Ester 1:20 - Bible in Tzeltal Bachajón

²⁰ Te bin ya yal ta mandar te ajwalil ya me yich' a'iyel ta ban c'alal scuentahinej, aunque c'ax muc', hich spisil te antsetic ya me yich'ic ta muc' te smamalalic, pajal te mach'a muc' sc'oblal soc peq'uel sc'oblal, xchi.

Bible in Tzeltal de Oxchuc y Tenejapa

²⁰ Te mandalil yu'un te muc' ajwalil ya me sc'an te ya yich' puquel ta alel ta bay c'alal swentainej mandalteswanej te muc' ajwalile, swenta yu'un spisil antsetic ya me yich'ic ta muc' te smamlalique, pajal me te mach'atic muc' sc'oplalic soc mach'atic peq'uel sc'oplalic —xi'.

Ester 1:20 Referans Kwoze

Colosenses 3:18

Antsetic, ac'a abahic ta cuentahinel yu'un te amamalalic, hich te bin ut'il ya sc'an pasel ta scuenta te Cajwaltique.

Efesios 5:33

Pero jujutuhlex c'ux me xawa'iy te awihnam hich te bin ut'il c'ux yac awa'iy aba; soc te antse ac'a yich' ta cuenta te smamalale.

Efesios 5:22

Te nuhpunem antsetic ac'a yac' sbahic ta cuentahinel yu'un te smamalalic, hich te bin ut'il ta stojol te Cajtwaltique,

Deuteronomio 21:21

Ha yu'un spisil te winiquetic yu'un te pueblo ya me sch'ojic ta ton, hich ya xlaj. Hich yac aloq'ues a te bin chopol ta awohlil, soc spisil Israel ya me ya'iyic soc ya me xi'ic.

Deuteronomio 17:13

C'alal ya ya'iy spisil te pueblo ya me xi' soc hich ma ba ya stoy sbahic yan buelta a.

Ester 1:21

Lec la ya'iyic te ajwalil soc te príncipaletic; ha yu'un te ajwalil hich la spas te bin la yal te Memucán.

Ester 2:1

Ta patil, te c'alal lamalix a te yilimba te ajwalil Asuero, la sna' te Vasti soc te bin la spas, soc te bin mandaril la yal ta scontra.