, te c'alal tse'el yo'tan a te ajwalil ta scaj te vino, la sticon bahel te Mehumán, Bizta, Harbona, Bigta, Abagta, Zetar soc te Carcas, huqueb eunuco-winiquetic te ayic ta a'batinel yu'un te ajwalil Asuero,

Salmos 37:7

Ch'aban me ta stojol Jehová soc junuc me awo'tan xamahliy. Ma me x'ilinat yu'un te mach'a ay bin lec ya xc'oht ta loq'uel yu'un, te mach'a ya spas te bin chopole.

Proverbios 31:4

Ma ha'uc yu'un ajwaliletic, Lemuel, ma ha'uc yu'un ajwaliletic te ya yuch'ic vino, ma ha'uc yu'un príncipaletic te ya sc'anic bin pajubtesbil;