Esdras 9:6 - Bible in Tzeltal Bachajón

⁶ hich la jcal: Dios cu'un, ma jna' bin ya jpas, soc ay q'uexlal ya ca'iy te ya jach mohel jsit ta atojol, Dios cu'un, como te jmulcotic sohlix mohel ta jolcotic, soc te faltahetic cu'uncotic c'ohemix c'alal ta ch'ulchan.

Bible in Tzeltal de Oxchuc y Tenejapa

⁶ jich la cal: —Dios cu'un, Dios cu'un, mero bayal ya xtal q'uexlal ta co'tan ya caiy, soc ma xtojob ya caiy te co'tane, soc ma jna' bi ya cal ta atojol. Melel mero c'axemix ta jyalel te falta cu'untique, c'oemix c'alal ta ch'ulchan te mulile.

Esdras 9:6 Referans Kwoze

Apocalipsis 18:5

Como c'alal ch'ulchan tohyemix te smule, soc ay ta cuenta yu'un Dios te bintic chopol spasoje.

Salmos 38:4

Ts'ahmal q'uinal ya ca'iy yu'un te muliletic cu'un, mero al ta cuchel ya ca'iy.

2 Crónicas 28:9

Ay jtuhl jalwanej yu'un Jehová tey a, ha te Oded sbihil, loc' ta stahel te soldadohetic te c'alal yacalic ta ochel bahel ta Samaria a, hich la yalbe: Te Jehová te Dios yu'un te ame'atatic la ya'beyex ta ac'abic te Judá ta scaj te ilin ta stojolic. Te ha'ex la amilic ta scuenta hich smuc'ul awilimbahic te c'ohtix c'alal ta ch'ulchan.

San Lucas 15:21

Hich halbot yu'un te snich'an: Jtat, jtahoj jmul ta stojol ch'ulchan soc ta atojol, ma xpasix te anich'an ya xhaloton, xchi.

Job 42:6

Ha yu'un ya quihlay jba soc ya jsuhtes co'tan ta ts'u'lum soc ta tan, xchi te Job.

Esdras 9:15

¡Jehová, Dios yu'un Israel, toj awo'tan! Ay mach'atic cuxul hilel cu'uncotic, hich te bin ut'il ta ora ini. Li' ayotcotic ta atojol soc te jmulcotic, ma spas te ya x'ayinotcotic ta atojol ta scaj te jmulcotic, xchi ta sc'oponel Dios.

Romanos 6:21

Pero ¿bin la atahic a te yo'tic ya xq'uexawexix yu'un? Como ya yaq'uex ta lajel stuquel.

Ezequiel 16:63

scuenta yu'un ya xtal ta awo'tan soc ya xq'uexawat, soc mayuquix bin ora yac ajam awe ta scaj aq'uexlal, te c'alal ya jpasbat perdón yu'un spisil te bintic apasoj, xchi te Jehová, te Ajwalil.

Jeremías 31:19

C'alal la jpitix jba, la jsuhtes co'tan; c'alal la jna'ix te ay jmul, la jmajulan jtahn yu'un. Q'uexawon soc pehc'ajon, como la jcuch te q'uexlal yu'un te jqueremil, xchi.

Jeremías 8:12

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Jeremías 6:15

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Jeremías 3:3

Ha scuentahil te la yich' comel te ha'ale, te ma ba la yac' ha'al ta yorahil te ya xyaxub te q'uinale. Pero hich awelaw te bin ut'il jmulawil ants, ma ba la ac'an ya xq'uexawat yu'un.

Isaías 59:12

Como bayel toybahil cu'uncotic ta atojol, soc ya yalotcotic te jmulcotique. Ay ta co'tancotic te c'axun-mandar cu'uncotic soc ya jna'cotic te mulil cu'uncotic:

Isaías 1:18

La'ic, xchi te Jehová, ya jchahpantic te c'op ini: aunque hich amulic te bin ut'il buen tsaj, buen sac ya xhilic hich te bin ut'il me'sic; aunque hich ayic te bin ut'il c'ax tsaj, hich sac ya xc'ohtic te bin ut'il sac stsotsel tuminchij.

Job 40:4

Mayuc jtuc ya ca'iy; ¿bin ya xhu' ya jsuhtesbat? Ya jmac que ta jc'ab.

Esdras 9:13

Te c'alal c'ax spisil bintic c'oht ta jcuentacotic ta scaj te chopol ca'telcotic soc te muc'ul mulil cu'uncotic, ha'at, Diosat cu'uncotic, ma ba hich la awa'botcotic castigo te bin ut'il te jmulcotic, soc ay mach'atic la awihquitaybotcotic hilel hich te bin ut'il ini.

Génesis 13:13

Pero te mach'atic nahinemic ta Sodoma c'ax chopol yo'tanic, la spasic mero chopol muliletic ta stojol Jehová.

San Lucas 18:13

Yan te jc'an-patan, q'uejel to ay, ma ba la sc'an la shach mohel sit ta ch'ulchan, la spac'ulan stahn, hich la yal: Dios, na'bon yo'bolil jba, ho'on te jmulawilon, xchi.

1 Reyes 8:47

teme tey ta q'uinal ta banti ayic ta chuquel ya suhtes yo'tanic, ya suhtic tal ta atojol soc ya sc'oponat tey ta sq'uinal te mach'atic ic'otic bahel ta chuquel yu'un, teme hich ya yalic: La jta jmulcotic, la jpascotic te bin chopol, ma lecuc te bin la jpascotic, teme xchihique,

Jeremías 51:9

C'an jpoxtaytic te Babilonia, pero ma ba lecub. Ihquitaya hilel, conic ta jlumaltic ta jujutuhl, como c'ohem c'alal ta ch'ulchan te castigo yu'une, mohem bahel c'alal ta tocal.

Éxodo 32:31

Ha yu'un te Moisés suht bahel ta stojol Jehová, hich c'oht yalbe: Ta mero melel te pueblo ini la stahix muc'ul mulil yu'un la spas diosetic ta oro.

Levítico 26:40

Yan teme jamal ya yalic te smulic soc te smul sme'static, ha te la stoy sbahic ta jtojol soc te la scontrahinonic,

Nehemías 1:6

ya calbat wocol te jamaluc asit soc yacuc awa'iybe sc'op te a'bat awu'un te yacon ta yalel ta atojol c'ahc'al ahc'abal ta scuenta te snich'nab Israel te a'batetic awu'une. Ya calbat ta jamal te smul te snich'nab Israel te jtahojcotic ta atojol; ho'on soc te sna te jtat la jtahcotic jmulcotic.

Salmos 38:5

Te ehchenetic cu'un ya xc'a'ix soc ya xtuhubix scaj te ma jna' q'uinal.

Lamentaciones 3:42

La jle jmulcotic soc jtoyoj jbahcotic ta atojol, ma ba la apasbotcotic perdón.