Ester 1:17 - Bible in Tzeltal Bachajón

¹⁷ Como te bin la spas te ajwalil-ants ya me ya'iyic spisil te antsetic, hich ya spehc'ambe sc'oblal te smamalalique; hich me ya yalic: Te ajwalil Asuero la sticon ta iq'uel tal ta stojol te ajwalil-ants Vasti pero ma ba tal, xchihic.

Bible in Tzeltal de Oxchuc y Tenejapa

¹⁷ Te bila la spas te awiname, ya me yaiyic ta spisilic te antsetique, soc ja' me ta swenta te ma ba ya yich'iquix ta muc' te smamlalique. Jich me ya yalic: “Te muc' ajwalil Asuero la sticun ta iq'uel te yinam te bit'il ja' muc' ajwalile, pero ma ba la xch'uun iq'uel yu'un”, xiic me.

Ester 1:17 Referans Kwoze

Efesios 5:33

Pero jujutuhlex c'ux me xawa'iy te awihnam hich te bin ut'il c'ux yac awa'iy aba; soc te antse ac'a yich' ta cuenta te smamalale.

2 Samuel 6:16

Te c'alal c'oht te scaxahul te chapbil-c'op yu'un Jehová ta Pueblo yu'un David, te Mical yantsil-nich'an Saúl la yil ta ventana. C'alal la yil te ajwalil David te yac ta wihlel soc yac wihlawetel ta stojol Jehová, la sp'aj ta yo'tan.

Esdras 4:6

Ta shahchibal ya'tel ta ajwalil te Asuero la slehbeyic smulic te mach'atic nahinemic ta Judá soc ta Jerusalén.

Ester 1:16

Hich la yal te Memucán ta stojol te ajwalil soc te príncipaletic: Te ajwalil-ants Vasti ma ha'uc nax stahoj smul ta stojol te ajwalil, ha nix hich stahoj smul ta stojol spisil te príncipaletic soc spisil mach'atic ayic ta spisil ta sehp q'uinal yu'un te ajwalil Asuero.

Ester 1:18

Ha yu'un te antsetic ta Persia soc ta Media te ya ya'iyic te bin la spas te ajwalil-ants Vasti, hich ni me ya yalbeyic spisil te príncipaletic yu'un te ajwalil; ha ya yac' chicnajuc bayel peq'uel c'oblalil soc ilimba.