Ester 1:13 - Bible in Tzeltal Bachajón

¹³ La sjoc'obe te mach'atic ya sna'ic ta lec te leyetic, como hich c'ahyem ta spasel te ajwalil te ya sjoc'obe spisil te mach'atic ya sna'ic te leyetic soc te bin stojil ta pasel.

Bible in Tzeltal de Oxchuc y Tenejapa

¹³ La sjojc'obey te mach'atic ay sp'ijil yo'tanic ta sna'el te leyetique, melel ja' scostumbreic te bila chajbanel ya sc'an yu'un te muc' ajwalil, ja' ya yich' nopel soc te mach'atic ya sna'ic te leyetic soc te mandaliletique.

Ester 1:13 Referans Kwoze

1 Crónicas 12:32

Te sts'umbal Isacar, lajunwinic (200) ta tuhl príncipaletic te ya sna'ic stsahtaybeyel yorahil soc ya sna'ic bin ya sc'an ya spas te Israel, spisil te yermanotac ch'uhumbil mandar yu'unic.

Daniel 2:2

Hich te ajwalil la sticonlan ta iq'uel tal te jpas-señahetic, jna'ojeletic, jmonawetic soc te mach'atic ay sp'ijilic, yu'un ya yalbeyic sc'oblal te swayiche. Hich c'oht stehc'an sbahic ta stojol te ajwalile.

Jeremías 10:7

¿Ay bal mach'a ma ba ya xi'at, ha'at te Ajwalilat yu'un te nacionetique? Ha'at awu'un te xi'ele, como ta yohlil spisil mach'atic p'ijic ta nacionetic soc ta spisil slumalic, mayuc mach'a pajalat soc.

San Mateo 16:3

Soc ta sab hich yac awalic: Ya xtal ha'al yo'tic, como ay ihc'al tocal, xchihex. ¡Jchebal-o'tanex! Yac ana'ic stsahtayel bin yilel te q'uinale, pero ma xana'ic stsahtayel yo'tic te señahiletic te ayique.

Daniel 5:7

Tulan awon te ajwalil te ya me yiq'uic tal te jpas-señahetic, caldeohetic soc te jna'ojeletique; te ajwalil hich la yalbe te p'ijil winiquetic yu'un Babilonia: Te mach'a ya yil te bin ts'ihbabil ini soc ya ya'bon jna' te bin sc'oblale, ya x'a'bot slap chi'in-yaxal c'u'ul, ya x'a'bot yuhan cadena pasbil ta oro, soc ha yoxebal ajwalil ya xc'oht ta ban c'alal jcuentahinej, xchi.

Daniel 2:12

Ha yu'un te ajwalil soc sc'ahc'al yo'tan soc yilimba la yal mandar te ya yich'ic milel spisil te mach'atic ay sp'ijilic ta Babilonia.

San Mateo 2:1

C'alal ayin Jesús ta Belén te ay ta sq'uinal Judea, ta yorahil te ay ta ajwalil a te Herodes, talic ta Jerusalén p'ijil winiquetic te talemic ta stojol banti ya xloc' tal c'ahc'al,

Daniel 2:27

La sjac' te Daniel: Mayuc ni jtuhluc p'ijil winic o te mach'a ay bin ya sna' ta scuenta te c'ahc'al, u, eq'uetic, mayuc jpas-senahil o jna'ojel te ya xhu' ya ya'be sna' te ajwalil te bin wocol ta na'ele.

Ester 1:12

Pero te ajwalil-ants Vasti ma ba la sc'an la sch'uhumbe smandar te ajwalil te la yich' halbeyel yu'un te eunucohetique. Bayel ilin yu'un te ajwalil, c'ax c'ahc'ub yu'un.

1 Crónicas 12:33

Te sts'umbal Zabulón, wacpic soc ho'bahc' (50,000) ta tuhl te ora nax chapalic ta yaq'uel guerra soc spisil ta chahp a'tejibaletic yu'un guerra, soc jun yo'tanic ya scoltayic ta guerra te David.