Esdras 9:8 - Bible in Tzeltal Bachajón

⁸ Pero yo'tic, ta jts'ihn nax, la ya'botic quilcotic te sc'uxul yo'tan te Jehová te Dios cu'untic, soc la yac' te ay mach'atic ay cu'uncotic te hilemic ta libre soc la yac' te ay jun lugar ta ch'ul awilal yu'un te banti jun co'tancotic ya xhu' ya xnahinotcotic. Hich te Dios cu'uncotic la yac' sacubuc q'uinal ta jsitcotic soc la yac' jcux co'tancotic jts'ihnuc yu'un te mosohinel cu'uncotic.

Bible in Tzeltal de Oxchuc y Tenejapa

⁸ Pero ja' nix jich yo'tic, Cajwal Dios cu'untic, ta swenta yutsil awo'tan te jtsojp te ya xjilotic ta libre soc te ya awac' x'ainotic ta jnatic ta bay te ch'ul lumq'uinale. Ja'at la awaq'uix yach'il luz ta jtojoltic, la awaq'uix quich'tic ch'in jtebuc ic' te bit'il ayotic ta mozoinele.

Esdras 9:8 Referans Kwoze

Salmos 13:3

Ilawilon, sutbon jc'op, Jehová, Dios cu'un; sacubtesbon q'uinal yu'un ya quil, scuenta yu'un ma ba ya xwayon yu'un lajel;

Oseas 6:2

Li' ta cheb c'ahc'al ya ya'botic xan jcuxlejaltic, ta yoxebal c'ahc'al ya shachotic, hich ya xcuxajotic ta stojol.

Habacuc 3:2

¡La jca'iybat ac'oblal, Jehová, xcham co'tan yu'un! Pasa xan awa'tel, Jehová, ta yorahil ayotcotic; ta yorahil ayotcotic ac'a ta na'el te awa'tele; aunque ilinemat, na'a me c'uxultayel.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

Salmos 85:6

¿Ma bal yacuc awac' xan jcuxlejalcotic, scuenta yu'un hich tse'el yo'tan ta atojol a te pueblo awu'une?

Apocalipsis 3:12

Te mach'a ya ya'iy tsalaw, ya cac' te ha yoyal ya xc'oht ta templo yu'un te Dios cu'un, soc mayuc bin ora ya xloc' tey a. Tey nix ta stojol ya me jts'ihbabe te sbihil te Dios cu'un soc te sbihil te muc'ul pueblo yu'un te Dios cu'un, ha te yach'il Jerusalén te ya xco tal ta ch'ulchan ta stojol te Dios cu'un; soc ya jts'ihbay te yach'il jbihile.

Romanos 9:27

Ha nix hich te Isaías la yawtaybe sc'oblal te Israel: Te hichuc yipal sts'umbal Israel te bin ut'il shi'al mar, stsahbenal xanix te ya xcolic,

Zacarías 10:4

Ta Judá ya xloc' tal te ton yu'un xuhc na, te ts'apbil-te' yu'un nahilpac', tey ya xloc' a te t'ihmalte' yu'un guerra, soc spisil te jtsobawetique.

Zacarías 8:12

Yu'un ya yich' ts'umbeyel lamal q'uinal: ya me yac' sit te sts'usubilic, ya sitin te awal-ts'unubil ta q'uinal, soc ya yac' sts'ujulel te ch'ulchan; ya ca'be yu'untayic spisil ini te mach'atic hilemic yu'un te pueblo.

Zacarías 8:6

Hich yaloj te Jehová te scuentahinej spisil: Aunque te mach'atic hilemic yu'un te pueblo hich ya yilic te ma xhu' ta pasel ini ta hich ora, ¿yu'un bal c'ax wocol ya quil te ho'one? xchi te Jehová te scuentahinej spisil.

Ezequiel 14:22

Pero ay mach'atic te cuxul ya xhilic tey a, ha al-nich'aniletic te ya yich'ic loq'uesel tey a. Ya me xtalic ta atojolic, ya me awilic te stalelic soc te ya'telique, hich ya xmuc'ub q'uinal yac awa'iyic yu'un te bin chopol la jcac' taluc ta stojol Jerusalén, spisil te bintic la jcac' taluc ta stojol.

Jeremías 44:14

Te mach'atic hilemic ta Judá te ochic bahel ta nahinel ta sq'uinal Egipto mayuc mach'a ya xloc' ta ahnel o te cuxul ya xhil te ya suht tal ta sq'uinal Judá, te banti yo'tanuc ya xnahinic; ma ba ya suhtic bahel; ha nax cha'oxtuhl te ya x'ahnic loq'uel, xchi.

Jeremías 42:2

ta stojol te jalwanej Jeremías, hich la yalbeyic: A'iya awa'iy bin ya jc'ambatcotic; c'opombotic Jehová te Dios awu'un yu'un spisil te mach'atic hilemique. Ta nahil tsobolotcotic, ta ora ini mayucotic tsobol, hich te bin ut'il yac awile.

