Ester 1:10 - Bible in Tzeltal Bachajón

¹⁰ Ta shuquebal c'ahc'al, te c'alal tse'el yo'tan a te ajwalil ta scaj te vino, la sticon bahel te Mehumán, Bizta, Harbona, Bigta, Abagta, Zetar soc te Carcas, huqueb eunuco-winiquetic te ayic ta a'batinel yu'un te ajwalil Asuero,

Bible in Tzeltal de Oxchuc y Tenejapa

¹⁰ Ta sjuquebal c'aal sjajch'el a te q'uine, te muc' ajwalil bin nax yo'tan ta scaj te yuch'oj vino. Jich la sticun bael te Mehumán, Bizta, Harbona, Bigta, Abagta, Zetar soc te Carcas, juqueb winiquetic te jun yo'tan sbaic ta stojole,

Ester 1:10 Referans Kwoze

Ester 7:9

Te Harbona, te eunuco te ya x'a'tej ta stojol te ajwalil, hich la yal: Ta sna te Amán ay chapalix ts'apbil te' yu'un jihpanel te ha lajuneb yoxwinic (50) xuhc'ubil stoyolil te Amán la schahpan yu'un Mardoqueo, te mach'a lec bin la yalbe sc'oblal te ajwalil, xchi. Jihpanahic tey a, xchi te ajwalil.

Jueces 16:25

Te c'alal tse'el yo'tanic a, hich la yalic: Ic'ahic tal te Sansón scuenta yu'un ya yac' jtse'ejtic, xchihic. Hich la yiq'uic loq'uel tal ta cárcel te Sansón, la stse'layic. La stehc'anic ta yohlil te muc'ul oyetic.

Proverbios 20:1

Ha jlabanwanej te vino, soc hach-c'op te pajubtesbil uch'balil; mayuc sp'ijil yo'tan te mach'a ya xhowiytesot yu'un.

2 Samuel 13:28

Te Absalón hich la yalbe te a'batetic yu'un: Ya me awilic ta lec te Amnón te c'alal yacubenix yu'un vino a. Te c'alal hich ya cal: Milahic te Amnón, teme xchihone, ya me amilic. Ma me xiwex, como ho'on jmandar. Ac'a fuersa, ayuc me yip awo'tanic ta spasel, xchi.

Génesis 43:34

Te José la spucticlambe te we'elil ay ta smesa; pero te bin a'bot te Benjamín ha ho'eb buelta c'axem a te bin ut'il a'bot te yantique. Hich we' uch'ic, tse'el yo'tanic soc.

Eclesiastés 10:19

Ya yich' pasel bayel we'elil scuenta tse'el-o'tanil, te vino ya yac' yutsil q'uinal, soc spisil bin ya xtuhun a te taq'uine.

Jueces 19:6

Ta schebalic pajal la shuhcan sbahic ta we'el uch'el. Te stat te ach'ix la sc'ambe te winic: Awocoluc, c'axuc xan ahc'abal awu'un li'i, ayuc yutsil awo'tan, xchi.

Rut 3:7

C'alal we' uch' te Booz soc ay yutsil q'uinal la ya'iy, baht ta wayel ta sti'il banti busajtic te cebada. Patil muquen tal te Rut, la sjolbe smuhquil yoc, la smehtsan sba tey a.

Ester 1:9

Ha nix hich te ajwalil-ants Vasti la spasbe sq'uin te antsetic te ay ta sna te ajwalil Asuero.

Ester 3:15

Te mach'atic yich'ojic te cartahetic loq'uic bahel ta scuenta smandar te ajwalil, soc la yich' aq'uel te mandaril ta Susa banti nahinem te ajwalil. Te ajwalil soc te Amán hucajtic ta uch'bajel, pero ta Susa ma ba la sna'ic bin ya spasic.

Proverbios 31:4

Ma ha'uc yu'un ajwaliletic, Lemuel, ma ha'uc yu'un ajwaliletic te ya yuch'ic vino, ma ha'uc yu'un príncipaletic te ya sc'anic bin pajubtesbil;