Esdras 9:9 - Bible in Tzeltal Bachajón

⁹ Aunque ayotcotic ta mosohil, ma ba spihtesejotic ta yo'tan te Dios cu'uncotic ta banti ayotic ta mosohil, ha la yac' te sc'uxul yo'tan ta jtojolcotic ta stojol te ajwaliletic yu'un Persia; la ya'botcotic xan yip co'tancotic ta scha'pasel xan te sna te Dios cu'uncotic soc ta scha'pasel te banti jihnem soc la scoltayotcotic yu'un jcontracotic ta Judá soc ta Jerusalén.

Bible in Tzeltal de Oxchuc y Tenejapa

⁹ Manchuc me ayotic ta mozoinel, ma ba la apijt'esotic ta banti ayotic ta mozoile. La awac' quiltic yutsil awo'tan ta stojol te muc' ajwaliletic yu'un Persia, la ana' yo'bolil jbatic, la awac' jcuxlejaltic yu'un xcha'pasel xan te templo awu'un te banti jineme. Ja'at la awac'botic coltayel ta sq'uinal Judá soc ta lum Jerusalén.

Esdras 9:9 Referans Kwoze

Esdras 7:6

hahch loq'uel ta Babilonia. Te Esdras p'ijuben ta lec yu'un te ley yu'un Moisés te a'bot yu'un Jehová te Dios yu'un Israel; soc ha a'bot yu'un te ajwalil spisil te bintic la sc'an, como te sc'ab te Jehová te Dios yu'un ay ta stojol te Esdras.

Zacarías 2:5

Ho'on sts'ahcul c'ahc' ya xc'ohon ta sjoyobal, xchi te Jehová, soc ya cac' ta ilel cutsilal ta yohlil, xchi.

Hageo 1:9

Bayel bintic yac alehic, pero mayuc lec yac atahic; te bin yac aq'uej ta anahic, ho'on ya juhxiy loq'uel. ¿Bin yu'un? xchi te Jehová te scuentahinej spisil. Como jimbilix te jnahe, yan te ha'exe ya x'ahnimajex bahel ta nahetic awu'unic.

Daniel 9:25

Na'a me soc ac'a c'ohtuc ta awo'tan: te c'alal ya yich' halel mandar te ya yich' cha'pasel xan te Jerusalén ha to c'alal ya xtal te príncipal te malbil ta aceite, ya xc'ax huqueb semana, soc cheb schanwinic (62) semana; ya yich' xan pasel te callehetic soc te sts'ahcul ta yorahil wocol.

Ezequiel 11:16

Ha yu'un hich me xawalbe: Hich yaloj te Jehová, te Ajwalil: Aunque namal la jticonlan bahel ta yohlil te nacionetic, aunque la jpucticlan ta yohlil yantic q'uinaletic, ha ahnibal ya xc'ohon yu'unic te banti ya xc'ohtique, xchi.

Isaías 5:5

Ya calbeyex bin ya jpasbe te jts'usubil: Ya jloq'uesbe scorralil-ton, hich ya xjihn; ya jch'ojbe cohel te sts'ahcul, hich ya yich' ts'o'ts'o' teq'uel.

Isaías 5:2

La shotbe slumil, la sloq'uesbe stonal soc la sts'un te tsahbil ts'usubetic. Ta yohlil la spas toyol ilo-q'uinal soc la spasbe yawil spits'ojbil. La smahliy te ya sitin lequil ts'usub, pero la yac' ha'mal ts'usubetic.

Esdras 7:8

Te Esdras c'oht ta Jerusalén ta yo'ebal u ta shuquebal ha'bil yochel ta ajwalil a.

Esdras 9:10

Pero yo'tic, Dios cu'uncotic, ¿bin ya xhu' ya calcotic yu'un te bin jpasojcotique? Como la jquihquitaycotic te mandariletic awu'un

Salmos 109:12

Ma me ayuc mach'a ya sc'uxultay o te ya sna'be yo'bolil sba te snich'nab te hilemic ta me'ba'.

Salmos 138:7

Te c'alal ya xc'axon ta yohlil wocol, ha'at yac awac' cuxajucon; yac ahach ac'ab ta scontrahinel te yilimba te jcontratac, yac acoltayon ta awa'el-c'ab.

Isaías 14:3

Te bin ora te Jehová ya ya'beyex acux awo'tanic yu'un awocolic, yu'un c'ux obol abahic soc yu'un tulan mosohinel la awich'ic,

Esdras 2:68

Ay jtsobawetic yu'un sna sme'static, te c'alal talic ta sna Jehová te ay ta Jerusalén, ta sc'anojel yo'tanic la yaq'uic mahtaniletic scuenta scha'pasel te sna Dios ta lugar yu'un.

Nehemías 2:17

Ha yu'un hich la jcalbeyic: Ha'ex awilojic te jwocoltic: ha te jihnemix te Jerusalén soc c'ahq'uemiquix te puertahetic yu'un. La'ic, ya jpastic te sts'ahcul te Jerusalén scuenta yu'un ma ba ya quich'tiquix labanel a, xchihon.

Nehemías 9:17

Ma ba la sc'an la ya'iyic soc ma ba la sna'ic te jchahp a'teliletic te la apasticlan ta yohlilic. Tulan la yac' sbahic, soc ta scuenta stoybahilic la snopic ya yotsesic mach'a ya yic'ticlan suhtel ta mosohil. Pero te ha'at Diosat te yac apas perdón, lec awo'tan soc sts'ujet awo'tan, ma orahuc ya x'ilinat, soc muc' te sc'uxul awo'tan, ha yu'un te ma ba la apihteslan.

Isaías 61:4

Ya scha'pasic te ts'ahquetic te namey jihnemic, ya scha'hachic xan te bintic nameyix la yich'ic jinele; ya scha'pasic te pueblohetic te jihnemic, ha te jinel yu'un bayel ta caj ts'umbalil.