Ester 2:18 - Bible in Tzeltal Bachajón

¹⁸ Te ajwalil la spasbe muc'ul q'uin yu'un Ester spisil te príncipaletic soc a'batetic yu'une. Soc la spehc'an te pataniletic ta jujusehp q'uinal soc la spucticlan bayel mahtaniletic, ha chican bin yilel yutsil o'tanil yu'un te ajwalil.

Bible in Tzeltal de Oxchuc y Tenejapa

¹⁸ Soc la spas buen muc'ul q'uin, la yac' we'el-uch'el ta swenta stoybeyel yutsil sc'oplal te Ester. La sticun ta iq'uel te mach'atic yich'oj yat'elic yu'un soc spisil te abatetic yu'une. Soc la spejc'an patanetic ta juju-jpam q'uinal, soc la spuc bayal majt'aniletic, majt'anil te ya yac' sba ta na'el a te ay yutsil yo'tan te muc' ajwalile.

Ester 2:18 Referans Kwoze

Apocalipsis 19:9

Soc hich la yalbon te ch'ul a'bat: Ts'ihbaya ini: Bayel me yutsilic te mach'atic ic'bilic ta we'el ta nuhpunel yu'un te Jcolel Tuminchij, xchi. Soc hich la yalbon xan: Ha smelelil c'op yu'un Dios ini, xchi.

Apocalipsis 11:10

Te mach'atic nahinemic ta bahlumilal tse'el yo'tanic yu'un, ya spasic q'uin soc ya smahtantes sbahic yu'un, como te cheb jalwanejetic bayel la yuts'inic te mach'atic nahinemic ta bahlumilale.

San Lucas 14:8

Teme ay mach'a ya yic'at ta il-nuhpunel, ma me xhuhcajat ta primero huctajibal, repente ay yan mach'a c'ax hich ay ta ich'el ta muc' a te bin ut'il ha'at, te ha nix hich ic'bil ta we'el,

San Mateo 22:2

Te cuentahinel yu'un te ch'ulchan hich c'ohem te bin ut'il jtuhl ajwalil te la spas q'uin yu'un ya xnuhpun te snich'ane.

Cantares 5:1

Talemon ta ts'umbil q'uinal cu'un, quihts'inat, jlecolat; La jtsobix te mirra soc te perfumehetic cu'un, la jlo'ix te chab soc te schabec'al, la jcuch'ix te vino soc te leche cu'un. We'anic, ha'ex te jun co'tan jbahtic soc, uch'anic ta ban c'alal yac ac'anic.

Cantares 3:11

¡Loc'anic talel, ach'ixetic yu'un Sión! ilawilic te ajwalil Salomón soc te corona ta sjol te a'bot yu'un te snan te c'alal nuhpun, te bin ora tse'el yo'tan a.

Ester 9:22

como ha sc'ahc'alel te judiohetic lahmajix q'uinal yu'un te scontratac, como ha yuhil te c'atp'uj ta tse'el-o'tanil te mel-o'tan, te oq'uel c'atp'uj ta yutsil q'uinal. La yal te ya me spasic q'uin soc yutsil me q'uinal ya ya'iyic, soc talel c'axel ya ya'be sbahic smahtanic soc ya ya'beyic smahtanic te pobrehetique.

Ester 1:7

Uch'ic ta vasohetic pasticlambil ta oro, yan yilel te jujun vaso, soc bayel vino yu'un te ajwalil la yuch'ic, hich te bin ut'il yutsil yo'tan te ajwalil.

Nehemías 8:11

Soc te levitahetic la slahmajtesic spisil te pueblo, hich la yalic: Ch'abanic, como ha ch'ul c'ahc'al ini, ma me xamel awo'tanic, xchihic.

1 Samuel 25:8

Joc'obeya te a'batetic awu'un, hich me ya yalbat. Ha yu'un lecuc me sc'oblalic awu'un te jcolel winiquetic cu'un ini como talemotcotic ta yorahil q'uin. Awocoluc, a'beya te a'batetic awu'un soc te anich'an David biluc a te ay awu'un, xchi.

Génesis 29:22

Hich te Labán la yic' tal spisil te winiquetic tey ayic a, la spas q'uin.

San Marcos 6:21

Buen ora c'oht sc'ahc'alel te c'alal Herodes, ta yorahil q'uin yu'un loc' ya'bilal, la stsob tal ta we'el principaletic, comandantehetic soc mach'atic ay ya'telic ta Galilea.