Isaías 56:5

ya ca'be lugar ta jna soc ta yutil te ts'ahquetic cu'un, ya ca'be sbihil te lec xan a te bin ut'il sbihil ach'ix-querem nich'aniletic; ya ca'be sbihil te stalel ya xhil, te mayuc bin ora ya xch'ay.

Isaías 1:9

Te manchuc la yihquitaybotic jtut chahp te Jehová te scuentahinej spisil, hich c'ohotic te bin ut'il Sodoma, hich te bin ut'il Gomorra, te hichuque.

Eclesiastés 12:11

Te c'opetic yu'un te mach'atic ay sp'ijil yo'tanic hich c'ohemic te bin ut'il ch'ix, te tsobil c'opetic hich c'ohemic te bin ut'il clavohetic te bajticlambilic ta lec, te la yich'ic halel yu'un jtuhl jcananchij.

Salmos 138:7

Te c'alal ya xc'axon ta yohlil wocol, ha'at yac awac' cuxajucon; yac ahach ac'ab ta scontrahinel te yilimba te jcontratac, yac acoltayon ta awa'el-c'ab.

Salmos 34:5

Te mach'atic ya yac' sitic ta stojol Jehová chican te bayel yutsil yo'tanic, mayuc bin ora ya x'ac'otic ta q'uexlal.

Job 33:30

yu'un ma xyac' ta muquenal te sch'uhlel, yu'un ya ya'be xan yil te sacal q'uinal yu'un cuxlejal.

Nehemías 9:31

Pero ta scuenta te sc'uxul awo'tan ma ba jc'axel la alajin, soc ma ba la apihtes; como ha'at, Diosat te yac ana'be yo'bolil sba soc te ay sc'uxul awo'tane.

Nehemías 1:11

Ya calbat wocol, Jehová, te yacuc awa'iybe sc'op te a'bat awu'un soc te sc'op te a'batetic awu'un, te mach'atic ya sc'an ya yich'ic ta muc' te abihile. Ac'a te lecuc ya xc'oht te a'bat awu'un, te lecuc ya xc'oht ta stojol te winic ini, xchihon. Ta hich ora ho'on jc'asesej-copahon yu'un te ajwalil.

Esdras 9:9

Aunque ayotcotic ta mosohil, ma ba spihtesejotic ta yo'tan te Dios cu'uncotic ta banti ayotic ta mosohil, ha la yac' te sc'uxul yo'tan ta jtojolcotic ta stojol te ajwaliletic yu'un Persia; la ya'botcotic xan yip co'tancotic ta scha'pasel xan te sna te Dios cu'uncotic soc ta scha'pasel te banti jihnem soc la scoltayotcotic yu'un jcontracotic ta Judá soc ta Jerusalén.

2 Reyes 19:4

Ya wan ya'iy Jehová te Dios awu'un spisil bintic la yal te jtsobaw soldadohetic te ticombil tal yu'un te ajwalil yu'un Asiria ta sbohlc'optayel te cuxul Dios; te yacuc ya'be castigo yu'un te bintic la yal la ya'iy te Jehová te Dios awu'une. Ha yu'un c'opombeya Dios yu'un te mach'atic cuxul hilemic, xchihic.

1 Samuel 14:29

La sjac' te Jonatán: Te jtat la ya'be swocol te jlumaltique. Ilawil bin ut'il lecub jsit yu'un te la jwe' jxuht' te chabe.

1 Samuel 14:27

Pero te Jonatán ma ba la ya'iy te bin ut'il te stat la ya'be yalic ta jamal te winiquetique; ha yu'un la shach te snahbate' yich'oj ta sc'ab, la yotses ta chab, patil la yotses ta ye; lecub sit yu'un.

Proverbios 29:13

Te pobre soc te j'uts'inwanej junax sc'oblalic: pajal ya x'a'bot yilic sacal q'uinal yu'un te Jehová.

Isaías 14:3

Te bin ora te Jehová ya ya'beyex acux awo'tanic yu'un awocolic, yu'un c'ux obol abahic soc yu'un tulan mosohinel la awich'ic,

Salmos 13:4

scuenta yu'un ma hichuc ya yal te jcontra: La jtsalix, te xchihe. Tse'el yo'tanic te jcontratac teme ya xyahlone.

Isaías 6:13

Teme ay ya xhil jun ta slajunebal, ya me yich'ic jinel; pero hich te bin ut'il te jihte' soc te sac-jihte' ya xhil schumante'el c'alal ya yich' ts'etel, ha nix hich schumante'el ya xc'oht te ch'ultesbil ts'umbalil, xchi.

Sofonías 3:12

Ya quihquitaybat hilel ta awohlil jun pueblo te peq'uel yo'tan soc pobre, te ya smuc'ulin yo'tan te sbihil Jehová.