Ester 3:13 - Bible in Tzeltal Bachajón

¹³ La yich' ticonel bahel cartahetic ta scuenta mach'atic ya yich'ic bahel cartahetic ta stojol te jujusehp q'uinal yu'un te ajwalil, te ya yal mandar te ya me yich' jinel, milel soc lajinel spisil te judiohetic, ta spisil ach'ix-queremetic soc me'el mamaletic, alaletic soc antsetic, soc te ya yich' pojbeyel te biluquetic yu'unic, ta junax c'ahc'al, ta yoxlajunebal (13) c'ahc'al ta slahchayebal (12) u, ha te u Adar.

Bible in Tzeltal de Oxchuc y Tenejapa

¹³ Ora la yich' puquel bael ta correo ta stojolic te juju-jsejp q'uinaletic yu'un te ajwalile. Te june tey ya yal a te mandal te jc'axel ya yich'ic lajinel te judioetic, ta jun nax c'aal ya xlaj ta spisilic te judioetique, me'eletic, mamaletic, queremetic, ach'ixetic, alaletic soc ta spisil antsetic; soc ya me yich'beyic spisil te biluc yu'unique. Te bila c'aalil yich'oj chapel ya xc'ot ta pasele, ja' ta yoxlajunebal te slajchayebal u, o ja' te u Adar.

Ester 3:13 Referans Kwoze

Ester 9:10

ha te lajuntuhl snich'nab Amán snich'an Hamedata, te scontra te judiohetique. Pero ma ba la yich'beyic te biluquetic yu'unique.

2 Crónicas 30:6

Hich loq'uic bahel jpuc-c'opetic ta spisil sq'uinal Israel soc Judá ta spuquel te cartahetic yu'un te ajwalil soc te príncipaletic yu'unic, hich te bin ut'il yaloj ta mandar te ajwalil, te hich la yal ta carta: Snich'nab Israel, suhtanic tal ta stojol Jehová, te Dios yu'un Abraham, Isaac soc Israel, hich te Jehová ya suht tal ta stojol te mach'atic colic hilel ta sc'ab te ajwaliletic yu'un Asiria.

1 Samuel 15:3

Ha yu'un bahan, a'beya guerra te Amalec, jc'axel lajina spisil bintic ay yu'un, ma me xana'be yo'bolil sba; milticlana winiquetic, antsetic, alaletic soc tut alaletic te ya to xchu'unic, soc nix wacaxetic, tuminchijetic soc tentsunetic, camellohetic soc burrohetic, xchi.

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

Romanos 3:15

Te yoquic ya suj sba ta smalel ch'ich';

Jeremías 51:31

Te mach'a ya x'ahnimaj ora ya xbaht sta yan te ya x'ahnimaj, jtuhl jal c'op ya x'ahnimaj bahel ta stahel yan jal c'op, ta yalbeyel te ajwalil yu'un Babilonia te ochintaybilix ta jujujehch te muc'ul pueblo yu'une.

Isaías 10:6

Ya jticon ta contrahinel jun jmulawil nación, ya jticon bahel ta stojol te pueblo te ya shachbon quilimba, yu'un ya spojbe sbiluc soc ya yich'be bintic ay yu'un, soc yu'un ya sts'o' ta teq'uel hich te bin ut'il ahch'al ta calle.

Job 9:25

C'ax hich ahnimal c'oht te c'ahc'aletic cu'un te bin ut'il te mach'a ya x'ahnimaj; ahnic bahel, ma ba la yilic te bin leque.

Ester 7:4

Como te ho'on soc te pueblo cu'un quich'ojcotiquix chonel scuenta lajinel ta jc'axel. Te ha'uc la jquich'cotic chonel scuenta mosohil, mayuc bin ya cal yu'un te hichuque; pero te lajel cu'uncotic ma xhu' ta suhtbeyel te bin ya xch'ay yu'un te ajwalil, xchi.

1 Samuel 22:19

Soc te Saúl la smilticlan ta espada te mach'atic ayic ta Nob, ha te pueblo yu'un te sacerdotehetic: ha winiquetic, antsetic, alaletic soc tut alaletic te chu'ic to, soc wacaxetic, burrohetic soc tuminchijetic, spisil la smilticlan ta espada.

Ester 8:5

hich la yal: Teme lec ya ya'iy te ajwalil, teme lecon ta sit soc teme stojil ya ya'iy te ajwalil soc teme lecon ta yo'tan, ac'a yich' ts'ihbayel mandaril te ya slajimbe sc'oblal te cartahetic te la schahpan te Amán snich'an Hamedata, sts'umbal Agag, te la sts'ihbay yu'un slajinel te judiohetic te ayic ta jujusehp q'uinal yu'un te ajwalil.

Ester 9:1

Ta yoxlajunebal (13) c'ahc'al yu'un te slahchayebal (12) u, ha te u Adar, te ha sc'ahc'alel te sc'oblal ya yich' pasel te mandaril yu'un te ajwalil, ha nix sc'ahc'alel te scontratac te judiohetic yac smahliybelic te ya stsalic te judiohetic, pero ma hichuc c'oht ta pasel; te judiohetic la stsalic te mach'atic p'ajotic yu'unique.

Ester 9:5

Te judiohetic la smilic ta espada spisil te scontrahic, jc'axel la slajinic soc hich la spasbeyic te scontrahic te bin ut'il la sc'an yo'tanic.